هلالنا أصحى ......... الدورى لسع

--------------------------------------------------------------------------------

مالك يا الهلال كل يوم بقيت في نكســــــة
وجمهورك حزين وهجومك تغلبو العكسة
في مدني هناك الشرطة ضربت كبســـــة
وطلعت بالتعادل ما شفنا باصة ولمســــة
يا ربي التوالي زي كوع تكون اللحســــة!؟
يا الأرباب أقيف ما تطول عليك الدقســـة
الوالي المعاك مريخو لحس الخمســــــــــة
وسجل أغلى نجم (وارغو) البفك النحســة
*** *** *** *** ***
هيثم مصطفى خلي الحكم في حالــــــو
ألعب كورة بس باصة وهدف شبالـــو
ما تصرح كتير ما تميل محل ما مالـو
القائد الأمين طب الجرح وأمصالــــــو
باقي لينا خطوات والنجمة فايتة هلالو
وخايفين الندم وهلالنا يبكي غزالــــــو
والمريخ عنيد في الأولى شفنا سجالـو
في التانية أكيد لو فاز تعادل نالــــــــو
*** *** *** *** ***
المريخ عنيد من نومو قام وإتبختــــــــــــــر
قدم للعروض في أرضو أحلى وسطــــــــر
ما نجافي الحقيقة ونقيف بعيد نتنكــــــــــــر
نلقى الكأس هناك مع النجمة قعد إتحكــــــر
وكل مريخي يفرح وعلى الجموع يتمسخر
*** *** *** *** ***
ما بنفعنا القديم ولا التوالي الخامـــــــــــس
غير نهزم خصمنا نخليهو ديمــة يكابس
يفتش للتعادل والباصة ليها يلامـــــــــــس
وما يشوف لي شباكنا نقفل عليهو ترابس
ويطلع خشمو مر زي الأكل ليه ترامـــس

الرجوع الى المقدمة

حاتم الجعلي

--------------------------------------------------------------------------------

يديك العافية يا بشرى وفوق فوق هلالنا فوق ... وبالمناسبة مسعولين من الخير نهى وين ؟؟؟

--------------------------------------------------------------------------------

الأخ بشرى ،،،
يا ربي التوالي زي كوع تكون اللحســــة!؟

لكن لقيته فعلاً خطيرة..
في التعريجة الهناك قت ليك ديل في نعسة

إلى ود الجعلي وودمضوي .. وجميع الرشاشات..

الرجوع الى المقدمة

حاتم الجعلي

:

--------------------------------------------------------------------------------

انت المكاشفي عندك شك في التوالي السادس ولا شنو ... صدقني نحن كاسنا ده ولا قاعدين نتفاهم فيهو ... وهانت كلها كم يوم و17 نوفمبر تشوف بعينك وتسمع اذنك ... بس التوالي السابع امكن نفكر نتنازل عنو لاننا ح نكون مشغولين بالاندية العالمية

جنابو بشرى
انت مريخابي شكلاً ومضموناً ولكن مركب ليك مكينة هلالابي وحقيقة انت مكانك في المريخ العظيم اترك الهلال لصعاليك الهلال وان كنا نحترم الهلال فذلك لشخصك الرائع والمثالي الذي يرى الأمور بعين العقل والمنطق وان كان قدركم ان تتعايشوا مع من ابتلاكم بهم الزمن من صعاليك المشجعين ربنا يعينكم على تصحيح مفاهيمهم وتعليمهم اخلاقية التشجيع وزرع فيهم حب الانتصارات وعشق الكاسات حتى تزال عنهم الراتابة والملل وحقيقة عدم الحصول على الانتصارات والكاسات الخارجية والاكتفاء بكاسات الصفيح تسبب الرتابة والملل.

--------------------------------------------------------------------------------

ما بنفعنا القديم ولا التوالي الخامـــــــــــس
غير نهزم خصمنا نخليهو ديمــة يكابس
يفتش للتعادل والباصة ليها يلامـــــــــــس
وما يشوف لي شباكنا نقفل عليهو ترابس
ويطلع خشمو مر زي الأكل ليه ترامـــس

يسلم قلمك ،،، وتسلم لينا وتجينا سالم غانم ،،،،،،،،،،،

تعرف يا ود المبارك يوم 17 نوفمبر 08 القادم اذا لا قدر الله انهزمنا بنخسر مشجع خطير ( ولدى ) عشان كدة اسرع بالحيل سوى لينا انشودة وليك على اديها محمد ديكور يلحنا وولدى يتغنى بيها يوم النصر المبين .

