اغانى البنات مالها وماعليها

تذكير بمساهمة فاتح الموضوع :

ارجو تثبيت هذا البوست هل اغانى البنات ناتجة من ضرورة اجتماعية ام انها نصوص نصفها بالهابطة

تسلم ياود الطيب اظننا ابتعدنا شوية عن المضامين المقصودة للموضوع والتحليل ولو حاولنا نحلل شوية فى طلب راجل المراة ده لانو مثال وزول مجرب ولا القصة قصة عريس وخلاص وصيغة المبالغة فى راجل اختى طبعا امنية صعب تحقيقها الابطلاق اختها لانه لايجوز الجمع بين الاختين المهم لسة عايزين شرح للموضوع وشويتين وراجع ليكم

زمان كان الذهاب للشيوخ تبركا ومساعدة فى تساهيل ايجاد العريس الان قالو المشى بقى لربط الزوج عشان مايفرتق عشان لو زاغ خلاص انكتبت عليها العزوبية الابدية مع الكم الهائل قالو فى اغنيات فى هذا السياق سوف تصلنى قريبا حتى نضيفها فى هذا البوست وهذا الامر يوكد ان اغانى البنات تعكس واقعا اجتماعيا وهى ليست اغانى لحظية ولا للفكاهة والتسلية يعنى اذا اردنا ان نعرف حال مجتمع ما فى فترة زمنية معينة يمكن مع اشياء اخرى الرجوع لاغانى البنات فى تلك الفترة سوف نعرف بجلاء وبسهولة ويسر من خلال تلك الاغانى واقع هذا المجتمع هل توافقونى الراى
خفسة بسيطة وراجعين

النتم ليك ابشرا ياياسر
رحمان ياابشرا
رحمان عقدي في رمضان يابشرا
لمتين ياابشرا
لمتين الحنه في الرجلين يابشرا
الناس ياابشرا
الناس قالو برت خلاس ياابشرا
اورووروووووووك ىابشر
اورووروووووك بجيبو بالعروق يابشرا
بايرييييييييييين يابشرا
بايريييين من سنة تسعين يابشرا
بركات يابشرا
بركات تعرس البايرات وترجع العزبات يابشرا
يالطيف يابشرا
يالطيف سعدي يبقى خفيف يابشرا
حركاتيابشرا
حركات بجيبو بالمسجات يا بشرا

مشكورة ام على على المداخلة وعلى الوصفة الرائعة والسوال المباشر هل لاغانى البنات اسباب اجتماعية نرجو من كل الاخوات الاجابة على هذا السوال حتى نخرج من هذا البوست بنتائج بحث ايجابية

اكيد لاغانى البنات اسباب اجتماعية ولها مدلولاتها ومقاصدها ولو نظرنا للكلمات ودققنا فيها رغم بساطتها ولكن لها مراميها ومعانيها الواسعة صحيح هنالك بعض الاغانى ممكن تكون فى نظر بعض الناس تسمى هابطة وهذه ايضا لها من الاسباب التى اخرجتها وكثير من الذين علقوا على هبوط اغانى البنات والملاحظ ان اكثر المنتقدين لها هم الاكثر استماعا هذا الموضوع مهم وعجبنى جدا تناوله والمداخلات كلها رائعة لذا سوف اشارك فيه واستعدوا يااحمد وبشرى وياسر وام على

نحنا مستعدين يعنى هنضبتينا ساكت وين المشاركة واكيد ياسر وبشرى منتظرين مثلى احييك واديك العافية والغنا ياهو غناكن راجين مداخلات كل عضوات المنتدى مرة تانية لك الشكر على المداخلة