راجل اخر زمن

يحكى ان رجل قليل التعليم (فاقد تربيوي) ومفلس ومن أسرة فقيرة تزوج بنت من بنات المنطقة (مرطبا) لكن (ما شديدة) واخواتها حلوات ومتزوجات من رجال مبسوطين وعندهم قروش (عدايل العريس التعبان) وكان ابو البنات باني عمارة خاصة للبنات كل وحدة منهن شقة، وكان هنالك اتفق بين ازواج البنات فيما يخص مقاضي واحتياجات العمارة وكان يتكفل كل واحد منهم باحتياجات معينة منهم من يجب اللحمة ومنهم من يجب الفواكه ومنهم من يجب النواشف طبعاً الحاجات دي كلها بالبوكس ما حاجات بسيطة، وتقديراً لظروف عريس الحيرة الذي فكا بورت الأخت الكبيرة تم تكليفه بابسط شي وهو جلب السلطة الخضراء بس، وصاحبك السلطة البسيطة دي جهة ليهم مرة ناقصة بصل اخضر ومرة ما فيها ليمون ومرة ما في جرجير ولمن الجماعة تعبوا منو وخافوا على سلطتهم من الجهجه قالوا ليه خليك من جيب السلطة انت بس جيب لينا الجرائد اليومية عشان انت مثقف ومطلع، صاحبك امبسط شديد وقال ليهم دي هينة وبقي كل يوم اجيب الجرائد للبيت، وكل ما يجي ماشي في الحلة شفع الحلة يكوركو بتاع الجرائد جا بتاع الجرائد جا!!!!!!!!!!!!!!!
طبعاً مع التطور ودخول عصر العولمة بقي العريس يطلع المعلومات من الانترنت وخلى جيب الجرائد والجماعة بجيبو ليه الآكل جاهز.
اريتا بي عرستكم أمين.

ياود الطيب الجماعة ديل مابقروا المنتديات نقدم ليهم طلبات والواحد ممكن يجيب ليهم من النت كل المنتديات وأول منتدى نقدمة لهم منتدى أبناء السقاى وأكيد حايقولو نحنا عايزين الثلاثة الاوائل وماعارف بتدخل ام لا ؟؟؟

عدد المساهمات : 308 تاريخ التسجيل : 05/02/2009

ابن عمي العزيز ود الطيب
اريتا عرست السجم دا عريس ولا بدل فاقد وما اظن راجل يتصف بي الرجولة بيقبل الكلام دا

حتي لو كان امي وجاهل وفقيييييييييير لابعد الحدود

وزي ما قالو تعيش كثير تشوف اكثر

وربنا يبعدنا من زواج المصالح ويرزقنا بي الزوجة الصالحة
** حلوة قصة الجرائد في النت

عدد المساهمات : 126 تاريخ التسجيل : 18/02/2009

يا ابو اليا الغريبة انو قاقد تربوي والناس بيقولوا ليهو جيب الجرايد عشان انت مثقف والاغرب انو فاقد تربوي وانو مواكب للعولمة وتطلبات العصر من حاسوب وانترنت وغيره من الوسائل الحديثة
(لكن في الباقي لي كدي انو القصة دي فتلتها هسع دي من نص راسك) بس حلوووة يا ابو اليا وتستاهل Laughing

الأخوان بشرى ومزمل وابو بكر
لكم التحية على المرور
ويا ابو مقدام ولا اقولك ابو عزام هذه نكته حكيت لي قبل 10سنوات في حلة حمد ببحري وحات الله ما نجرتها، والثقافة ما عندها علاقة بالفاقد التربوي، مثلاً ابوي الطيب الحاج لم يدخل مدرسة في حياته وهو راجل مثقف وسياسي ضليع وخير من يتحدث في المنابر السياسية وملم بكل دهاليز السياسة ويقراء يومياً جميع الجرائد السياسية (بس ما جرائد الراجل حقنا) فقد قدم في احدى الاحتفالات السياسية للحزب الاتحادي الدمقراطي الدكتور/ عبد الله الطيب بمقدمة نالت اعجاب الدكتور وزاد تعجبه عندما عرف ان مقدمه لم يتلقى تعليم جامعي (سليطين) وصدق من سماه بهذا الاسم.
بعدين كثرة القعدة بتعلم أي حاجة وكويس انه اتعلم دخول العولمة ما جابها ليهم ضقلها يلوي زي ما يقولوا

عدد المساهمات : 126 تاريخ التسجيل : 18/02/2009

الاخ الحبيب ابو عمار لك التحية والتقدير 0 اعلم اخي لم اكتب التعليق علي موضوعك بهذه الكيفية الا لاني حاولت التغير في الاسلوب النمطي في الردود والتعليقات 0 ويا اخي والله اني اعلم اكثر من غيري بان هناك فرق بين المثقفين( والمثقفاتية) فالمثقفاتية هم انصاف المتعلمين الذين تراهم يهرفون بما لايعرفون 0اما الفرق بين الاداري والقائد فهو ان الادارة يمكن تعلمها بالدراسة والدليل وجود كليات الادارة 0اما القيادة فهي موهبة يهبها الله سبحانه وتعالي الي بعض الناس فتصير لديهم كارزما خاصة بهم وهم قليل ومثال لذلك عمنا الطيب الحاج متعه الله بالصحة والعافية وكذلك والدنا الطيب حامد فهو لم ينال قسط من التعليم مثل اخوانه الا انه تميز بوجود كارزما القيادة في شخصيته0 عموما اخي الحبيب فاني قصدت الدعابة لاغير

» أماااانة ما وقع راجل !
» عمنا الطاهر ابو القاسم راجل كريم جدا