سقاى شنو وعيلفون شنو ده يامن الصافية والله الرياض !!!

الاخ والصديق الوفى والحميم عبدالعظيم الهادى عبدالرحيم ود خديجة بت عبدالوهاب مختار (أهلنا ناس البحيراب ) الاخ عبدالعظيم أمتدت صداقتنا وقويت منذ أن ألتقلينا فى الجيلى الثانوية العام 1975م وللصدف فى ذلك العام لم يدخل الجيلى من السقاى المثلثة إلاّ أنا والاخ عبدالعظيم متعة الله بالصحة والعافية لنا ذكريات لايسع المنتدى ولامواضيعى التى قاربت الالف لحصرها وكلها ذكريات رايعة وجميله ومحببة ، الاخ عبدالعظيم جاء فى إجازة من أغترابة فى الكويت فى 7 1990م وفى 2.8 كان غزو العراق المشئوم لدولة الكويت والذى (غتّس حجر الوطن العربى والاسلامى إلى ألان) وطبعاً لم يرجع هو ومجموعتة من السودانيين للكويت مرة أخرى والفيها غادروها الى غير رجعة حتى الآن !!!! كنت وقتها فى قسم شرطة كوبر وأسكن فى شقة بالقرب من القسم فى عمارة يملكها العم الطيب البلوله علية الرحمة ، حضر عبدالعظيم لزيارتى فى القسم ولم يجدنى ولما كان يعرف زوجتى حق المعرفة بل وقضى معنا أسبوعاً كاملاً بعد زواجة وكنا وقتها فى العيلفون والتى يذكرها عبدالعظيم أنها من أسعد أيام حياتة ، ذهب عبدالعظيم الى الشقة وكانت خالدة معها بنت خالتها إعتزاز أبراهيم وهى لاتعرف عبدالعظيم ولكن تسمع به فقط !!! فطلبت خالدة من إعتزاز أن تفتح له الصالون وترحب به الى حين تلبس خالدة لانها كانت بملابس المطبخ !!وفتحت الباب وأستقبلها عبدالعظيم وعبدالعظيم من الوجهاء والاغتراب زادة وجاهة ما شاء الله تبارك الله !!أندهشت إعتزاز لوسامة عبدالعظيم ورحبت به (وهى تتكبكب ) ولو لا أنها متزوجة لكان لها حديث آخر !!! وطوالى بدأت توصف فى الزول الوسيم فى طبعو ودالهادى !!! وخالدة تقول ليها عماد محمد إدريس ؟؟؟ تقول ليها عماد شنو وسقاى شنو ده ما من ناس السقاى كلو كلو !!يكون من أصحاب بشرى بتاعين العيلفون ؟؟؟؟ ياخالدة عيلفون شنو!!!! ياربى ده منو ؟؟ تقول ليها إعتزاز ده يا من الرياض يا من الصافية !!! وطبعاً الفضول كتل خالده وأسرعت فى اللبس لكى تعرف زول الرياض أم الصافية ده منو ؟؟؟ وعندما دخلت الصالون بدون ما تشعر قالت: هىّ عبدالعظيم الهادى وسلمت عليهو وهى تضحك وبعد أن أنتهى السلام حكت له القصة ورد عبدالعظيم قائلاً : ماله السقاى يا إعتزاز والله فيها من هم أوجة منى ؟؟؟ وللامانة فى ذلك الوقت لم يكن فى البتلاب من ذلك الجيل من هو أوجة من الاخ والصديق عبدالعظيم . وعندما حضرت وحكوا لى القصة فى غياب عبدالعظيم وإعتزاز قلت لى خالدة والله عبدالعظيم كان جاتو عوجة سحرتو قريبتك بت خالتك دى أصلو الرباطاب معروفين عيينكم حاره والحمد لله عبدالعظيم ماجاتو عوجة وإن شاء ماتجيهو أبداً . وأحى الاخ عبدالعظيم التاجر الآن فى سوق ليبيا وهو مشغول الآن بالموسم وأكييد ساكن أمبدة هذة الايام .

