بشرى مبارك
عدد المساهمات : 7557
تاريخ التسجيل : 19/02/2009
العمر : 65
الموقع : أقيم فى بيريطانيا مدينة بيرمنجهام
 |  موضوع: أول مشاركة لى فى منتدى السقاى الرياضة كانت قصيدة للارباب صلاح إدريس  الجمعة 8 أكتوبر - 6:34 | |
|
الارباب أخوى الانسحاب خليهو
وركّز فى الهدف المرمى ماتجليهو
والساب الهلال زورو وكمان رضيهو
إستاد الهلال ركّز على وعليهو
المريخ جنوب العرضة بى واليهو
مقصورة وطوابق إنجاز كمان تاليهو
ركز فى الصغار سودانا فى عاليهو
أسس للقدم والعالم كمان ضاريهو
الكأس من زمن جارين وراء نباريهو
مانمرق ملوص وعيبنا مانضاريهو
جمهور الهلال واقف مع ساريهو
ما خذل النجوم رايع العروض حاريهو
يقدّم فى الشباك الدورى هو الصاريهو
ما نفرّط فى كأس سودانى هو الراعيهو
وسودانى ياروع إسم فى جيبنا بنضاريهو
لو كنت فى حلفا نغماتو بتباريهو
ولو كنت فى نمولى سودانى بس شاريهو
ولو ضاع الطريق سودانى ليك داليهو
ما تفرّط تسيبو أو تقول راميهو
هو الراعى البطولة والاسم حاقيهو
وناس الاتحاد الدورى بى غاليهو
وماعايزين تخبط والغلط وريهو
أحسم للقرار مايطول ولاتلافيهو
والعامل الغلط ماتكوس على تراضيهو
********************
الاعلام كمان واعى وأمين ومواكب
يراعى المنطقية ويبرز لكل مواهب
ومايطبّل ويمدح يغرّق لكل مراكب
ومايصبح شعارك فى الحرب إنت محارب
أخلاق الرياضة أمثالة إنت الضارب
أخلاق الرياضة أمثالة إنت الضارب
| |
|
