مسدار قبل القمّة !!!!

بدأت حمى لقاء القمة تنتاب الجميع وحتى (أبردها على أهل القبيلة الزرقاء ) رأيت أن أقدّم لهم هذا المسدار وأتنى من المريخاب الجد ناس أحمد عادل الحسن والحسن بشير الحسن أن يتحفونا بمسدار ان شاء واحد (مفجّخ) وكلو ألعاب نارية زى بتاعة مباراة زيسكو فى الرد كاسل !!! القالو حافل وشفنا فيهو يمين بهادل ما شفنا العجب بالفرحة قادل ما صحيح ما تقول يا عادل !!!!:

الليلة الاربعاء......... والقمة ماشه علينا
فى الجمعة القريبة...... يارب ملينا ايدينا
أمواجنا العجيبة ...... يارب صعود ودينا
نكسح للجماعة ...... والنادى جنب نادينا
ونكسب للنقاط نغيظ لكل ..... لكل عادينا

اانشاءالله ياعم بشري متاهلين متاهلين وحيكون التاهل عيديه لكل الهلالاب

الاخ أحمد عبدالحفيظ الشيخ الحمد لله طلعت معانا من أنصار الموج الأزرق وأكيد وان شاء الله مع أحمد وأخوانو سوف نتأهل ... تحياتى لعمك عبدالمحسن وقول ليهو بشرى بسلم عليك وقال ليك والله مغلوب مغلوب ونردمكم طوب !!!!!

عدد المساهمات : 40 تاريخ التسجيل : 03/09/2009

نسلم يا بشري ومنصور بأذن الله
ضياء الدين ابونوبه

الهلالاب الحلوين جنابو بشرى واحمد عبد الحفيظ وضياء الدين
انتم اكيد في حلممممممممممممممممممممممممممممممممممممم كبير
نحن يا صعدنا معاكم يا انتم قعتم معنا
ونحن شبعانين من الكاسات وغلبنا ليكم براهو كاس مع انو محلي لكن برضو كاس
ويا جنابو بشرى جهز مسدار المناحة على هلال الملاين

الاخ ودالطيب الحاج مبروك علييكم الكأسات والله العظيم نحنا تأهلنا لثلاثة أعوام على التوالى فى بطوله الابطال الافريقية للكبار والله تساوى عندنا كل كاساتكم بما فيها كأس سيكافا الطار منّكم مع فريق كنتو غلبتهو 6.1 لذلك أنا جاهز للمناحة (فال الله ولافالك ) ونحنا البارح حاولنا بكل السبل هلالاب ومريخاب أن نجد لكم أحتمال دخول ولكن باءت كل محاولتنا بالفشل وليتنا أستعنا بالفارابى أو ابن رشد فى علم الرياضيات أو الاستاذة عبدالله جبرة وعزالدين عثمان عباقرة الرياضيات فى الجيلى الثانوية فى أيامنا وما قبلها . وعلى العموم أنا متفائل بالانتصار عليكم أو على أسوأ الفروض الخروج بالموز ( أبونقطة بتاع كسلا !!!) وهذا يعنى خروجكم وتأهلنا باذن الله ... ونصيحتى لكم لوجة الله (أختو اللعب مع الكبار ) يجلدوكم وفى بلدكم حتى تخربوا بيتكم بأيديكم وليس بأيدينا واللهم لاشماتة !!!!

هذة القصيدة قدمتها قبل مباراة الهلال وأول أغسطس الانجولى والذى كان قد فاز على الهلال 3.1 فى المباراة الاولى وأستطاع الهلال فى المباراة الثانية أن يفوز علية 2.صفر مهند الطاهر وهدف أمبيلى العالمى وتمريرة المايسترو هيثم مصطفى ( سيدا والله سيدا ومقددة كمان ) وتأهل الهلال لدور الثمانية التحية للابطال اليوم وسوف

وسوف نتأهل ان شاء الله لدور الاربعة على حساب الخصم اللدود المريخ !!!!

