دعوه نادى الشرطة للمشاركين فى منتدى السقاى والسروراب

قررت بإذن الله أن أقوم بعمل دعوه عشاء للمشاركين النشطين بمنتدى السقاى ومنتدى السروراب(غرب) وعلى العموم وبما أن المشاركين بإنتظام فى منتدى السقاى لايتجاوز عددهم 3الى 5 سوف تكون الاعداد من السروراب غرب أكبر ربما وصلت 15 الى 20 وربما زاد العدد والعدد مفتوح ولم يتم التفاكر بعد فى التصوّر النهائى حتى الان .مصعب الزبير عبدالغفار عبالملك ودحدوح محمد أحمد أحمد بابكر من الذين حجزوا مواقعهم آها يا دحدوح أمش فى النادى سويها لى يا خالو بشرى أحكى لينا قصه اللحم وقصه الدخاخيين نامن نمرق نحنا وضيوفنا جعانيين !!! الدعوة سوف تكون إن شاء الله فى يوليو عند حضورى بإذن الله فى الاجازة .

عبرت كتير وخططت المثير عنو داك اليوم
وإن شاء الله نعيش نشوف فيهو كل كل القوم
والله من الفرح ومن شوفه بخارى يطير على النوم
ومرات أخطط وأقول يكون مديح طرب بتلابنا ما بالكوم
أولاد زين العابدين الشريف عبدالله عزيز مامون يجونا عموم

ونترحم بهذه المناسبة على روح الحاج زين العابدين عبدالله حاج البدرى وعلى جميع موتانا وموتى المسلمين أغفر لهم وأرحمهم ونصلى ونسلم على الحبيب المصطفى والذى مدحه الحاج زين العابدين وكتب المديح أجداده من لدن جاح البدرى .

تسلم الخال بشري علي هذه الدعوة ومن الليلة حا اقلل من الاكل عشان اكون جاهز

لكن بى لبساتك الخطيرة دى مابتجهجهنا وتجهجه ناس السروراب ذاتم !! وعشان كدى لازم تعمل تنسيق من الثنائى بتاعك ودبلتنا ومصعب مسئولية حتى تظهروا بالنظر المطلوب !!طبعاً أخوكم مصعب ما قصر ومتجدع فى منتدى السروراب وعندو شعبية كبيرة بحكم خالته وأخته إشراقة وتحياتى لكم ونحنا فى إنتظار ذلك اليوم .
تخريمة :قول لى أبوك وعبدالعظيم الهادى والتازى ومجدى وصالح وعبدالحفيظ وعبدالرحمن البتل وعبدالمحسن أنتو بنخليكم لى رحلات الكنجر والنية النادى ده (ناس قريعتى راحت مابدخلو وزولا ما دخل منتدى السقاى ما ظنو دخلو !!!) وهناك إستثاء لعماد محمد إدريس بحكم زميله وصديقة النشط فى المنتدين الدكتور عبدالجليل قسم السيد فطلب منى إستثناء الاخ عماد فوافقت .
عبدالعظيم قدر ما كلمتو ليدخل أحمد المصطفى قال لى والله دخل طب !! وضحك !! أحمد عبدالحفيظ مستهبل وكثير الزوغان ويخلف الميعاد وأنا لا أحب عدم الالتزام لذلك أستبعدته وأيضاً أبناء الاخ عبدالمتعال الشيخ يوعدوا أكثر من مره بالمشاركة والمواضيع ويبدو أنهم مشغولين بمنتديات أهم من السقاى وتجذبهم أكثر وعلى العموم الباب مفتوح ومن يشترك من الان ب30 موضوع كاربات وليس سطور أو منقول ربما دخل الكشف .(لاتكشف هذا الامر لزول أخى دحدوح حتى يطالعة بنفسه ولك شكرى ) .

طبعا لازم الشباب يظهرو بي مظهر تمام خاصة انو البدل جايا من انجلترا ومن برجنهام بالتحديد ولا شنويا خال............

البدل للناس الكبار من سن 45 سنه ولى فوق أما الشباب فمثل فنايلكم دى (فى السلك ) وحايقولوا والله ماشاء الله أولاد (السقاى البتلاب شرط عديييييل ) وأنا متأكد مابتشرطو عينا ولك ودى لكن عمك بشرى لانو فوق ال50 حايلبس البدله الكامله .
تخريمة : دحدوح ولايهملك إنت ومصعب وعبد الغفار علىّ بدله العرس وأنتو عليكم قشرة النادى وربما مرقتو بى عروس مين عارف !!!

» دعوه النادى (نادى الشرطة ) برى
» الاوبة الى منتدى السقاى
» مسادير رياضية هلالية مريخية عماد المتمة منتدى دار جعل وبشرى مبارك منتدى السقاى
» منتدى السقاى ياهو منتدى السقاى ياهو
» حكومة منتدى السقاى