مطبخ نوال

الشيف نوال سلامات جربت اعملها حسب الوصفة والطريقة ماظبطت معاى لكن طلعت حاجة بتشبه المكرونة ست الاسم عندى سوال الماعندها فرن تعمله كيف فى ليها دبارة

الشيف نوال

عممي الشغلة العذابة كتار وممكن يستفيدو من وصفاتك بدل دمعه عدس بيض والعكس والعشاء فول من غبيره الرياض وشارع التمانين جده الكلام ليك يا المطير عينيك

والله يايسن اكل العذابة طاعم ... والواحد بتذكر الكلام ده كويس وما بنسى ايام العذوبية ويا ريت نعمل لينا حلة عذابة كده نخلي النسوان ديل يقتنعو ههههههه

عارف النسوان بقتنعو بطعامة اكل العزابة ولو يوم سويت ليك حلة بقولوا مبذر الحاجة الوحيدة البقولن فيها الرجال مبذرين موضوع الحلة لكن باقى الحاجات ولا بجيبو سيرة جربوا يانزار التجارب حلوة لكن لو ماظبطت بتطلع تقليعة وطوالى الزول اديها اسم ام( شعيفة) بسوها كيف عارفين

الشيف نوال لااسكت الله لك قلما خلاص اتهرينا مكرونة وسلطة عايزين نغير شوية وماطولى الغيبة لك التحية ومنتظرين الطبايخ وياريت لو فى نظرية لعمل العدس والفاصوليا وكذلك خشى لينا شوية فى الحلويات واديك العافية

ام تهاني لك تحياتي .. طبعا انتي عارفه ملاحي شنو وعايزك تورينا كيف بعملوهو وام شعيفة كمان ...
ويا ابوعمار السليقة داير ليها وصفة ؟؟؟ عليكم حركات ياناس الحوش !!!

الخضار الودار ده نحن مابنعرفو لكن اكيد الوصفة خطيرة وبنحاول نعملها ونقول ليكم النتيجة
وحكاية الخضار دى ليها قصة بحكيها مرة تانية ويانزار حركات ناس ,,,

الاخت نوال
والله مشتاقين جدا جدا والشكر لهذا المنتدى الذى اتاح لنا هذه الفرصه لكى ناتقى ببعضنا. وانا من زوار مطبخ نوال وما شاء الله باين عليك طباخة ممتازة. عن قريب نرسل لك طبخات سويدية لكن اول حاجة لازم اتعلم الكتابة على البورد العربى . ولكى مني كل الود

العزيزه نوال نعم قد طالت المده وها نحن نتقابل عبر هذا المنتدي رغم طول الزمن وبعد المسافات. .وهنا اكتب اليك وتسوقني اشواق الماضي
لتحدثني خاطرتي بتلك الايام التي لازال يحمل لها الفؤاد مكانا
والله كم سعدت بلقياك الغاليه ليبقي التواصل بيننا انشاء الله
اختك اروي الطيب عبد الوهاب .ام ايثار

Salam Nawal,
Im very glad to hear from you hope all of you are fine.
Here is my e.mail please send an e.mail so we can chat more.
[ندعوك للتسجيل في المنتدى أو التعريف بنفسك لمعاينة هذا الرابط]
Hugs,
Arwa

يانوال والله انتو محظوظين صيفكم على الابواب وبتجهزوا فى المشروبات الباردة نحن الجليد لسه نازل صيفينا في شهر ٦.
الفراولة بالحليب من المشروبات التى احبها جدا لكن بعملها من دون اضافة القشطة والسكر بنخاف من السكريات والدهون.
ال key board العربى بياخذ وقت طويل مني للكتابة لكن هذه فرصة للتعلم وايضا ميزة من مزايا المنتدى.
مع تحياتي