بشرى مبارك
عدد المساهمات : 7557
تاريخ التسجيل : 19/02/2009
العمر : 65
الموقع : أقيم فى بيريطانيا مدينة بيرمنجهام
 |  موضوع: قصيدة حلمنتيشية ... إسمك الخايف عليهو !!!!!!! وإنت ما خايف علينا  الإثنين 22 يونيو - 19:06 | |
| الاخوان اللذين يدخلون بأسماء مستعارة سوف أظل أطاردهم شعراً ونثراً وسجعاً وشكراً ورجاءأً وتوسلاً الى ان يكشف الداخل من قبل لنا إسمة ويدخل الجديد بإسمة ولايبدل تبديلا... لذلك كتبت هذه القصيدة الحلمنتيشية من باب الدردشة والتوسل فإلى القصيدة :
إسمك الخايف عليهو ..... وإنت ما خايف علينا
جيبو بى تذكارو جيبو حتى لو فى رموش عينينا
نحنا ما عايزين نعاتبك... أو تشوف الشينة فينا
يلا أدخل بيهو إسمك.. نحنا بى حروفك رضينا
لو تجيب إسمك معاك ...أصلو إسمك ما نسينا
ما كبرنا والكُبر باين علينا ........وفى مشينا
يلا أرحم لى كبُرنا... ولينا فى الغربة السينينا
الزهوروالورود الرايعة شفنا نحن ليك ما سلينا
بنقرأ ليك رايع الكلام....... والنصائح لاهفينا
ما كتبتو ما هجاء....... كتبت أشواق كاتبينا
كلهم عايزنو إسمك...... أوعه ماتبخل علينا | |
|
ود الطيب الحاج
عدد المساهمات : 671
تاريخ التسجيل : 09/03/2009
العمر : 55
| | موضوع: رد: قصيدة حلمنتيشية ... إسمك الخايف عليهو !!!!!!! وإنت ما خايف علينا الثلاثاء 23 يونيو - 23:08 | |
| الغالي بشرى ود عمتي الجودلية
وحات الله ديل لا بنفع فيهم شعر حلمنتيشي ولا فرقة الهيلاهوب دحين ما تودر مجهودك وخلينا زي ما كنا وحباب العندو اسم والما عندو (كلهم بنكفيهم) وهذه مقولة الأخ مامون زين العابدين وكان في تمرين مسخن وهو لاعب سيرد باك وخاتي الكورة في خط ستة وعايز يشوتها للهجوم قدام وكان ناس الوسط والجناحين بتاعنو كلهم بكوركو ليه وأي واحد عايز يشتو ليه الكورة فصاح فيهم (كلكم كلكم بكفيكم). | |
|
محمد سعيد الزين
عدد المساهمات : 167
تاريخ التسجيل : 30/03/2009
| | موضوع: رد: قصيدة حلمنتيشية ... إسمك الخايف عليهو !!!!!!! وإنت ما خايف علينا الأربعاء 24 يونيو - 16:05 | |
| الغالي بشري مبارك
كلامك بنقط عسل والله
وذي ماقال اخونا ود الطيب الحاج
دحين ما تودر مجهودك وخلينا زي ما كنا وحباب العندو اسم والما عندو (كلهم بنكفيهم)
ودا كلام جميل وانا اتكلمت في هذا الموضوع لكن ليس هناك اذن صاغيه ..خليهم .. | |
|