شكرا الاخ بشري علي الزكريات ، وربنا يرد غربتكم ويجمعكم معا في السودان، مع خالص تحياتي

علي طار الواجهة والسماحة كان ابن عمتي وصديقي ودفعتي وزميلي الأستاذ المحامي/ عبد الهادي حمد رجل مرهف الإحساس وله قدرة على الكتابة وانتقاء العبارات المفعمة بالود والجمال وكانت الكتابة عنده كشرب الماء البارد ويتميز بخط جميل جداً، واذكر اننا كنا وقت الشباب (فترة الثانوي) لنا علاقات غرامية ومن محاسن الصدف ان البنات التي كنا نرتبط بهن في ذلك الزمن كانتا صديقات بعض، وكان أخونا عبد الهادي يرسل لمحبوبته خطابات منمقة العبارات وساحرة الأسلوب وحات الله كان قراها راجل يهيم به من شدة حلاوة وجمال تلك الخطابات وعباراتها التي يتخللها شيء من الشعر الغنائي الذي ينساب مع موضوع الخطاب، وانا كنت على عكسه تماماً لا أحبذ كتابة الخطابات وكنت أجيد الونسة واختيار الأسلوب الأمثل لجعل الفتاة تزداد ولعاً وحبا بمجالستي وتشتاق للجلوس معي، والطريف في الأمر أن محبوبة أخونا عبد الهادي كل ما يجيها خطاب تجي وتقرئه على محبوبتي وهي بدورها تحفظه على ظهر قلب من شدة إعجابها بما يحتويه الخطاب وكانت بدورها تعكس لي إعجابها بهذه الخطابات لمن بقيت أغير من هذا الحديث وذات مرة حلفت عليها وقلت لها إذا قرأتِ خطابات صديقتك المرسلة من عبد الهادي سوف يكون أخر يوم بيننا وحزرتها بشدة وكنت صادق فيما أقول وما كان عليها الا ن تمتثل لطلبي، واتقيت شر سحر خطابات أخونا المخضرم وكنت اكثر المعجبين بها وله قدره فائقة في اختيار الأسلوب الجميل والمنمق الذي كاد ان يتسبب لي بشاكوش في ذلك الزمن الذي كثرت فيه الشواكيش، وهو بكل تأكيد لا يخلو من الوسامة الجازبة في ذلك الزمن الجميل.

الاخوان ابراهيم سيدأحمد مساعد والاخ ياسر الطيب الحاج لكم الود وأنتم تتداخلون فى هذا البوست . ودايما ود الطيب الحاج كلما نقول نجيب موضوع (آخر موديل ) تكون مداخلتو موديل بحالو ماعندو أول ولا أخر ولذلك أرسل هذا المسدار للعم والاستاذ عبدالهادى حمد والدنيا قبايل قبايل عيد:
أدينا من كلمات خطابك وبيها ...... بيها أسحر منتدانا
يلا أظهر مرة واحدة........ وقول سلام حايكون كفانا
أخوك ياسر جدّ شجانا .......... وكل يوم ظاهر معانا
لو تجينا ومرة تظهر وجيب معاك من رسايلك حب كانا

عدد المساهمات : 61 تاريخ التسجيل : 04/05/2009

سبحان الله ياتري ماذا نستفيد من هذا البوست المنتدي اصبح مليان بالمواضيع الفارغة التي لا لون او طعم اصبح المشاركين يهتمون بالكم وليس المهم اصبح المنتدي يخجل

الاخ ود أحمد تحية طيبة وعوداً حميداً ... صراحة نحن بشر لاندعى الكمال ولامحترفى كتابة ونحن هواة وسوف نظل كذلك الى أن نودع الزايلة إن شاء الله ، قدمت أنا أكثر من 500 بوست أعتقد أنها نالت رضا العدد الكبير من المشاركين ، وهذا البوست المقصود فيه نداء ورجاء للاخ الاستاذ والمحامى عبدالهادى حمد ابراهيم ولو تكرّم وزارنا فذلك يكفى ، أنا لا أريد أن أحجر عليك الرآى فى منتداك منتدى السقاى ولكن لتعلم أننى أشارك فى منتديات على مستوى رئاسة الشرطة السودانية ويطلع على ما أكتب مدير عام الشرطة ونوابة وهناك موضوع عنوانة (بنت السقاى ) لم أجد نقداً ( وبياخة مثل بياختك!!!) وعلى العموم أنا فى إنتظار أن يشاطرك الرآى ثلاثة من المشتركين وبلاسم وبعد ذلك ترى ما أنا فاعل فى مواصله مشاركاتى فى منتدى السقاى ولك شكرى أولاً وأخيراً .وأذكرك أننا فى العشر الاواخر من رمضان وبدلاً أن نحبط بعضا البعض أتمنى أن (نصمت !!!!) وأذكرك فى غيابك أشترك شباب من القريتين وشاركوا بقوة ونحن فى إنتظار أن يعلقوا على رأيك هذا ؟؟؟؟ !!!!

