عندما فرحت بعودة أحمد عبدالعزيز القاضى وكتبت شعراً

عندما وصلت بيرمنجهام فى سفرى الاخير وشرعت يوم الاثنين والثلاثاء فى الاجراءات المعقدة فى المكاتب والسكن وتسجيل المدارس ومعظمها متباعد من بعض وبعض الاجراءات لم تتيسر حسب خطتى وحضرت وأنا فى اليوم الثالث وفى قمة الدبرسة فقلت أذهب لكى أصلى مع جماعة صومالين على مقربة من سكنى وبالمرة أدخل فى الانترنت فى الموقع التجارى الملحق مع المسجد عسى ولعل أجد أخبار سارة فى منتدى السقاى وبالفعل وجدت أن الاخ أحمدعبدالعزيز القاضى قد عاد وبشدة وبدأ يعلق ومن ضمن تعليقاتة أنه قال أها رجعت أكان بشرى وياسر يرتاحو جننونى جن !!!!! وفى تعليق أخر ذكر أنو ما عندو حاجة (بخاف منها ) وقد خلط أخى أحمد بين من يظهرون بالمستعار والغائبون وهو من الغائبين لذلك لايشمله هذا التعبير لذلك كتبت له قصيدة وموضوع فى شكل سجع وأسمحوا لى أن أتناول القصيدة والموضوع فى هذا البوست حتى أربط الامر بعضه ببعض .
عاد الاديب المنتظر ... فاض منتدانا وأنهمر ... أقراهو يالراكب همر ... أقراهو فى نهار أو قمر...أقراهو فى عز السحر ..أقراهو فى بر فى بحر... أقراهو فى (النيم ) أو شجر ... أقراهو بيهو المفتخر ... أقراهو والقاضى الظهر ... معاهو نكتب فى سفر .
وصراحة فرحت وعادنى مايشبة السعادة أو بالاحرى السعادة نفسها حتى أننى كنت أتحسس جوارى هل أنا فى الدوحة أو فى السقاى أو فى غابة ودبلتنا وأستغليت هذه الفرحة وذهبت البيت وكان مزاج الكتابة الشعرية (أنبيرو ضارب فوق!!!!) وكتبتب هذه القصيدة وإن شاء الله تعجبكم (وما تكون ضاربة الجبل ) فإلى القصيدة :
نحنا ما قلنا بتخاف.... ومابنقول لى زول مأصّل
وكم كتبنا من الشعر...... وكتبنا بالالوان مشكّل
منانا ترجع ليها دارك....... كيف تخلينا وترحل
وكلنا حانسوق معاك إن شاءالله قول السايقة توصل
ونحنا من قصصك وشعرك منتدانا صبح مدنكل
والله بيهو يمين نفاخر نهديهو لى ناس مدنى شنكل
فى الحقيبة و الرياضة لو عليك موضوع هو أشكل
تلقى فى السقاى جدوال....... والمطابخ بالمفلفل
يا نوال أديهو وصفة ...وهى جاهزة تعال تفضّل
وضيفنا فهمى من الرياض ونحنا من الضيف بنسأل
إنت ربّ البيت عديل فى (نيمة أو سقاى ) مُبجّل
إنت رب البيت عديل فى (نيمة أو سقاى ) مُبجّل

عدد المساهمات : 739 تاريخ التسجيل : 07/03/2009

ود المبارك كيف حالك وسعيد جدا بماكتبته وماتكتبه دائما بس اتحسست شوية من همز ود اعمى ابوعمار ومنك كتابتك عن المستعار وزعلك منى اذا كنت داخل بالمستعار المهم فى الموضوع عدنا والعود احمد وتاكد ياجنابوا كنت جد مشغول وانا مابحب عدم المتابعة لذا قلت ننهى الفى يدنا عشان ندى المنتدى وقته واكثر حاجة سارعت فى العودة مشاغلة ابو عمار وسؤالك الدائم نتمنى انو ماتجى حاجة تخلينا نغيب زى الفترة الماضية وربنا يوفقك فى ايجاد ماتصبو اليه فى بيرمنجهام وترتاح من المساسقة بالمناسبة احب الالمان انا اكثر من الانجليز والافيد الدراسة فى بريطانيا ولك التحية وان كنت حبة كدى زعلان لك العتبى حتى الرضى

العزيز جدا بشرى ود عمتنا الجودلية
وفيت وكفيت ويا ريت لو شفتى لينا ابيات للأخ العزيز ابو كارم حتى يتدفى بها من برد السويد ويمطرنا بمشاركاته كما مطرنا ود القاضي بابداعاته.

» نبارك للأخ أحمد عبدالعزيز القاضى الزواج ووصول زوجته شهرزاد صلاح أحمد عبدالرحمن
» ياود القاضى أحمد عبدالعزيز لى متين ده الغياب حايكون وحايمتد؟؟!!؟؟
» ماذا قالوا فى المنتديات الاخرى رداً على تعليقى لانقبل العزاء فى الهلال ؟؟؟
» أولاً نرحب بالاخ أحمد عبدالعزيز على بابكر ود عايدة أحمد حسن
» غدا الاربعاء 12-10-2009 سيتم اغلاق المنتدى