بشرى مبارك
عدد المساهمات : 7557
تاريخ التسجيل : 19/02/2009
العمر : 65
الموقع : أقيم فى بيريطانيا مدينة بيرمنجهام
 |  موضوع: تقييم منتديات الرياضة بعد فى منتديات السودان بعد هدف ساكواها وأختم بقصيده  الإثنين 14 مارس - 17:32 | |
| --لاشك أن المنتديات السودانية التى ظهرت فى السنين الاخيرة أتاحت لقطاع كبير من السودانيين وغيرهم أن يرتاحوا ويجدوا فرصه للتعبير عن الفرح بالانتصار أو تبرير الهزيمة فى حالات الهزائم المختلفة ولاشك أن فى السودان يكون محور وأهم التعليقات فى هلال مريخ ورغم قناعتى بأن كورتنا على مستوى الاندية أو الفريق القومى دون الطموحات وما يصرف عليها خاصه الاندية وتحديداً المريخ ، ولكن يظل الانتصار رغم ضعف الاداء يظل الانتصار فى هلال مريخ الفرصه لكى يكون المنتصر ملك الساحة الى حين المباراه القادمة ولاشك أن فوز المريخ الاخير أتاح الفرصه لجماهيره أن تعبر بكل ما فى صدورها حتى وصل الالفاظ التى يندها لها الجبين ويجف معها الندى الصباحى لكريم الاخلاق السودانية والتى لاتعرف الفُحش والتفُحش وتتوارى خجلاً ووجلاً من سماعة ونصبح والله أقرب الى أمهاتنا وأخواتنا وزوجاتنا عندما نسمع مثل هذه الكلمات لذلك أرجو أن تعذرونى فى إنفعالى فى الرد على عادل أبوجريشة أو من تثبت التهمه عليه وإختيارى لعادل لم يكن من فراغ (فراغ أمنى والحمد لله ) .
بحكم مشاركتى فى الكثير من المنتديات وخاصة الرياضة أحب أن أسطر بعض السطور تعليقاً على بعض البوستات والمنتديات الرياضية وأبدأ بمنتدى أهلى بالسقاى كالعاده نوم أهل الكهف وبسبب إنتصار المريخ حتى حسن محجوب ومصعب الزبير خوجلى لم يظهروا وكذلك دحدوح ويين يا جماعة !!.
منتدى العيلفون إحترافية أحمد الحبر وتعليقاته الظريفة وإبتعاده من نقل مواضيع صديقة وزميله السابق مزمل أبوالقاسم وما يشاركة من المريخاب عصى الدمع وأحمد عكاشة وأيضاً مناكفات الهلالاب القوية وكتاباتهم ورغم إعتمادهم على كتابات محمد عبدالماجد أضفت روعه على المنتدى عامة والمنتدى الرياضى على وجه الخصوص والذى أعتبره أحلى منتدى من ضمن كل المنتديات التى أشارك فيها .
سودانى للابد تركت المشاركات الكثيره فيه لانه محتكر يبدو على شباب لهم زمن طويل ما شافوا السودان لذلك تجد فى ردودهم غرابه فآثرت الابتعاد والاحتفاظ بعروضى وأنواطى وجوائزى القديمة ربما كانت أروع من أقدم الجديد فأتمنى لهم التوفيق وأيضاً قررت أن أبدأ تقليص المشاركات لانى سوف أتفرغ عما قريب لمنتدى الشرطة الخاص بى ومشوليات أخرى وحاجات تانية حاميانى.
منتدى أنا سودانى أيضاً هيمنة المريخ وإبتعاد مشجعى الهلال من التعليق والردود جعلنى الوحيد مع قله من المريخاب .
منتدى دار جعل صاحب أكبر عدد من المشتركين الشرسين من الوصيفاب على رأسهم المشرف العام للمنتدى والذى يتكرم بالاكثار من الزيارات فى حالات الانتصار فقط وحذف المواضيع أشيد بالاخوان عماد المتمة وعبدالجليل والهلالاب جميعاً وأخشى أن يكثر الحذف الذى يؤدى الى الخسف وخسف الهلال مابنقدروا والنجمة لو غاب الهلال تشبع ضلام من أولو !!!.
منتدى البركل منذ أن أبتعد الرائع وزهرة المنتديات وأريجها الفواح وبلبلها الدواح وملحها للملاح الحاج عوض جلاس فغاب الالق وكذلك تخوّف المريخاب من الرد على بشرى مبارك (والذى لايرحم ) جعل الجماعة يعاينوا ساكت وأيضاً هزيمة الهلال الاخيرة فى مباراة بكل المقايس أسوأ مباراه لهلال مريخ خلال 20 عام .
