زول البقره

تذكير بمساهمة فاتح الموضوع :

والله ياجنابو حسب سمعي البقره قالو إتلقت في الخوجلاب لكن انا خايف صاحبنا ده لايلم في دهب العبيديه ولالبن تمبول

يا ود جاد الله
الجفلن خلهن اقرع الواقفات

مشكوور ياابو عمير وجنابو جزاه الله خير علمك الطريقه
لو مانفعت اتصل علىٌ تلفونى عندك اعلى هذه الصفحه
برضو عشان نعرف رقمك ونتواصل .
ومينو يااخوانا شكلها لسه راسها لافى ومافكت كويس
شربوت ناس جدها شكلو كان قوى عدييييل.
وبقوليك يامينو الفيك معرووووفه مادايره ليها بخرات
ولا شيوخ . ههههههها
ومسدارين صغار كده لى عمر ومينو (ماعمر وسلمى):

البقر يااخوانا قلنا ماهو البقر نطاح
دي بقيرتاً ناعمة تتمسح كل ليل وصباح
وواعية وفاهمه لى كل الغلط والصاح
اقرو ختامى ليكم فيو تبيين مزيد ايضاح

يامينو الجن ده وهمه ساااى والادعاء مابفيدك
وتسلمى لينا من الجنون وحبة صداع ماتصيدك
كترٌتِ من اللحوم واليوم داك كان يوم عيدك
ده جن شربوت الغرب اللخبط ليك عمرك وزيدك

ود الطيب الحاج"
يا ود جاد الله
ا الجفلن خلهن اقرع الواقفات[/quote]

وين الواقفات ديل ياريت لو فى واقفات
انت ماشايفنى بحنس فى جنابو بشرى يشوف لى حمامه المانيه
والا ماشفت مناشدتى البطلب فيها عروس من بنات المنتدى
عشان مانطلع ليكم تانى حتى لو طردوتنا.
يلا ضم صوتك لى صوتى يمكن المناشده تجيب فايده
باقى شايف كلامك كبار وحلو ومعسول وكلو قانونى فى قانونى
وتعليقك الاخير عجبنى واتذكرت (ريم) بت خالى عبد الجليل
لما يكون فى احتفال بى تخريج طلاب الجامعات او عمل عام
بتجيب زى كلامك الكبار ده (ان الابداع لا يأتي صدفة.... انتم من يصنع الابداع ... انتم من يخرج الفرح من احزاننا عنوة انتم من يزرع الامل في ارواحنا ... انتم الشموع التي تنير لنا لطريق...انتم وانتم وانتم.....)
والله لكاننى واقف امام المسرح استمع اليها، لك ولها التحيه وجعلك الله واياها مفخرة
لوطننا الصغير السقاى ، واتحفنا ياولد بالروائع

بقرك ان كبر خاويه ابقى نديد
واوعاك تنكسر في الريدة ابقى شديد
المر بنشرب دايرلو زول صنديد
وعمر مازاد دا الجابو ليك السيد

ا

انتو البقر اتلقى وللا شنو الناس مالا وقفت الفتيش والله يااشرف حظك من السما حمدا على السلامة نحن راجين الكرامة ان شاء الله عجلة قبلانين

ياناس البقرواللبن نحن جينا وين دياركم انتو
وياعمر اخوى انا بقوليك :

لى جمع البقر يااخوانى مااظن طـــارى
وكُت راجى الجميع ولو بى تدخل طارى
طار زى الدقيق فى يوم الرياح الضارى
باقيلك تانى بِجمَع حتى ان شكلولو طـوارى ؟؟

حياك الله ياجنابو ومرحبا بالعوده الى زريبة البقر
والتى انجمينا فيها لفتره طويله كانت اجمل من
جمتنا فى صالون المنتدى وغيره . وهيثم شكلو قدومو
مترم قال بسنو وبجى واتوقع دخوله اليوم وبقوه انشاء الله
وعمر عينوفى البقر لكن شايفو مشى منهن لا غادى شكلوا
خاف والا شنو ماعارف ؟؟


الآن مينو احسن نخليها لى شغلاً جميل كييف
وجديد المنتدى هدفه (اكمال جوده) والتلطيف
عشان كل مشاركات..وتعليق.. ورد ماظريف
يتصدى المشرفين تعديل ، شطب....تنضيف

هيثم حسن الطاهر كتب:

الشئ العجيب البقره شالت حالنا
صبحت همنا في حلنا وترحالنا
نجارين جداد ماكانو تب في بالنا
بي سبب البقيره الليله شنو فعالنا

‎
البقر الزمان فرتق شرد لي غادي
ضيع فكرنا خلاني أصرخ أنادي
يارب ياكريم اجمعني بيهو قصادي
يبقى فرحنا هل وتحققت امجادي
والله الناس ديل حلوين حلا استحلفكم بالله أين ذهبوا ؟
وين ديل

والله ياجنابو الناس ديل تلفون منك ارجعهم انا علي واحد وانت عليك هيثم وزول البقرة صعبة دي زماااان ماقلت لو دايرين لمنتدانا خير خشوا بوست زول البقرة اها رجعهم انت كبيرنا عارفك قربت تعرفني يلا ورينا همتك تلفون أشرف معاك وتلفون هيثم لومامعاك انا تلفوني00249912556033
ارجع لي اومسكل وبوريك ودا بريحنا من الخاص وبطء النت أخوك بالجد البسام اسبابهم واهية الناس دي اديهم راسهم وتسلم ويسلم راسهم

هيثم دا شايفو صعب علي انا بضرب عليهو وربنا يسهل وبعدين انا ذاتي عندي مشكلة ماتقول تغير الاسم دا حاجة عاجباني
اشتركت باسمي الاشتراك الاول وبعد فترة عندما اردت الدخول طلب مني ادخال الرقم السري ادخلته مرارا ولم انجح فدخلت باسم اخر مع تغيير طفيف وحدث لي ماحدث اولا فدخلت مرة ثالثة بمسمى طائر الشفق لو تذكر وتكررت نفس المشكلة وهاهو الدخول الرابع واخاف ان يتكرر الاشكال ذاته اذا كانت مشكلة تقنية يا ادارة كلمينا

البقر انترم والشلة عدت غادي
هيثمنا الأمير خلانا فرتق جادي
وأشرفنا النبيل ساب البقر والوادي
يابشرى الخليل مين البجيبم صادي
البقر انترم والشلة عدت غادي
هيثمنا الأمير خلانا فرتق جادي
وأشرفنا النبيل ساب البقر والوادي
يابشرى الخليل مين البجيبم صادي