مسدار ورد من بشرى مبارك

جمهور الرياضة الليلة دوبو انفشه
بسطو الازرق الى المالى ما بنغشه
بعد مدثر احرز قون ودبلو بشه
قول لى بشرى يادوبنا النقوم نتعشه

وردى هو على المسدار وقبل الرد لو المقصود بشرى شخصى الضعيف شكراً لك ولاشك إن ردى جاهز فقلت :

وقول لى عمر عثمان يا دووب ارجى ساعة الكشه
نخم ليوبار سريع .....خم التراب الرماد بى مقشّه
بعد ما ظيّر حمامكم ...... والحضرى جابلو منشّه
هلال فى أفريقيا قمّه..ديل أخوان محاس أمانى وعشه

رداً على تصريحات جوزيف الكمرونى مدرب ليوبارد الكنغولى ومسدار :

يا جوزيف حاتبكى زى ما بكا أموكاشى
وتبقى حديث وقصه يرويها غاشى وماشى
هلالنا هلالنا عنيد صواريخو قول هى أباتشى
ما تصرّح كتييير ....... بنجييك وبكرب قاشى
ومعاى كل الفصيلة ....وحاتشوف قصييد وحواشى

رداً على مسدار الاخ أحمد حسب الرسول المييت زى وصيفو المتعادل مع أهلى شندى والمغادر بالكمبله من بطولة الكبار الافريقية وأقول له عن الهلال :

هلال ما بنقلع ... وعرقو وصل النّز
هلال ما بنقدر ... جزّ الوصيف كم جزّ
هلال.. .... هلال ما بندفر ولا بعرف اللزّ
هلال ... هلال لمن يقوم منو (ليوبار ) قام فزّ
بالخمسات كلامو شوف كييف الرجال هزو وراجيين هزّ

» مسدار لكمبيوتر بشرى مبارك المعطل
» مسدار حكومة الدفعة 46 من بشرى مبارك
» مسدار للدعيع وأخوانة أبطال أهلى شندى نمور دار جعل من بشرى مبارك إدريس
» مسدار للهلال أمام الجيش النيجرى اليوم من بشرى مبارك إدريس (برمنجهام بريطانيا )
» مسدار (شاحد المولى الكريم السودانى يبقى هميم من بشرى مبارك )