استفسار صغير

تذكير بمساهمة فاتح الموضوع :

السلام عليكم ورحمه الله وبركاته اولا فرصه سعيده جدا لي بالانضمام الى موقعكم الجميل والرائع
لا اعرف من اين ابدا انا طالب سوداني مقيم في دولة الامارات العربية المتحده ادرس باكلريوس علوم هندسه مدنية وكنت اتمنى ان اكمل
دراستي في المانيا لاكنني لم استطع ان اجد الجامعه المناسبه او الطريقة للوصول الى المانيا فكنت ارجو منكم ان تساعدوني في
الوصول الى غايتي ولكم جزيل الشكر

بريدي الاكتروني للتواصل
[ندعوك للتسجيل في المنتدى أو التعريف بنفسك لمعاينة هذا الرابط]

اي يا ريت لانو انا اليوم اتصلت بي مدير DAAD وقال لي لا لا عادي ممكن تمشي من هنا بدون اي لغه قالي نحنا بنودي طلاب سنويا بدون اي
شهادات لغه وهم بيتعلمو اللغه هناك اجباري واكد لي على الكلام ده اكتر من مره فا اسي انا محتار عدييييييييييييييييييييييييييل كدا
وكمان المحيرني اكتر المواقع بتاعت المعهاهد الي اداني ليها والمواقع ذاكرين كلامو بالتحديد

لاكين زولك ده بالغ مع مرتو عديل ههههههههههههههه غايتو ربنا يسهل على الجميع

و بالمناسبه اداني موقع معهد عالمي بيدرس لغة المانيه موجود في مدن كتيره من ضمنها ابوظبي و الخرطوم اسمو Goethe

وده الرابط بتاعو بيوضح ليك الكورسات واسعارها مع السكن وبدون السكن في المانيا وموجود في كل ولايات المانيا من ضمنهم ولايه بون


[ندعوك للتسجيل في المنتدى أو التعريف بنفسك لمعاينة هذا الرابط]

على العموم انا في الحالتين بحاول لانو انا ما خسران حاجه لو حاولته حسجل في معهد وبجيب منو ورقه الموافقه وبشوف لو حيدوني الفيزا ولا لا
اذا ما ادوني الفيزا طوالي بسجل في معهد اللغه الي في ابوظبي وحسجل في برنامج مكثف عشان اختصر الوقت يعني بدل ما اقدر لغه 6 شهور
ممكن اقرا في شهرين وامتحن ومن هنا بيكون ماعندي اي مشكله وماعندي اوراق ناقصه والتسجيل اون لاين عن طريق الموقع بتاع معهد
غوته وبعد ما احاول بمكلمك بالحاصل

استاذ بشرى انت حاليا مقيم في المانيا ولا بريطانا ؟؟؟؟؟