السلام عليكم
الاخ ود احمد نحن لانمنعك النقد ،ولكن ان يكون بطريقة احسن من هذه ، ثم ثانيا الاخ بشري والاخ ودالطيب بيشاركوا في كل اركان المنتدي ومشاركة فعالة ومفيده ، وهما ناس في غربة والزكريات البيحكوها دي امكن تفرج عنهم بمشاركة الناس معهم، وبقول ليك يا واحمد جيب لينا المفيد حقك عشان نعرفك بيهوووووووووووووو
الاخون بشري ودالطيب بقول ليكم ولايهمكم اكتبوا زي ماانتواا عايزين وشكرا لكم ولكم تحياتي

عدد المساهمات : 167 تاريخ التسجيل : 30/03/2009

[

color=red]

اخونا وابننا ود احمد
سلامات ورمضان كريم وبمناسبة العشره الاواخر من رمضان
بقول ليك ربنا يجعلنا من اهل الصيام والقيام ....
اولا مع احترامي وبدون ان نكون ذي النعام .............. مش النعام ادم
نحب نعرف اخونا احمد اللجاب اللما عايز يعرف بي اسموا الحقيقي
بعدين ممكن نفيد ونستفيد ......
منتدانا دا الحوش الفيه فكة الريق والشاي والقهوه والونسه الحلوه
الما بلقاها الواحد في غربتو يعني البعاد العايزين يفكو الضيق من العليهم
يكونوا معانا والمنتدي لابناء السقاي الما عندهم حاجه تخلي الواحد يخجل
عليها ............الاخوه الكرام اذا اتتك ملامة من؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اختلاف الرائ لا يفسد للود قضيه ........مع تحياتي واحترامي ,,[/color]

عدد المساهمات : 61 تاريخ التسجيل : 04/05/2009

الاخوان ابراهيم ومحمد سعيد شكرا علي المتابعة الاخ ابراهيم ماعندي حق ممكن ارد اخونا محمد سعيد مافي داعي لعلامات الاستفهام اكتب النص بوضوح اللهم اني صائم نتقابل انشاء الله بعد العيد

عدد المساهمات : 739 تاريخ التسجيل : 07/03/2009

موضوع ان المنتدى اصبح يخجل هذا رايك لكن المخجل هو من يخجل من كتابة اسمه ويتدثر باسماء مستعارة هذا اولا ثم ثانيا اين مشاركاتك ومساهماتك التى تثرى المنتدى وتجعله لايخجل كثيرين قبلك قد ذهبوا فى نفس الطريق ان المنتدى ليس به وان المنتدى وان المنتدى اذا رجعت تجدهم لايشاركون بس ينتقدون لان فاقد الشى لايعطيه انا اتفق معك ان المنتدى به كتابات مخجلة زى تعليقك هذا مثلا نحن ندافع عن المنتدى لاننا اعضاء فاعلين فيه ونحن نكتب ماشئنا كتابته وفى اى مجال ومن له ولايه علينا فليحجر مشاركاتنا وسوف يستمر هذا المنتدى مهما كثر النقد فيه وصدق كل مايكون هنالك نقد وتجريح للاعضاء هذا يعنى لدى نجاح المنتدى والى ان نتعرف عليك نريد مشاركاتك غير النقد ولك التقدير وعيد مبارك