وصاحبنا القال نحنا رشاشات :::

ده كلاموا معاى فى الماسنجر بدون حزف شوف الحالة دى يا التريكى حالة تمرد اخطر من حق توريد

تفاصيل المحادثة :

آخر مرة شجعت الهلال.. قبل ما يشطب دفعة متوكل
[ندعوك للتسجيل في المنتدى أو التعريف بنفسك لمعاينة هذا الرابط] says:
انا بتكلم عن هلال مريخ الشيخ خضر كان مريخى ده معروفة انت شنو
[ندعوك للتسجيل في المنتدى أو التعريف بنفسك لمعاينة هذا الرابط] says:
زمان قلت ليك لما الهلال شطب 16 لاعب منهم متوكل .... بطلت أشجعه.. لحدي ما شجعت شمبات وطلعت الأولى ولما باعوا الكورة ديك بطلت أشجعهم
[ندعوك للتسجيل في المنتدى أو التعريف بنفسك لمعاينة هذا الرابط] says:
يعنى بتشجع فقط ليفربول
[ندعوك للتسجيل في المنتدى أو التعريف بنفسك لمعاينة هذا الرابط] says:
بشجع في الكورة العالمية
[ندعوك للتسجيل في المنتدى أو التعريف بنفسك لمعاينة هذا الرابط] says:
هنا بشجع الأهلي السعودي
[ندعوك للتسجيل في المنتدى أو التعريف بنفسك لمعاينة هذا الرابط] says:
هاهاها
[ندعوك للتسجيل في المنتدى أو التعريف بنفسك لمعاينة هذا الرابط] says:
أخضر وبس
[ندعوك للتسجيل في المنتدى أو التعريف بنفسك لمعاينة هذا الرابط] says:
ونحنا محليين ما برضوا بنلعب فى كاس الكوؤس الافريقية برضوا عالمية ولا انت تعريفك للعالمية شنو
[ندعوك للتسجيل في المنتدى أو التعريف بنفسك لمعاينة هذا الرابط] says:
برضوا الها لاحقاك
[ندعوك للتسجيل في المنتدى أو التعريف بنفسك لمعاينة هذا الرابط] says:
الأندية العالمية ميزانيتها ميزانية السودان كله تقول لي افريقيا
[ندعوك للتسجيل في المنتدى أو التعريف بنفسك لمعاينة هذا الرابط] says:
انت مالك زعلان هسه
[ندعوك للتسجيل في المنتدى أو التعريف بنفسك لمعاينة هذا الرابط] says:
هاهاهاها
[ندعوك للتسجيل في المنتدى أو التعريف بنفسك لمعاينة هذا الرابط] says:
وارقوا العفن دة دفعين فية قدر مزانية الاسمو شنو ده

ود الجعلى انى اسمع انيين السوكارتا اتى من الشرق فهل من مغيث ،،،،، قالوا ،،، بركة ،،، بركة الجيت يا ود المبارك

ونلتقى

[ندعوك للتسجيل في المنتدى أو التعريف بنفسك لمعاينة هذا الرابط] says:
أخضر وبس

يعنى شمبات وراك وراك

هههههههههههههههههه

لكن ود مضوى عرف ليك يا رشاشه

ودردقك دردقه دوليه

تكنولجيا شديده

همسه :

برضو تقول لى بخ العطر أمبارح

وييييييييييييين مع العولمه دى

الرجوع الى المقدمة

الثعلب

:

--------------------------------------------------------------------------------

الاخ بشرى مليون مرحب ريحتنا خالص بالقصيده دي كمان تاني واحده عشان التوالي السادس

--------------------------------------------------------------------------------

سلامى ، وتحياتى ، واحترامى كاملا شاملا

يامكاشفى الصبر كملتو فى المريخ
وقلمك مافتر من ارخو التاريخ
السادسه بتقع والعالم يبقى مسيخ
والازرق بهد فى المنقه والبطيخ

قريبا جدا سبعطاااااااشر جاااااى واخوان سيده قاعديييييين

الرجوع الى المقدمة

ود القاسم

:

--------------------------------------------------------------------------------

قريبا جدا نكتب نص التوالى السادس

رسالة
noha

:

--------------------------------------------------------------------------------

يا ودمضوي أحسن الكأس ده تشيلوا في الحلم ساااكت... عليك الله ده حلم ده ____________والله صحي حلم الهلالابي بلنتي

