بشرى مبارك
عدد المساهمات : 7557
تاريخ التسجيل : 19/02/2009
العمر : 65
الموقع : أقيم فى بيريطانيا مدينة بيرمنجهام
 |  موضوع: حدى يفرح بالبلنجة ويمشى يختار الهلال!!!!؟؟؟؟ موضوع ومسدار من بشرى مبارك  الخميس 6 أكتوبر - 4:53 | |
| هذا تعليق ورد على مشترك فى منتدى الهلال قال مبسوط من البلنجة والبونية ما عارفو (هظار أم جد ) فرديت عليه وعلى بعض المتداخلين منهم النشطة جداً ميرفت الهلالابية وقلت :
كنت بكون مبسوط من البُنية والبلنجه لو :
* كانت النتيجة التعادل السلبى وصرف الحكم هدفين للهلال واضحات وضوح الشمس وقال تسلل !!!!
*لم يحتسب الزمن الاضافى المقدر ب8 دقائق على الاقل لتعمّد لاعبى الترجى إضاعة الوقت وحسب دقيقة واحده !!!.
* كان زى لاراش فى مباراة الاهلى المصرى والهلال فى النهائى سنه 87 أفسد كل هجمات الهلال !!! الحمد لله الزول الضرب الحكم ده فى مباراة الاهلى كان فى المتوسطة لو كان فى إستاد القاهرة كان ضبح الحكم من الاضان للاضان !!!!.
كنت بفرح بالبلنجة لو لاعبيين الترجى كانوا مدافعيين من الدقائق الاولى وما ضاع ليهم هدف مضمون 100% فى الدقيقة الاولى وأحرزوا هدف الفوز فى الدقيقة الرابعة .
* كنت بفرح لو مدرب الترجى نبيل معلول ما نفّذ تصريحاتو القال فيها بجييب قون فى الدقائق الاولى وبمسك هيثم كابتن الفريق وسادومبا !!!.
* كنت بفرح لو المدرب (ميشو الله لا بارك فيهو لم يبدأ بأسامه التعاون !!!).
* وكنت بفرح لو البلنجة من زول عادى بعد نهاية المباراة التى أنتهت بالتعادل السلبى .
وأختم وأقول :
حدى يفرح بالبلنجة ويمشى يختار الهلال!!!؟؟؟؟
حكمة والله وحكاية مكتوبة فى جريده أولاد البلال
فى ناس بتتعذب بلنجة وناس ناس بتسرح بتسرح بالخيال
لو صبرنا كمان شويه ولو سكتنا طوينا طيه أحسن أحسن يا رجال
وأختم وأقول (ما تدخلو العرجه فى أم كرو !!!) يعنى بالعربى يا ميرفت خلو الجد جد والهظار هظار !!بالجد يا ميرفت إنتى مبسوطه من البلنجة ( عشان أسميك بدل ميرفت ريا وسكينة مره واحده !!!!) وفعلاً بنات حوه جن فى الكورة وكمان تفرحن بالبلنجة وجمال أبوعنجة !!!. | |
|
