مسادير رياضية هلالية مريخية عماد المتمة منتدى دار جعل وبشرى مبارك منتدى السقاى

لا شفنا القديم ولا الجديد حارينو
والمريخ هو كاساً ومن قديم داخرنو
من زمن الترُك والناس كتير كتير ناسينو
أدونا الجديد وأدونا المفيد وكيف الحصار فاكنو

يا ود المتمة وبشرى ما عندنا من قديم نتحكى
والليلة الهزائم والعرض الضعيف خلانا بس نتبكى
يارب ياكريم نشوف عروض وخطط والشباك تنشّكّه
ونلعب بيها همه ونصعد ليها قمه وما نحوم نحوم نتكّه

أدوهم قروش تحيير الشيطان
وسكنو فى الفنادق والجيب تقيل مليان
وفى هز الشباك فى هز الشباك الكل يكون غبيان
ويمرق بى مغصتو ويمرق غير هدف ومرات مرات يكون حفيان

وأختم بالمباركة للبشير وأخونو
ناسن المؤتمر الوطنى تب ما هانو
وثبتو للسلام فى.. البلد البلد وأركانو
عايزين نبى البلد ونبعد لكل لكل الخانو
وياود البشير تعال شوفنا شوف ناس مانو

ما تخاف علينا والخمسة ما منسية
ومازيمبى الخطير... ما لينا خلف الكية
أتسدينا فيهو ولو ما...... الليد يقت ملوية
فرقنا فرد هدف..... لو فركو الرجل ضحوية
الاسماعيلى ما هو البخوف راجينو فى الباكرية