قصيدة بعنوان منتدى السقاى كلمات بشرى مبارك ادريس

--------------------------------------------------------------------------------

أرسلت لى بالامس من الرياض (الاخت بت السقاى) المشاركة بفعالية فى منتدى أنا سودانى أرسلت لى رسالة تفيدنى بأن (منتدى السقاى ) قد رأى النور ولم ترسل لى الرابط ورديت عليها لكى ترسلة لى وقلت حتى يصلتى الرابط (أربط) للمنتدى بقصيدة وأكون جاهز وأبدأ بيها بعد بسم الله الرحمن الرحيم وأليكم هذة القصيدة حتى لاتقولوا خلاص بشرى بعد منتدى السقاى سوف لن يظهر!!!!! والى القصيدة الآن :
منتدى السقاى منتدى السقاى
يلا أدخل زور يلا قبّل جآى
لو إنت زول تطريب تلقى فى الغناى
لو إنت زول مادح نزلت فى السراى
السراى السراى الجافو النوم وعقدو الرآى
أدينا من شعرك نحن ناس حدباى
أدينا من قصه أدينا من النثر ادينا من شاشاى
ما منا زول حداث بس مننا السواى
ونحنا ناس خوة سقاى عموم خاواى
وفى الثمار زارعين نديك من باباى
وللنخيل جالبين نديك ود لقاى
مشرق والله ودلقاى فيهو الطير يسوى الواى
جايبنو من (الباوقه ) توأم السقاى
لو إنت من دارفور تلقى ناس تاتاى
أحفادوا (ودحبوبة) أنصار كمان سقاى
تأريخنا جد معروف أسال الحجاىّ
أولادنا فى الخرطوم عاقدين هناك الرأى
فى المجلس الوطنى ولدنا كان ناداى
ناس( البلوله) مصانع للبرد هم غطّاى
وأولاد على فى مزاد والاسم هو السقاى
ود بابكرفى السوق سيد الكرم عشاى
والزين فى سوق بحرى للغالى ما غلاىّ
فى الجيش كانوا رجال والمدفع الدواى
وفى الشرطة كم ضابط لى اخوانو هو السقاى
فى كل عموم سودان الماركة هى السقاى
فى كل عموم سودان الماركة هى السقاى

عدد المساهمات : 29 تاريخ التسجيل : 27/01/2009

الم اقل انه فارس مغوار من فرسان الكلمة؟ صح لسانك اخي بشرى وقد سبحت بنا في اطياف السقاي ، ولتهنأ السقاي التي انجبت ابناءا خلصا مثلك ـ وقبل ان تطربنا فقد ابكيتنا حنينا وشوقا التراب السقاي وكل من يمشي عليها ـ
يقولون ان اول الغيث قطرة ولكنك بدأت مهطالا مدرارا ، فلك التحية والتجلة.
مع محبتي ،،،،

» قصيده بعنوان فى العيلفون كلمات بشرى مبارك ادريس
» قصيدة بعنوان سجنونى تأبيدة كلمات بشرى مبارك
» قصيدة الوحدة ما بالغصب كلمات بشرى مبارك إدريس
» قصيدة بعنوان إضراب إضراب عبدالوهاب كلمات بشرى مبارك
» قصيدة بعنوان (من بون لى بروكسل ) بشرى مبارك إدريس