اللهم اني صائم اللهم اني صائم اللهم اني صائم
حقيقة كما اسلفت جنابو بشرى يتحفنا ويسحرنا بالجديد المفيد دوماً، وهذه المرة اتى بهذا البوست الجميل ورديت عليه بذكريات جميلة نعتز بها ونفتخر بها ولنا ماضي وحاضر ومستقبل بمشيئة الله مشرف وهو بمثابت كتاب مفتوح لمن اراد ان يتصفحه ولا يوجد فيه ما يخجل، وقد كان الهدف من المشاركة في هذا البوست الرائع رمي السنارة وعليها الطعم لستدراج المحامي الحصيف والحريف عبد الهادي ليتحفنا بابداعاته ومشاركاته، لكن الظاهر السنارة مسكت في وسخ البحر ولم تتمكن من اصتياد الصيد الثمين واتت بمشاركة (سمكة ميته ) تعبانه وهي في النهاية لا تعدو من كونها مجرد رأي عاااااااااااااااادي زي الزبادي وانا شخصياً لا احب الزبادي.

عدد المساهمات : 61 تاريخ التسجيل : 04/05/2009

الاخ احمد لم اجرح شخص بل كان عندي نقد في مكان معيين وانت ايضا ماوصي علي اكتب ما اكتب بدون اساءة الادب او التجريح واعلم اي شخص من السقاي الكبري لايخجل من اسمه ومافي داعي للاستفزاز هذا المنتدي للجميع اتمني الا تنسبه الي فئة معينة اما استمرار المنتدي وازدهاره هذه والله العظيم امنيتي وامنيتي ان نعرف من المشرف لكي يتم تنسيق المواضيع وقربلت كل المواضيع التي لا يستفاد منها مثل ردودي كما قلت

عدد المساهمات : 61 تاريخ التسجيل : 04/05/2009

مقبولة منك الاساءه يااستاذ وكمان في شهر رمضان خلا ارمي سنارتك في الماء الصافي لكي لا تاتي لك بالاوساخ سبحان الله كلكم منزهين من الاخطاء صدقني بموت في الزبادي وكمان زبادي كابو اكرر غير متوقعة منك يااستاذ واعلم انت وغيرك لن تجروني للاساءه اليكم كما سمعتوني شيمتي واخلاقي ابعد من ان ا سئ لاهلي

عدد المساهمات : 739 تاريخ التسجيل : 07/03/2009

ود احد سلام وسلام كثير وتحية اولا لست وصيا على احد ولست من قام بعمل المنتدى وجدته وشاركت فيه مثلى مثل اى عضو منتسب له انت حر فى ماتكتبه وماتعلق عليه وماتنتقده لكن ايضا للاخرين الحرية فى اختيار مواضيعهم وكم كنت اتمنى ان يكون النقد فى شكل موضوع تتناول فيه نقدك المهم اخى لااريد ان يكون الموضوع ان اكتب وانت ترد على وانا ارجع ارد عليك وتبقى القصة طويلة وسجال لايكون له نهاية املى وانا قد اكون شبه عرفتك منو ولكن نخاطبك بود احمد ان غلطنا عليك فلك العتبى حتى الرضى وردى عليك من باب الحرص على المشاركات بغض النظر عن نوعها او كيفها وصدقنى كل ماتريد قراءته موجود الادب موجود الشعر موجود الدين موجود الغناء موجود المديح موجود مواضيع ثقافية موجودة قصص وروايات موجودة اتمنى اتمنى ان تكون اضافة حقيقية للمنتدى وانا مع نقدك البناء ونقدك للمواضيع بمواضيع تتناول فيها النقد .
نقطة مهمة انا لاانسب المنتدى لاشخاص كما كتبت فهو للجميع ولكن عندما يكون هنالك اناس فاعلون فهم اهم من الكم المسجل دون مشاركات سوف استمر فى استفزازك باسمك المستعار حتى تدخل باسمك الحقيقى لك تحياتى

ود احمد تحياتي ورمضان كريم وعيد مبارك عليك بالمرة وارجو لا تحمل كلامي اكثر من معناه فانا اتحدث عن المشاركة انت قلت (مشاركة تخجل) وانا قلت (مشاركة سمكة ميته) ولكلن رأيه الخاص، وحاش لله ان اتحدث عن شخصك لسببين اهمها اني لا اعرف شخصك الفاضل حتى اتحث عنك، وثانيها الموضوع ما يحتاج اساساً وزي ما قلت راي عادي زي الزبادي وانا لا احب الزبادي وكونك بتحب زبادي كابو مافيها حاجة، ولا تنسى نحن نتحث عن مشاركاااااااااااااااات ليس الا والاشخاص كلن يعرف قدر نفسه.