ياود القاسم هاك دي____
أخوان وارغو حالفين يقيفوا رجال
توقيف للتوالي في مقبرة أبطال
عجيب ودمضوي عشمان وليك آمال
حلم جيعان الكاس البيشيلو هلال

الرجوع الى المقدمة

--------------------------------------------------------------------------------

تحية طيبة

نهاهم ظهر وبالشعر فينا جال
تعالوا يا ود التريكي والجعلي لي عجال
الناس ديل أكيد معانا ما حا يلقوا مجال
إلا بالكلام لكن في الحرافة محال

يا يوم 17 نوفمبر انت الحقيقة وانت الخيال

الرجوع الى المقدمة

ود القاسم

شاركت: 19 اكتوبر 2008
نشرات: 168

ارسل: الاربعاء نوفمبر 05, 2008 2:19 pm موضوع الرسالة:

--------------------------------------------------------------------------------

ياnoha هاك دى:-

المالك البلد بى الله دائما محمى
شايلين الكؤوس ياالسمحه ماتتوهمى
والمقدور بقع خايف عليك تتقهمى
لاقيهو المصير سيبيهو دمعك يهمى

وهاك دى:-

ده هلال الشموخ والفرحه مابتفارقو
سيد من زمان والعز ..ملك ماسارقو
ظاهر فى السما والحاسدو دائما حارقو
لا بنفع (عجب) لا بنفع ايضا (وارقو)

سلامى ، وتحياتى ، واحترامى كاملا

--------------------------------------------------------------------------------

هاك دي
معلوم يقين شرق البلد ومغاربو
قبل الإنجليز يتراوح يمشي مغاربو
المريخ زعيم حبل البلد في غاربو
ودالقاسم شديد أظنو حارقك وارقو

وهاك دي
في يوم المصير خايفين عليك تتخم
تلبس بدله كمان تربط معاها العمه
ياود القاسم أحسن تنوم تنجم
تحلم زي ودمضوي الشاف مرادم تم

الرجوع الى المقدمة

عوض عبدالرحيم

شاركت: 21 اغسطس 2008
نشرات: 73

ارسل: الاربعاء نوفمبر 05, 2008 5:42 pm موضوع الرسالة:

--------------------------------------------------------------------------------

ِِ شمبات ياحليلك وياحليل جمهورك
حت في منتداك الكل يعيط ويكورك
ما في الشعلة وما والتيم البمثل دورك
في تيمين غراب ناسينو انت حضورك
* * * *
دايرين لمن نجيك في المنتدى ونزورك
نلقى في الطرح جل النقاش في امورك
والباقي النتمو في الببقى خارج سورك
و تعاونك ما بتم لو ما شعبك ابقى جسورك

الرجوع الى المقدمة

06, 2008 3:34 pm موضوع الرسالة:

----كتب مزمل التريكى---------------------------------------------------------------------------

والله يا ود مضوى لو ما لحقك ود القاسم

نهى كانت لى أسى (تحاور ) فيك

طبعا بى قصيدتك المفجخه دى ، الزوله دى تعتبر غالباك 5/صفر .

واصلوا يا حلوين ..

لكن يا نهى طلعتى معلمه .. ماشاءالله عليك ..

يا استاذ عوض انا تعبان فى الشعر ما بقدر اجاريك

لكن خلي البوست ده يتواصل عن الهلال وانشاءالله نواصل الكتابه عن اندية شمبات فى بوستات تانيه .

كدى اسى الحق نهى دى بى بيت بيتين من عندك ... شاعره واحده مريخيه قصاد تلاته شعراء هلالاب .. والرابع فى السكه .. بس اليومين دى فرحان بالمكالمات الرخصت دى ومشغول (بالضرب) للسودان .

noha

--------------------------------------------------------------------------------

هلالاب التوالي شايفين مكانكم عالي
ودعبدالرحيم مريخو ديمه يلالي
شايفكم صغار حايرين يمين وشمالي
سيدالبلد أحمر رئيسو إسمو الوالي

الرجوع الى المقدمة

--------------------------------------------------------------------------------

هلالاب التوالي شايفين مكانكم عالي
ودعبدالرحيم مريخو ديمه يلالي
شايفكم صغار حايرين يمين وشمالي
سيدالبلد أحمر رئيسو إسمو الوالي

الرجوع الى المقدمة

يا نهى انا كان داخلني حلف ما اعلق ولا اكتب خارج المنتدى الاسلامي لكن كان ما كده كان قلت ليك