منتدى العبيدية فيه مناكفات رائعة وأكبر منتدى فيه الجنس اللطيف يشارك ولو بالردود وأحى كل أخواتى من الفريقيين وأخص بالتحية مشجعات الهلال ونحن فى إنتظار الرد يكون فى أكثر من سطور .
منتدى تنقاسى وجود أكبر قامتين فى المنتدى محمد كوراك وهيثم فتحى من أنصار القبيله الحمراء قوّم نفسنا وما طمم نفسنا ولكنهم أحتلوا صداره التعلبق والمواضيع رغم أنهم (وصيفاب محترميين ) وتعليقم خفيف الظل ومابعل ولا تمل والتحية لهم ولكل الهلالاب ومنتدى موضوعى ومنطقى والطرح فيه عالى ليت بعض المنتديات أخذت نقله فى العدالة وعدم الحذف .
منتدى الهلال طبعاً لا وجود فيه لمريخاب أشبه بمباراه من غير جمهور ومن غير خصم ومن غير إحتياطى ومنتدى فى البدايات وبدايات جيده أتمنى لها الاستمرا وفيه شباب رائع يجيون المسادير الشعرية عن الهلال واصلوا إبداعاتكم وأحى ودفليل وعمر الكباشى والبقية .
أمضوابان مغلق وكذلك منتدى أبناء السقاى السروراب ومنتدى الاعلاميين العامليين بالخارج ومنتدى الكدرو وتوقفت عن المشاركة فى منتديات عديده رأيت أنها مكرره وتحمل إسم الهلال مثل الوج الازرق ورابطة مشجعى هلال السودان على العموم خلاصه ما أقول أننى أستمتعت بالتعليق فى منتدى العيلفون وكل المنتديات التى أشارك فيها ورغم الحذف الذى حدث لمشاركاتى فى منتدى دار جعل ورفضه الهلالاب وكتبوا فى أكثر من بوست وخوفى أن يهجر الهلالاب المنتدى وأقول لهم إذا حذفوا مواضيعى فهناك أكثر من موضوع فهل يستطيع المشرف العام حذف 1400 موضوع ؟؟
أما منتدى العيلفون المنتدى الرياضة خاصه تجدنى أحرص فى الدخول عليه لانه جذاب وخاصه أنه ملىء بالمريخاب وساكواها سواها ومن برمنجهام بشرى رداها والان بعد التعليق إليكم القصيدة والتى ورد فيها ذكر أكبر ثلاثة (وصيفات فى منتدى العيلفون وتحياتى لهم ولكل أهل العيلفون.------------------------------------------------------------------------------
أحمد الحبروعصى الدمع وأحمد عكاشة اتجدعوا
ليكم سنين جمهوركم حزين بس بالحجار ويصقعوا
قبالكم الفرح العلينا سا سا سادومبا كيف كم وزعوا
وسا سا ساكواها لو سواها مبرووك عليكم أشبعوا
قاتلكم الجوع من سنيين فى الدورى كم تضرعوا
للمولى يديكم نقاط وموجنا دايماً كان عجيب جب يلفحوا
نسيتو كاريكا من الدعيع للشباك شطب ود سليم كيف صييعوا
نسيتو أرضيات سا سا سادومبا كيف لما أنفرد وأخوانو دايماً أبدعوا
وبشه كيف لمن ختف بالرأس هدف ورمزى (المناضل) جهجهو
وكيف الغزال سيد الدلال أرضية كانت زى نبال خلا الجماعة اتفرزعوا
قلنا بس والله عييب لمن أخوك يزعل كتير من أولو ليه ما نسيبم يفرحوا
الكورة ما لحظة فرح والفرح ليه لى هلالنا وأهل الوصيف يمترغوا
قلنا حرام إستاد جميل رائع عديييل بس فاحش الكلام الانتصار حايضيعوا
ألفاظ ما ألفاظ أصيله وجد دخليه لو قالوها لى أكبر حمار حاتصرعو
بالله بس لو مره جييتو من الكنب أعرفو الادب ختوهو لينا فى موضعو
وما تنكروا وتقولو ما سمعنا الكلام ... زرعو الجماعة وللفضيلة تشيعوا
الكورة كلها حاله طيييين بالسنين ... وأخلاقنا زى بستان جميل ما أينعوا
يجينا من مسؤول كبير فاحش الكلام والله عييب والله عيب والعيب نضلعو نفضحو
نرميهو من طرف الكنب ويين اللجان ووين الامان يا إتحاد يا إتحاد ما تصرحوا
وأختم وأقول زى ما بديت مبروك عليكم إنتصار بس الانتصار ما تودعوا . | |
|