عدد المساهمات : 61 تاريخ التسجيل : 04/05/2009

الاخوانالاعزاء والله ماقصدي احباط شخص لكم العزر بشري ابراهيم محمد سعيد احمد الاستاذ ياسر بس ادهشني كل مشاركات الاخ بشري تختلف عن هذه اخي احمد ماذا استفدنا منذ انشاء هذا المنتدي غير التواصل والونسة اين مركز الحاسوب بالسقاي والسقاي البتلاب اين غرفة الولاده اين اللجنة التي كونت اين المنتدي الجديد علي كلام اخونا مزمل ممكن نصبح الصباح نلقاهو مافي لاود احمد لا زيد افيدونا وسوف نكون تحت الخدمة دعونانعمل حاجة مفيدة بشري ياسر محمد سعيد ابراهيم مصعب ابو فجر احمد محمد صديق وكل شخص مواصل دعونا نتحد نحن ونقدم شي دعونا نبدا بهذا المنتدي

الاخ ود أحمد لقد أجمع كل المتداخلين أنك (النشاز ) الوحيد فى هذ المنتدى وأنّك تفسد الذوق العام فى هذا المنتدى !!وأقول لك فى هذا المنتدى مايزيد من أربعة ألف موضوع فيها الممتاز والجيد والحسن والضعيف ،ولم تقع عينك إلاّ فى الضعيف !!! والسؤال الذى يفرض نفسة أين مواضيعك التى تستحق أن نقف عليها خلاف إفساد الذوق العام بعبارات غير صحيحة ، أنت لم تفصح عن نفسك وأقسم بالله العظيم أن إمكانياتك لاتسمح لك بتقييم الاستاذة ياسر الطيب الحاج وأحمد عبد العزيز القاضى ( وأخشى أن تكون فاقد تربوى !!!!) وتريد أن تقييم جامعيين وأصحاب دراسات عليا !!! الاخ محمد سعيد الزين بدأ البيت ولم يتمه وأنا أتموا ليك وأقول:
إذا أتتك مذلةً من ناقصٍ فهى الشهادة لى بأنى كامل
وأضيف عليها من عندى هذا المسدار :

والله نحنا ما بنخجّل والخجل ....... ليهو بنخجّل
والله لمّا نرفع عالى صوتنا..........يمين يجلّجل
ولمّا ندخل منتدانا ...... ويومى فى الدفتر نسجل
مش نغيب كم من شهور ونجيب كلام ياهو البخجّل
بى وراك أحمد وأحمد ..... شاركوا ما تقول تبجّل
بى وراك مصعب وأبراهيم ومجتبى ما قالو النأجّل
ونكتب الغث والسمين........ والمفيد ليهو بنعجّل
إنت ما بتحكم علينا إنت........ بس عايز تشنكل
يلا ورينا الكتابة والقصيد..... والردود الماتخجّل

عدد المساهمات : 61 تاريخ التسجيل : 04/05/2009

الاخ بشري انا هنا ليس لتقيم زيد ولا عبيد وماكل متعلم فاهم واعلم انني لن اسكت عن فاقد تربوي اتمني ان لا ننجر الي مكان انت تريد ان تصل اليه واتمني الا تدخل ياسراو احمد في هذا الموضوع اتمنيت لو دخلت باسمي الحقيقي لكي ارد اليك كلمة فاقد تربوي دي لكي لاتقول انني متخفي باسم غير اسمي لكن سوف ارجع ليك وخليك متزكر كلمتك القلتها وابقي عليها قوي ولنا عودة بعد رمضان لكي تعرف الفاقد التربوي علي حقيقتو اتمني ان تراجع كل ردودي لو فيها كلمة ي كلامك هذا ياسيادتك ويامتعلم