هلالنا هلال العزة والتمجيده
ما مثل النجوم التضوي بعيده
توالينا بنجيبوا وقلوبنا سعيده
من غير اتحاد وحيل ومكيده
عندنا المعز وفييرا وسيدا
بنجيبوا لعب ما ذي ناس تجيبوا بايدا
رشاوي ولف ودوران وكمان تهديدا
لناس نيل الحصاحيصا والاتحاد البليده
ويوم 17 نوفمبر ليس ببعيده

عدد المساهمات : 154 تاريخ التسجيل : 21/02/2009

شكرا لك ايها الرائع بشري ...قد كنت نعم المشجع المثالي الذي اسري البوسط باشعارك ...بلا شك انك ابن الهلال تلك امؤسسه التربويه التي نهل كل هلالابي لغه التحاور والتشجيع الراقي ..قد كنت حقيقه المشجع الذي اذهل مشجعي الوصيف الذين لم تتجافي السنتهم بوصف جماهير الصفوه بوصمهم (صع) قد اذهلتهم بعكس روحك الرياضيه التي يفتقدونها ...حتي ارتابو في امرك ان كنت وصيفابي م صفوه وهاهي فلسفه المدرسه الهلاليه ....فليس لنا الا ان نقول حسبنا الله ونعم الوكيل .من زي ناس ديلا ....هرتطقه ورؤسهم مفرطقه ...الهلاميين ولقواعد اللعبه ماهم فاهمين ...
وسيبقي الهلال سيد البلد بلامنازع .التحيه اصوغها لكل هلا لابي غيور

كتب عوض عبد الرحيم المريخابى

مشكور يا مضوي هديتك مقبولة
واقعدو لحنو ما باقي دي المقدورة
لو الكورة بتتلعب وفي البوست بتمو فصولة
احلموا انكم طلعتو للمقصورة
******
اكتبو لحنو ما زولكم الأرباب
وصرح وقول عديل انو مرق لعاب
ولو في النوم حصل وحلمك لغيتو سراب
ح يصحيك وليدك ويقول ابوى هضراب
*****
خليهو الكلام ما يبقى قبل الكورة
لمن تتلعب وتظهر المستورة
التيم السمح وهجومو فيهو خطورة
ح يغلب عديل... المشكلة الماسورة

noha

-كتبت نهى المريخابية-------------------------------------------------------------------------------

تريكي وجعلي في الكوره ما فايدني
غير خلقت خلاف خلت ريكاردو يعاني
من قل البدائل تبديلو بي سوداني
الديبه العجيبه فاضل عليهو ثواني
********************************
الكوره خليهاياأربابناودإدريس
دامرنا وسفاري في عرين الميس
إيداهو وعماري ما بنفعم تحنيس
طمبل والعجب قاعدين قصادالكيس

الرجوع الى المقدمة

--------رد محمد القاسم الهلالابى------------------------------------------------------------------------

سلامى ، وتحياتى ، واحترامى كاملا شاملا
كدى دقيقه ياعوض !!

ياnoha :-

حمدا للاله........ اظننا اتمرحلنا
من صاج الصباح للكوره.. قام رحلنا
شربيك البنات فى الكوره، يوت محنا
قرقور مين؟!! ياالسمحه كوسى الحنه

وتانى ياnoha :-

فى كل يوم جديد شايله الخشيم وتهاتى
(ود عبدالرحيم)... داخل معاك يوماتى
خليهو الكلام..... ياالحلوه زمنك اتى
انتى وناس( عوض )...حذارى من باصاتى

*******
رجعه اولى ليك ياعوض :-

(ود عبدالرحيم) لملم نهاك الفرهد
قبال تتشنق والروح بشيييييش تتنهد
غايتو(مع الغزال)الموت طريقو ممهد
مريخابى انت ..... وحق ليك تتشهد

اسمعى ياnoha :-

كان شفتى الهلال فى سماه دايما عالى
ده هلال النقر وهلال( فقيدنا الوالى)
وودعبدالسلام (كولا).. الجميل الحالى
حلالك كريم ... ما يزازى ليكى توالى

وتانى اسمعى ياnoha :-

يارب يا لطيف ياالعزتك راسمالى
قلل رجفته، ماسيها جن( متوالى)
لو كان فى الحلم الكاس اشيلو الولى
تصبح فى الصباح تلقاه مريخ مالى

