بشرى مبارك
عدد المساهمات : 7557
تاريخ التسجيل : 19/02/2009
العمر : 65
الموقع : أقيم فى بيريطانيا مدينة بيرمنجهام
 |  موضوع: كلتشات رياضييية .. من ودالسقاى بشرى مبارك  الثلاثاء 23 نوفمبر - 3:46 | |
| كلتشات رياضيييية ... من ود السقاى بشرى مبارك
--------------------------------------------------------------------------------
* الميزة التى تعاقد بها المريخ مع التوانسة التلاته أنهم لايعرفون طريق مرمى الهلال ولا اللهجة السودانية وفى رواية أخرى العربى بتاعم ذاتو فى تلتله (ما عارف الجماعة بهدرو معاهم برشا والله لا !!!.
* كلما يتذكر الوصيفات أن شكوى الهلال على رأسها الدكتور حيدر حاج الصديق (على قاقرين ) وكيل وزارة الخارجية السودانية وصاحب الدكتوارة فى القانون الدولى يشيلو هم من سماع نبا الكاف بتأهل الهلال مباشرة الى النهائى !!والله أكان بكرة بعد نخبت الجماعة يجينا الخبر المفرح علىّ الحلف 2000 وصيفابى ديل بدخلو المستشفيات عديييل !!الشر برة وبعييييد أوعه كمان المنتدى ده يكون فيهو (وصيفابى !!!) نبقى فى زيارات وكده !!!.
* والله بكرة لو الهلال سوا للجماعة الشغله الدايرنها سوف يكون كشف المشاطيب كروجر والعجب والسعودى وفى رواية طمبلوك ذاتو والحكاية حا يطمبجوها مرة واحدة !! أوعدنا يارب وفرحنا يابشة ويا كاريكا أضرب المزيكا !!!!
* والله الوالى مش لو جاء فى التمرين وخاطب الجماهير والله لو لعب بى 15 لاعب المريخ مارق خمشو ملح مارق خشمو ملح !!!.
*سوف يكون هذا الموسم بإذن الله إستثنائى وحصرياً لسيد البلد والموج الازرق وبكرة حانشوف .
* جماهير المريخ موعودة بعلقة ساخنة من الشرطة وأمن الملاعب وأمن الهلال !!إذا تجاوزوا حدودهم (تنغلبو وتمشوا رأسكم تحت وبس !!! تانى تجو المقبرة !! .
* محمد كوراك وجنقال وهيثم فتحى أضربوا الكوراك مع محمد !!!!
* والله لو بكرة حققنا مرادنا وزدنا زادنا ونجحوا أولادنا وبعد داك ظهرتو فى المنتدى تباركوا والله المفروض يدووكم جائزة (نوبل الرياضية فى قوه القلب والله ميته القلب أيهما أصلح لكم شيلوها مبرووووكة عليكم )
*بشة قال محمد كمال والله محمد كلاى كلو عندو واحد وقونو جايبو جايبو !!! الليلة يا جنقال !! ما عارف الهلال !!!.
*والله الجماعة فى كل المنتديات (الوصيفاب) فى حاله وجوووم كامل ياربى ده الوجوم الذى يسبق العاصفة !! والمرة دى الخوف من الصايمة وشكلها الصايمة حايمة !!.
* يا ربى لو سفارى طلع (ساطورو !!الحكم يديهو ياتو كرت!!!) والله إلا كرت التجانى الماحى !!!.
* حقو الحكم يتفتش اللاعبيين قبل المباراة بالجهاز الكاشف !! المصيبة يقوم راجى عبدالعاطى يرفض ويقول تانى جهاز وتانى (كح كح !!) دى ما كانت ليله !! ليله مهببة.
*راجى أخير بشارك السعودى أوعه يكون بنكرش من الدرش !!!!.
* أخر كبسوله !!بكرى المدينه قالوا ألتقى بالكابتن نصر الدين عباس جكسا وجكسا نصحو قال ليهو فى خط سته (خلى البطح جييب قونك أول والبطح ملحوق) والفلسطينى وفات وأكان قريب فى القاهرة !!! وبالتراضى | |
|
