مسدار

نكمل الليلة باقي القصيدة

مالجواب الجاني منك صار عندي واليهد قيمة****والهوى الكان بيني وبينك عدى بالشوق والهزيمة
وهسه لمن ضربت هواي وقصة الذكرى الأليمة****جاي تاني عشان تعاود للحكايات القديمة
ويبقى ردي على جوابك ياجميل الرجعة لالا****كون ارجع ليك تاني الف مليون استحالة
مالفراق انت البديتو يوم حرمت الروح وصاله****انت عارف البادي اظلم ليه لزوم للرسالة
والكلام الفي جوابك كان بعدي علي زمان****قبلما تغدر عيونك وقبل مايخوني الزمان
انت فاكر قلبي بينسى فترة الذل والهوان****بس الكرامة الفيني اغلى من عيونك والحنان
والجرح انجرح مهما استمر لو حصل عشاني مرة****وفي ذاكرتي مره وقلبي بينزف تاني مره
وياحليل ايام عيونك كانت بتلهمني المسره
انت فاكرني بحزن شان فراقك او صفاك****ينقبض مهموم في عواطفك اصلو قلبي زمان نساك
وابتديت انساه ريدك وللزمان المره ويلك****وانسى جور كل الاماسي الفيها كم قاسيتو ويلك
وياحليلك ياحليلك ياحليلك