اسمعى ياnoha اسمع ياعوض :-

غايتو بلا مدسه عندى فيكى مشوره
يامكاشفى البنات كيفن بعرفن كوره
من(حسن الشعر) امكن تكون ماسوره
بالله يا(عوض) قول ليها ارفعى صوره

-------كتبت نهى المريخابية-------------------------------------------------------------------------

في نوفمبر قريب تشوفو أجمل صوره
أولادنا في الميدان لمن يختفو الكوره
قلوبكم تنختف لمن عجبنا يلمس كوره
بعد تخميسه تعرفو الصوره غطت صوره
********************************
ودالقاسم حقيقه فنان وأيضا شاعر
لكين ياخساره بهلالك ما بتفاخر
ما تتضيع فنونك معاها فيض ومشاعر
مع تيم العجائز وتصبح أيضا خاسر
******************************
كاسات (المرخ) طوالي تشفع ليهو
والممتاز حقيقه شايفنو ماشي عليهو
في مقبرة النزال حالفين نجيب طاريهو
نوقف للتوالي.. بهزيمه تشتاق ليهو

الرجوع الى المقدمة

دبايوا يالديبة العجيب أخــــــــوا حمـــــــد
ذكرنا أيامك الحلوة الزمان الرائعة جـــد
بي أربعات ومرة خمسات تجيب رمــــد
نديها في عين الحسود مهما رصــــــــــد
راجنو داك يوم القاء وأمواجنا مـــــــــــد
غزالنا حالف وقال عديل أهدافي عـــــــد
مرة أهداف باليمين والشمال كيفن تصـد
ويالتريكي وود مضوي بخورنا نـــــــــد
والهلال ياهو الهلال إنت يالعاتي أبـزرد
جمهورك الأمواجو كاسحة تشيل بلــــــد
جمهورك الأمواجو كاسحة تشيل بلــــــد
وإنت يا سيد البلد خلي الحساب دايما ولد
وإنت يا سيد البلد خلي الحساب دايما ولد

تلبية لطلب الأخوان ودمضوي وودالتريكي وجميع الهلالاب أكتب لكم هذه القصيدة وأيضَا تجدون قصيدة أخرى بعنوان الديبة أخو حمد بمناسبة فوز الهلال على حي العرب 0:4 فإلى القصيدة الأولى : بشرى مبارك إدريس الهلالابى
عجبوني أولاد الهلال عجــــــبوني وسابــــو الدلال
عجبوني أولاد الهلال وهزيمة النجمة ماأظن محال
قال دبايــــوا قال سوكــــرتا قال بـــــــركــة قـــــال
عجبوني أولاد الهلال فيهم داريو وأهداف الشـــبال
عجبوني أولاد الـهلال صاروخ والتاني من الغزال
عجبوني الليلة جو والمريــخ صــددو
عجبوني الليلة جو ركبو خيلم سرجو
نـشــرب صــافـي ونــــشــرب زلال
وغيرنا في المر مــويـة الـغـربـــــال
تـــوالـي ســادس مـــبــروك حـــلال
يـلــلا غـــنــو مـع نـــــاس وصــــال
عجبوني الليلة جو والمــريــخ صددو
عجبوني الليلة جو ركبو خيلم سرجو
شـــوف الـــمــعــز جـــاوب ســـؤال
قال الهلال جاهــز تــمـام يوم النزال
هيثم القائد الأمـيــن شايـــل النصـال
كلاتشي ورينا الجديد مــــا انت فـال
واحمد العادل هناك بي خصمو مـال
عجبوني الليلة جو والمريــخ صــددو
عجبوني الليلة جو ركبو خيلم سرجو

--------------------------------------------------------------------------------

نوفبر عظيم لانو بعد اكتوبر

واكتوبر عظيم لانو ستَف كوبر

وكوبر عظيم فيه الطرد ناس (روبر)

وده هلانا العظيم حقيقه مابتبوبر

الا رحم الله كبيرنا( حسن عبد القادر حاج احمد ) بقدر ماقدم للوطن وللهلال ، ومتع عبد العال عبد القادر واخوانه بالصحة والعافية .

نسالكم الفاتحه على روحه الطاهره .... ياله من زعيم

له المغفرة

الرجوع الى المقدمة

مزمل التريكى

شاركت: 18 سبتمبر 2004
نشرات: 758

ارسل: السبت نوفمبر 08, 2008 6:29 pm موضوع الرسالة:

--------------------------------------------------------------------------------

اقتباس:

الا رحم الله كبيرنا( حسن عبد القادر حاج احمد ) بقدر ماقدم للوطن وللهلال .

