الشيخ إدريس ودالارباب الحرم السعوط والتمباك وموضوع عن التمباك من منتدى العيلفون

المشاركة الأصلية كتبت بواسطة عيًِلفونيُة وأفتًخٍر.!


كنت اسمع والدتي تدعو توسلا بجدنا الشيخ ادريس قائله يا سيد الاجهوريه
وكنت لا اعلم معناه ا لي ان علمت من منتدانا انها كرامه لجدي الشيخ ادريس
في تحريم التمباك
ترددت
كثيرا قبل اطرح هذا التساؤل
لماذا معظم ابناء العيلفون يستعملون التمباك او الصعوط .؟!~


عيًِلفونيُة ياغالية مش ابناء العيلفون بس كل ابناء السودان معظمهم بسفو فى فترة المراهقه
ومااظن تلقى زول يديك سبب محدد كده لنه التمباك ماوصفه او علاج عشان يتحجج بيه بالعكس حاجه (ماكويسه) عشان كده (لماذا) دى مابتلقى ليها كلام او سبب مقنع

نصيحة فى الله
اى زول بسف من بكرة يخليو عشان التمباك ماكويس
__________________

اللَّهُمَّ صَلِّ وَسَلِّمْ وَبَارِكْ عَلَى مُحَمَّدٍ فِي الأَوَّلِينَ وَالآخِرِينَ.. وَفِي الْمَلأِ الأَعْلَى إِلَى يَوْمِ الدِّينِ..

ابومازن





تاريخ التسجيل: Aug 2009
الدولة: شارع جرير حي جرير الرياض
العمر: 54
المشاركات: 1,462

--------------------------------------------------------------------------------


المشاركة الأصلية كتبت بواسطة مبارك


عيًِلفونيُة ياغالية مش ابناء العيلفون بس كل ابناء السودان معظمهم بسفو فى فترة المراهقه
ومااظن تلقى زول يديك سبب محدد كده لنه التمباك ماوصفه او علاج عشان يتحجج بيه بالعكس حاجه (ماكويسه) عشان كده (لماذا) دى مابتلقى ليها كلام او سبب مقنع

نصيحة فى الله
اى زول بسف من بكرة يخليو عشان التمباك ماكويس



البسفو كلهم هلالاب سواء من العيلفون او غيرها يا عيلفونية وبفتخروا بذلك وبغنوا ,, سفة سفة الليل نعدو ,, وهلالانا هل ما في قدو ,, لكن الصفوة ( يعني المريخاب ) ما بستعملوا القذارة دي ,, تحياتي

بمناسبة الصعوط ده احكي ليك طرفه حدثت لي مع الأخ الفنان جمال مصطفى ( فرفور) في مرة من المرات كان عندو تسجيل لشريط أسألوه في إستوديوهات سودانيز ساوند المعروفة بالخرطوم 2 ودعاني لحضور التسجيل وبعد إنتهاء التسجيل طلب مني الأخ جمال سفه فقلت له مستنكراً ياخ أنا ود ناس ما بسف لأنو أهلي من زمان ما تركوني علشان أعمل كل حاجة كده وخلاص على مزاجي , المهم ضحك وقال لي يخ إنت مفروض تمطروا عديل كده لأنك جاي من القرى .... المهم هي طرفه أردت أن أحكيها لكم أخوتي علها تساعد في خمد نارهذا الموضوع المسخن ...

تحياتي وإعتذاري لك البسفو

ياسر السر

------الاخ فرحابى منتدى العيلفون--------------------------------------------------------------------------

تسلم يا دكتور والتحية للأخت عيلفونية التى طرحت موضوع التمباك الذى يشكل كثير من الحرج والأضرار الصحية .

تابع أحد أصحاب البيوت الفارهة أحد زواره حيث بدأ القلق واضحا على وجه الزائر الذى كان محتارا فى وجود مكان للتخلص من سفته اللعينة ! حيث أن كل المحيط رخام وقرنايت ! فخاطبه صاحب الدار : تحرجت أن تتخلص منها على الأرض فكيف طاب لك أن تضعها فى فمك !!!

فى إحدى برامج التلفزيون السودانى ( برنامج مأمون حميده الصحى ) عرضوا صورة لمريض مدمن للتمباك واصيبت شفته السفلى بالسرطان والعياز بالله وتدلت الاورام حتى صدره فيما يشبه اللحية الكثة ! حمانا الله وإياكم مما يؤكد معلومات د بدر الدين عن إحتواء التمباك على مواد مسرطنة .