من منتدى سودانى للابد ومسادير مجادعة بين بت الاقرع وبشرى مبارك

الــــــــــمــــــــــديـــــــــــــر الـــــــعــــــــام "دهب الوقية"

رقم العضوية : 9
تاريخ التسجيل : 02-09-2006
المكان : قطر
المشاركات : 4,587
النقاط : 239
قوة التقييم :

رد: مسدار السنة الجديد من بشرى مبارك

--------------------------------------------------------------------------------

اقتباس:
المشاركة الأصلية كتبت بواسطة بشرى مبارك
ما كت قايل ردك سريع مدخور
وخيرك ديمة سابق قاطعابو سبعة بحور
يا رب يا كريم يدييك من نعييم ما تشوفى تب ساجور
نمّى ما تقيفى وأنا بكتب معاك بى كل فرح فرح وسرور

تسلم يا الأصيل ما إنت أصل النم

منك نستفيد و مع الشعر ننجم

يديك الكريم الخير و بُعد الهم

و النم ما بيقيف دام بيننا رابط الدم

المشاركة الأصلية كتبت بواسطة بشرى مبارك
مديرة وشايفة دورة قايمابو بى بكل همّه
وما تقولو الادارة شغل الرجال الرجال والعمّة
قولوها الحقيقة قولوها النصيحة وما تبلعو للذمّة
مديرة بى جدارة ومنّور خدارة وما شُفنا منها طِمّة*

طِمّه بكسر الطاء يعنى بالدراجة كده حاجة تطمم البطن أو موضوع (هايف ) أو أى كلام .

تسلم يا الأسد نلقاك دوم في القمة

معروف من زمان زول انضباط و ذمة

يا ولد البلد الما بوطي راسو لرمة

و للمحتاج خدوم بكل ذوق و همة

رد: مسدار السنة الجديد من بشرى مبارك

--------------------------------------------------------------------------------

اقتباس:
المشاركة الأصلية كتبت بواسطة بشرى مبارك
يا مديرتنا بت الاقرع شدى حليك الحكاية بقت مسدارين مسدارين لقييتك ماشه كويس !!قلت أجييب فيك (فرق الغياب ده ) ممكن تستعينى بصديقة أو تتصلى بقريبتك المهم تردى فى اليوم على المسدارين وإلا (بزوغ تانى )

لا لا ما تزوغ يا جنابو بي استعانة بي صديق بي سلفية باي طريقة بكون بي جاي