*الاخ ود أحمد لا وقت لى لكى أراجع مهاترات وبياخات وأنا أراجع شعر أحمد عبدالحفيظ الشيخ (18 سنة ) أو يزيد قليلاً أحسن لى مليون مره من ردودك !! والسؤال ماعندك موضوع فيهو عضم نستفيد منو ؟؟؟؟
*فعلاً جرجرتنا أنت كلنا من الدوحة والرياض وبيرمنجهام والامارات لكى نصل الى مستوى متدنى من الخطاب ولو لا أننا فى رمضان والعشر الاواخر لكان الكلام أسوأ من ذلك والحمد لله أننا حتى هذه اللحظة نحفظ الود رغم الحرائق ، أكرر ما كتبتة لك فى البوست السابق ونحن نستقبل ليلة القدر بينا العفو والعافية وأطلب منك الالتزام بمراعاة الذوق العام والابتعاد عن التجريح وأنت قلت ياريت لو دخلت بالاسم الحقيقى وما زلنا نعشم بدخولك بالاسم الحقيقى وهذا ما يسعدنا ويبعدنا من التهور فهل تكرمت وفعلتها وهدفت مثلما هدّف عمر بخيت وإيفوسا ؟؟؟!!!

بالصلاة علي النبي وقولوا باسم الله والعنوا الشيطان والموضوع ما يحتاج يا اخوان قليلها وكثيرها رائح ونريد ان تمر مننا العشرة الاواخر ونحنو طيبي الانفس وجنابو بشرى اخونا الكبير يا ود احمد وكان ضربنا حرم مافي واحد يفتح خشمو ولا بقول كلمة زيادة هذا ما تربينا عليه ويا ود احمد عشان حاج أحمد ما فيها حاجة لو اخوك الكبير وجهك حتى ولو توجيه قاسي ما اظن الزعل ينسيك ما ترييت عليه وانت القائل (يا استاذ واعلم انت وغيرك لن تجروني للاساءه اليكم كما سمعتوني شيمتي واخلاقي ابعد من ان ا سئ لاهلي) ولا دا ما كلمك، والموضوع ما يحتاج لهذا نحن نمثل أهلنا ويجب ان نمثلهم خير تمثيل، وود المبارك برهن بيان بالعمل انو الكبير وحقوا علينا كتير وانت انشاء الله اكبر منه بسماحتك وطيبة نفسك وعشمنا فيك كبير ان تطفي هذه النيران التي دعوة ان تشتعل في المنتدى وفي اخوك الكبير عشان حاج أحمد ما تنسى ولكم كل الود والاحترام.

عدد المساهمات : 61 تاريخ التسجيل : 04/05/2009

الاستاذ ياسر ما كل كبير بحترموه لكن الي هناسوف اتوقف عن المهاترات وسوف تكون المواجهه بعيدعن المنتدي وهذا منتدي ابناء السقاي وماعندك الحق ياسيد بشري تمنع شخص واطلع وادخل زي ماعايز اما الشعر خليتو ليك يا احمد شوقي

