بشرى مبارك
عدد المساهمات : 7557
تاريخ التسجيل : 19/02/2009
العمر : 64
الموقع : أقيم فى بيريطانيا مدينة بيرمنجهام
 |  موضوع: نقلاً من منتدى العيلفون وكابتن يحى الشيخ إدريس الحبر المريخابى  الجمعة 1 مارس - 4:19 | |
| --------------------------------------------------------------------------------
يا كابتن يحى الشيخ إدريس تحياتى والله داير الجد والنصيحة والله أربعة الاتحاد (وقفت قلبنا أنا وصاحبى وجارى الهلالابى الولدو بشرى صاحب فنيلة هيثم مصطفى صاحبى أبوبكر بشرى السيد ) من الصباح نتكلم فى الكورة وقال لى عليك الله لو جابك الشغل فى حينا تجى تحضره معاى !!أتصلت عليهو قال لى الشوط الاول أنتهى صفر صفر والاتحاد أضاع هدف مضمون إنفراد كامل بالمرمى والمهاجم عجز من إحراز الهدف !!قلت ليهو نصلى المغرب مع بعض فى مسجدكم (وندعو للجماعة يلحقو آمات طه !!) صلينا ومشينا مع بداية الشوط الثانى والمريخ زانق الاتحاد وعاصرو عصره شينة !!فقلت لى صاحبى بكرى يا زول ناس المريخ ديل شكلهم جابين القون أسع !!وقبال ما يصلنى الشاى كان المريخ جاب الاول وأردفه بالثانى !!وكمان الثالث والرابع مع سيطرة تامه !!!! بعد نهاية المباراة قلت لصاحبى بكرى والله المريخ بى حالو ده الله يستر علينا السنة دى من الممتاز !!!!.
الليلة برضو كنا نتبادل الاتصالات فقلت له شكلى سوف أحضر الشوط الثانى فى البيت وسبحان الله فتحت التلفزيون على الدقيقة 6 من الشوط الثانى والدقيقة 7 أحرز الباشا الهدف الاول وبنفس هجوم مباراة الاتحاد ونفس الاتجاة من الشمال الى الجنوب فقلت الليلة برضو أربعة !!! مشيت صليت المغرب وجييت جاب كلتشى التانى والمباراة سيطرة مريخية كاملة وهيثم مصطفى نجم المباراة (أنا شخصياً لم أشاهد له أى شىء يستحقف به نجومية المباراة لاننى لم أشاهد الشوط الاول ) !!! فى أخر خمسة دقائق أحرز النسور هدف رأسى أثبت حاجة المريخ للحضرى رغم (الفلس ) والله ناس النسور جابو القون التانى بس كان تسلل واضح ولو الحكم عمل نايم كان يمكن أن يكون أحلى هدف !! الهدف يعنى لنا الكثير والمريخ لو وجد هجوم كاسح سوف يخلخل دفاعة وحاتشوف كلامى يا كابتن وأنت خبير كروى سابق وكمان مهاجم . | |
|
بشرى مبارك
عدد المساهمات : 7557
تاريخ التسجيل : 19/02/2009
العمر : 64
الموقع : أقيم فى بيريطانيا مدينة بيرمنجهام
| | موضوع: رد: نقلاً من منتدى العيلفون وكابتن يحى الشيخ إدريس الحبر المريخابى الجمعة 1 مارس - 4:26 | |
| يحيى الشيخ إدريس الحبر
عيلفوني ماسي
--------------------------------------------------------------------------------
لك التحية جنابو بشرى وإنت زول نصيحة عديل والتقيل ورى تحياتي لك وللإسرة الكريمة وصاحبك بكري وبلو راسكم. | |
|
بشرى مبارك
عدد المساهمات : 7557
تاريخ التسجيل : 19/02/2009
العمر : 64
الموقع : أقيم فى بيريطانيا مدينة بيرمنجهام
| | موضوع: رد: نقلاً من منتدى العيلفون وكابتن يحى الشيخ إدريس الحبر المريخابى الجمعة 1 مارس - 4:53 | |
| الهلال العاصمى يهزم النيل الحصاحيصا (فرع المريخ العاصمى ) بثلاثية مقابل هدف وتراورى مهاجم الهلال المرعب يكرر الاهداف الثنائية ويتصدر القائمة بأربعة أهداف!!!
آها يا كابتن يحى الشيخ إدريس تانى عندكم كلام ؟!! رغم أنكم متصدرين الدورى بفارق هدف !!وفى الحقيقة الهدف دل على أن المعز ما زال يواصل (سرحاته العجيبة ) والتى تجعلنا لا نعشم فى كأس خارجية للأندية .
كنت قد أنهيت العمل فى وقت المباراة ولكن فُوجئت بعدم نقلها على الفضائية السودانية لنقلها إحتفالات البحر الاحمر مع الرئيس فحاولت الاذاعة فلم أجد رداً وكذلك السعودية من أسرة شقيقتى والتى خرجت منها أنهم مقسومين بين برشلونة وريال مدريد ولا ناقة لهم ولا جمل مع الدورى السودانى!!! وأنا أتحدث معهم أتصل على صديقى أبوبكر بشرى السيد ليسألنى عن النتيجة فقلت لهم شُفتو أنا وصاحبى بنحب السودان والهلال كيييف ؟؟ لا برشلونة ولا مدريد بس الهلال والمريخ والنيل وأهلى شندى والامل عطبرة ومريخ الفاشر وهلال كادقلى والاهلى مدنى والاهلى عطبرة والاتحاد مدنى وكمان النسور الامدرمانى . | |
|
