هلالنا اصحى..... الدورى لسع (بعد مباراه الهلال والاتحاد مدنى )الموسم الماضى

[
---هذا البوست منقول من منتدى شمبات ومن اروع مشاركاتى وقد كتبت اكثر من 5 قصائد للهلال وشاهد البوست 2000شخص وعلق وشارك بمداخلات وقصائد اكثر من 80 مشارك-----------------------------------------------------------------------------

مالك يا الهلال كل يوم بقيت في نكســــــة
وجمهورك حزين وهجومك تغلبو العكسة
في مدني هناك الشرطة ضربت كبســـــة
وطلعت بالتعادل ما شفنا باصة ولمســــة
يا ربي التوالي زي كوع تكون اللحســــة!؟
يا الأرباب أقيف ما تطول عليك الدقســـة
الوالي المعاك مريخو لحس الخمســــــــــة
وسجل أغلى نجم (وارغو) البفك النحســة
*** *** *** *** ***
هيثم مصطفى خلي الحكم في حالــــــو
ألعب كورة بس باصة وهدف شبالـــو
ما تصرح كتير ما تميل محل ما مالـو
القائد الأمين طب الجرح وأمصالــــــو
باقي لينا خطوات والنجمة فايتة هلالو
وخايفين الندم وهلالنا يبكي غزالــــــو
والمريخ عنيد في الأولى شفنا سجالـو
في التانية أكيد لو فاز تعادل نالــــــــو
*** *** *** *** ***
المريخ عنيد من نومو قام وإتبختــــــــــــــر
قدم للعروض في أرضو أحلى وسطــــــــر
ما نجافي الحقيقة ونقيف بعيد نتنكــــــــــــر
نلقى الكأس هناك مع النجمة قعد إتحكــــــر
وكل مريخي يفرح وعلى الجموع يتمسخر
*** *** *** *** ***
ما بنفعنا القديم ولا التوالي الخامـــــــــــس
غير نهزم خصمنا نخليهو ديمــة يكابس
يفتش للتعادل والباصة ليها يلامـــــــــــس
وما يشوف لي شباكنا نقفل عليهو ترابس
ويطلع خشمو مر زي الأكل ليه ترامـــس

الرجوع الى المقدمة

[/b][/color][/center]

» هلالنا أصحى ......... الدورى لسع
» كامبوس يركز فى مباراه الدورى القادمة ويشيد بالارباب ويقلل من حمى الانتقادات له
» المريخ طيش الدورى الممتاز هذا الموسم!!! كيف أدخل لتعرف ؟؟؟؟
» ظلم الازرق أمام الصفاقصى الكاف يفاجىء الهلال ويعين الحكم الموريشيصى الذى أدار مباراه الهلال أمام الصفاقصى
» الارباب تنازلنا من الاستقالة الجماعية والاتحاد العام يعرقل الهلال .