ماهي مواصفات المراة المثالية كزوجة ؟؟؟؟؟؟؟؟؟؟ للنقاش ...

الاخ مصعب والله كنت فاكرك قاصد الشباب العرسان الجداد أو الناويين لكن ما كنت فاكر قاصد (الكوامر الزينا ) لكن مالو ندينك رغم (العذوبية ) .
* تخاف من الله ولا تخاف من الناس
فى الصلوات ما بتتأخر وفى حق الناس ما بتتفّكر
* بعد طاعة الله وطاعة زوجها لاتنسى طاعة الوالدين
* تهتم بجزئيات زوجها وكأنها أساسياتها
* تطيع زوجها فيما يرضى الله ورسوله
* تجلس معه لحصر الميزانية من أول الشهر حسب الدخل ولا تدخل الفصل فى الفصل
*لاترهقة بالدين وما تقول ليهو عايز التوب اللابساهو زوجه جادين
*تستر حاله وترعى عياله
* تحفظ من كتاب الله وتنفق فى سبيل الله
* تكرم الضيف خاصه ضيوف زوجها
* لاتخفى على زوجها أى صغيرة وتخرج فى غيابه وحضورة بعلمه
* لو زوجها تناقش معها ورفع صوته توضى صوتها ولو دعى الامر لاترد عليه وتتركة يفرغ الهواء الساخن وتعطية من البارد فى الوقت الهادى من غير ما تعادى .
*ما تكتر من القواله وتجيب أخبار الحله وماتخلى كل المله
* ما تكتر فى إلا وإلا وما تزيد العله عله!!
*تهتم بنفسها داخل البيت وتخلى الراجل ماسك الخيت
* تكون قدامو كأنّها عروسه ورايع دايماً بيته جلوسه . وختاماً يامصعب أكان لقيت 70% من هذه المواصفات بختك ومع تحياتى وأبشر يا عريس .