أحبتي:
نعود إلى سؤال ود أحمد الوجيه جداً: (سبحان الله ياتري ماذا نستفيد من هذا البوست)؟
وانا طبعاً أتحدث عن نفسي عند اجابتي على هذا السؤال:
عندما انتهيت من قراءة موضوع البوست المذكور جال بخاطري سماحة أهلنا في السودان وخاصة اخواتنا وامهاتنا عندما يحضر إليك احد أصدقائك وأنت غير موجود بالبيت فيتم استقباله والترحيب به واكرامه أي ما كرم بكل عفوية وطيب نفس، والزائر يبادلهم هذا الود والاحترام، وأشفقت على حال الناس الذين نعيش بينهم في السعودية ولكم أن تتخيلوا الواحد هنا في السعودية لو مر على بيت اخيه وهو غير موجود لا يفتح له الباب ويتم محادثته والسلام عليه عند الباب وهو مغلق واعني السعوديين وللأسف الشديد قد تأثر بهم الكثير من السودانيين المتواجدين في هذه البلد وعادي جدا ان تمر إلى احد أصدقائك أو أقاربك السودانيين وتجده غير موجود بالمنزل ولا يفتح لك الباب وتأخذ بعضك وترحل وقد حدث لي هذا الموقف شخصياً!!!!!!!!!!!!!!؟؟؟؟؟؟؟؟؟؟؟؟؟؟؟؟
هذا بكل اختصار ما استفته من هذا البوست واختصرت حتى لا اطيل عليكم مع العلم انه توجد فوائد كثيرة جدا استفتها من خلال سرد صاحب البوست ولا يوجد فيه ما يخجل هذا من وجه نظري.
واما فيما يخص ردي على موضوع البوست ارت ان اتحدث عن وبكل صراحة وبدون خجل عن العلاقات العاطفية التي عشنها في فترة الشباب لكونها علاقات صادقة وعفيفة لم يتخللها ما نسمع بيه هذه الايام من زواج عرفي وغيره من المواضيع التي تقشعر منها الأبدان، وقد كان يجول بخاطري الحديث عن الحب في فترة الشباب وما هي فوائدة ومضاره على الشباب، وعندما أتحدث عن الحب اعني الحب الصادق والعفيف القائم على خلق ومثل بغض النظر عن رأي الدين فيه لأنه حقيقة وواقع نعيشه ولا بد من مناقشته وتداوله حتى نجنب الشباب أضراره بدون خجل.
وهنالك شق مهم ذكره ود أحمد في مشاركته (السمكة الميتة) وهو (المنتدي اصبح مليان بالمواضيع الفارغة التي لا لون او طعم) ومن حق ود أحمد ان يقيم المواضيع من وجهة نظره، وما اريده من ود أحمد ان يسمي لنا المواضيع الفارغة وبدون خجل حتى نسعى إلى تعديلها وتصحيحها ونملئها بالمفيد للمصلحة العامة، وكما يقال نصف رأيك عند أخيك، وحتى يكون حديثنا موضوعي ويستفاد منه.
واختم بخاتمة اخونا العزيز والغائب فهمي عبد العزيز (وبالمحبة نتواصل).

والله ياعبد العظيم الهادى وعبدالهادى حمد (نايميين تشخرو ونحنا نذكر فيكم بالخير والخير أو أخو عندهم رأى آخر !!!!!!) على العموم والله البوست أنا ما كنت متوقع يطلع عليهو 10 أشخاص بالله جاب ليهو توم وشمار وقوّم نفسنا ونحنا فى العشر الاواخر ... والله العظيم أنا أكتب وأضحك !!! وفعلاً الموضوع عادى زى الزبادى وكمان أنا جيت بلد البرود بلد الانجليز عشان كدة أنا أقول الضحك دة من شنو (أتارينى بردت !!) شكراً لك ودالطيب وأنت تطلب مننا نباركة ويا ود حاج أحمد العفو والعافية وما عرفتك أحمر أم أزرق حتى نحتفل بك أو نكرهك زى صاحبك وقريبك ودالطيب الحاج .

عدد المساهمات : 61 تاريخ التسجيل : 04/05/2009

الاخ ياسر انا ما الشخص الفي راسك والله والله ياسيد بشري انا التلج زاتو وابوي ماحاج ربنا ارحمة وادخلة جنات النعيم ومشكور استاذ ياسر وعقبال الالف بدون حشو

كتب الاخ بشري موضوع بالعنوان اعلاه وهو نوع من الكتابة المحببة يلجا اليها الكاتب عادة للترفيه والترويح عن النفس
وان يطرح الاخ بشري زكرياته ليشاركها مع الجميع فهو شئ جميل يااخ ود احمد فالموضوع لم يطرح للنقاش
انما للقراءة فقط
اخي وداحمد اتمني ان يكون شكل النقد موضوعيا حتي تعم الفائدة
ارجو من المشرفين علي هذا المنتدي انشاء منتدي جديد باسم زكريات السقاي كترتيب لنوع الكتابة
ولكم جملة اشياء جميلة

» نعم من أجل سقاى خالى من السفة والتمباك (نقلاً من منتدى الراكوبة )
» الزبير باشا رحمة
» خبر هام من أهل الرياض
» خبر هام من أهل الرياض
» استراحة لاهل الرياض