إيدى فى أيدك إيدى فى إيدك نشجع
يلا نحنا مع الهجوم المابيعرف ليهو وقفة
وكلو كاسح .... مرة باصة ومرة عكسة
وفن أصيل ..ذى منزول وديم وعباس هو جكسا
يا هلال الموجو كاسح فيهوشرقة وطعمو فرحة
أحرز الهدف المبكر جمهورو صاحى ومافى سرحة
دفاع مكرّب مافى غفلة كتابو .... كتابو صفحة
فرمل الخصم العنبد..... كبحو ..كبحو كبحة
والوسط ياسيدا وزّع أوعة أوعة تخطى أوعة أوعة
الجناح فرفار خطير .... مرة كورنر فى ثانية لمحة
والهجوم يطلق مدافع ...... مدافع فيها لوعة
والهدف من بدرى لازم ... وبالفرح حانبكى دمعة
مامهم لو نبكى فرحة وألف فرحة وتانى فرحة
وما بنقيف من دون نشجع ..... أصلو برهة
عودنا أخوان سيدا باصة ... باصة وديمة سمحة
وكم هدف والخصم تاية ..... تاية جاتو قُرحة
*************************
*************************
يلا يا تشجيع يا راقى ياراقى ... ما بنقيف
قبل ما يبدأ يبدأ اللعب .... أبدع يا سيف
أهدافك الرايعة .... الرايعة العجيبة ورينا كيف؟؟؟؟؟
مرة بالرأس .. ومرة صاروخ يا عمر ود الجريف
قبل ما يبدأ اللقاء كتبت شعرى كتبت شعرى للحريف
وإن شاء الله منصورين تلاتة منصورين تلاتة يالطيف
وبالفرح نمرق نغنى رحلة عصافير رحلة عصافير الخريف
فى موسم الشوق الحلو ... ويالهلال يالهلال إنت الظريف
وللنهائى نكون هناك نكون هناك إنت ما إنت الحليف
معروف هناك فى كل ديار فى كل ديار صيف أو خريف
معروف بتزرع للفرح ... وتزرع الفرح النضيف
أمواجك الدايماً بتكسح دايماً بتكسح هدو قيف هدو قيف
أمواجك الدايماً بتكسح دايماً بتكسح هدو قيف هدو قيف
اقسم بالله العظيم سمعت الان الساعة 11.14 دقيقة فى الفضائية السودانية مقطع مصطفى سيد أحمد الذى كتبة فى بداية هذة القصيدة

(والله نحنا مع الطيور المابتعرف ليها خرطة ولا فى إيدة جواز سفر أيدى فى إيدك نغنى ) والان تشدو روضة الحاج شعراً قوافل خيمة الاوطان !!!!!

والله ياعم بشرى أنتو بتحلموا بس زي ما قال ود الطيب الحاج هسه من متين الهلال ما غلب المريخ من (الفين وسبعة أظن) والله كتيرة بعدين أي كورة لعبا المريخ مع (الوصيف) كان الزعيم هو المتفوق فيها بس زي ما بقولوا (ما بتدي حريف ) لكن الليلة إنشاء الله بتدي حريف والحريف ده المريخ بإذن الله .
وبالنسبة لي موضوع المسدار(المفجخ) ده حايكون بعد الكورة إنشاء الله ومطلعه بيقول
الليلة مريخنا خرب البلد *بي إيداهو جاب الطلب
بي وارغو والدافي كان الجلد

أحمد سلام عليك وأنت من أسع قعدت (تهضرب !!!) يأخى أنا الفى بيرمنجهام البعيدة عارف الدافى وسفارى ما لاعبين وفعلا قصيدتك مفجخه ومفخخة كمان يأخى داير تغلبنا بى لاعب غير موجود فى التشكيلة !!!! أها البحلم منو فينا والله فعلا حملم البردان الدافى !!! قال الدافى قال !!! وبصراحة أكتر لاعب كنت شايل ليهو هم فى المريخ ولما عرفت أن غير لاعب بسبب الكرت الاصفر الثانى كان الخبر بدايات الفرح بالتأهل والانتصار والذى ألمحة وأنا فى بيرمنجهام مثلما ألمح مئذنة جامع أنصار السنة بالسقاى وأنا بمحطة البتلاب أو الزعيم وتحياتى للعم بكرى عبدالله وأسرتة الكريمة وابنة منصور ودبكرى .

» القمّة حبايب وربنا كفانا شر المحن والمصايب
» كامبوس يراهن على كسب القمّة ويسافر الى البرازيل عالى الهمّة
» بطولة سامسونج للاندية الافريقية والعربية المعروفة بأندية القمّة
» مسدار
» مسدار