عليه الرحمه وخالص الدعوات فهو من المخلصين القلائل فى بلادى ... رياضياً وسياسياً...

الرجوع الى المقدمة

ود القاسم

شاركت: 19 اكتوبر 2008
نشرات: 169

ارسل: الاحد نوفمبر 09, 2008 12:54 pm موضوع الرسالة:

--------------------------------------------------------------------------------

سلامى ، وتحياتى ، واحترامى كاملا شاملا

* والله يا ناس المريخ لو ماعارفنكم مسافرين كان

عزمناكم

معانا ( قراقير) !! . لكن مامشكله هاكم دى :

خمسه فى عين القراقير والعدو

رجف الوصيف اصلو الهلال اتوعدو

شلح البرق واتلمو سحبو وارعدو

ياشيخ (عوض) لملم فريقك..بعدو

*واسمعو دى قبل التوالى السادس :

لولى ودهب ، فضه وحرير ، وعقيق وماس

ارخص كتير من الهلال لمن يكون بى ايدو ماس

الجواهر والعلوم ماخدات دوام من سلكو ماس

احياء وتاريخ ، وانجليزى ونحو .. وماس

لكم الود (متواليا)

الإخوة بمنتدى انا سوداني تحية طيبة أشارك في منتدى شمبات الثقافي (النيمة) وهناك شاعرة مريخية اسمها (نهى) ترد على أربعة شعراء من الهلال فكتبت لها هذه الأبيات مشجعا لها ورأيت أن أنشرها هنا حتى يعم التنافس بين الهلالاب والمريخاب في الشعر قبل يوم 17 \ 11
فإلى القصيدة:

مبروك يا نهى منتدانا بيكي منــــــــور
وفي أمر الشعر باعك طويل ما قصير
ما اتحيرنا منك مافينا من متحيـــــــــر
وهلال التوالي ما أظن طريقو يغيــــر
شوف ناس كلتشي زي البدر متـــدور
*** *** ***
قال راجي الختام حالف يجيب لي هدفــو
ويا نهى أكتبي توالينا سادس ختفـــــــــو
هلالنا هو العنيد مريخ وصيف الوصفو
دفاع صامد تمام لي كل تقيل ما قصـفو
فيهو يمين (معز) برّ لكل الحلفــــــــــــو
القالو التوالي مضمون ضمان السلفــــو
من بون أرسل سلام زاد منتدانا وسرفو

كتب ود القاسم الهلالابى
--------------------------------------------------------------------------------

سلامى ، وتحياتى ، واحترامى كاملا شاملا

ابحثوا معى عن noha وعوض عبد الرحيم والساده المريخاب

مايكونوا اتعشوا( قراقير) وشربو لبن (الغزال) ، غايتو ياnoha كان زعلانه من كلامى هاك دى طلعتها ليك من ديوان اسمو (ماقبل التوالى السادس) :-

صحى الفاضل قليل قبل التوالى السادس

والمقدور بقع والباقى ببكى كوارث

لكن ياالتريكى ... احسن اعمل فارس

اوقف قلمى للدورى الجديد فى مارس

كتبت نهى المريخ
--------------------------------------------------------------------------------

مريخ النجوم جاك الهلال جاهز
في قرقور السبت بي خمستو يحافز
أمل الحديد والنار قابض الحافز
قروشو في شمالو..يمينو طوب جاهز
******************************
قرقور السبت شفناهو يوما حمام
إتحول سؤال لي أكبر إستفهام
حاجه ما ممكن والفهم أقسام
كيف قرش البحر مصيرو يبقى حمام
******************************
ود القاسم أحسن تعترف بينك وبينك
إنو الأحمر عظيم ساتر عيوبك وشينك
كاساتو وماتكابر.. بتملا عينك وعينك
واجهه للبلد.... لكنو....وينك وينك

الرجوع الى المقدمة

ابية

كتبت ود القاسم الهلاسلامى ، وتحياتى ، واحترامى كاملا شاملا

ياnoha ويا nuha

انا بعترف بيك شاعره من زمن الشعر ولدو

ود شورانى قال : سمح الحديث بتعرفو من ردو

وسمح الاختلاف لمن يكون ياالسمحه فى حدو

والشعر الجميل واضح ...... ساهل على ردو

لك الود ( متواليا )ل