مسادير بالتراب للرد على الوصيفاب من بشرى مبارك إدريس

الشطر الميت ما ببقى أصلو نقاط
والممتاز نشيلو وأعصابنا ما بايظاط
حالكم جد (شلش ) حال الجرن عايطاط
وما جاهن ولى وما جاهن وجيع وأصبحن جايطاط
ده ما حال الوصيف حالو مابسر ده الرافع اليافطاط

--------------------------------------------------------------------------------

فتشو للقديم فتشو للصور كان تبقى ليكم كاس
وفتشو للصدى وشوفو ما تجيبو حايجيكم أبكباس
مزمل كتب وأصلو ما نفع فتر من من كتمه الانفاس
وكل يوم الهلال زايد نقاط وصدارة ومافى أصلو نعاس

--------------------------------------------------------------------------------

لتقو فى الاشاعات كان تبقى ليكم راحه
ونحنا هناك بعييد قاعدين ملوك الساحه
قاعدين فى الصدارة ما طلقنا أصلو سراحه
وحانكسب معاكم ومعروفيين معانا معانا مافى فلاحه

فى كل المنتديات الوصيفات جاتم حمّه
من عرض الهلال ومن هوبة الغزال والله جاتم غمّه
فتشو للقديم خلوهو كان يتلّمه ونحنا بالجديد والله نحرق عمّه
قاعدين فى الصدارة وفيها يميين جسارة وهلالنا يا أماره وأصلو ما بننخمّه
ما بنرجع نحاكى قبل يومين ترجى مزمّه أداكم تلاته ومرقتو مرقتو من اللمّه

--------------------------------------------------------------------------------

ما تشغلنا لو جبت الصور كل يوم
وما بنقيف يمين أهدافنا قول بالكوم
صاروخ الغزال وكاريكا حمت النوم
ساهر فى فى القديم ونحنا فى الجديد حاندوم

--------------------------------------------------------------------------------

والله الوصيف حالو العيلهو يحنن
دايم فى الوصافة وليها أصبح يقنن
حالو حال اللبن لمن يطول يطّول ويقنن
ما أصبح ماركه وصيف وفيها كيف متفنن

» مسادير الوصيفاب من بشرى مبارك إدريس
» مسادير فى الهلال من منتدى العيلفون بمشاركة بشرى مبارك إدريس
» مسادير رياضية هلالية مريخية عماد المتمة منتدى دار جعل وبشرى مبارك منتدى السقاى
» شعار زين الجديد (سمحة المهله ) وحلمنتيش بشرى مبارك مبارك إدريس
» نقلاً من منتدى ودبهاى والاخ مبارك أبراهيم الامين عن بشرى مبارك إدريس