الحوار الغلب شيخو

رسالة
بشرى مبارك

شاركت: 21 اكتوبر 2008
نشرات: 451

ارسل: الخميس يناير 29, 2009 3:44 pm موضوع الرسالة: الحوار الغلب شيخو

--------------------------------------------------------------------------------

شخصى الضعيف ( جعلى جموعى منصورابى ) جدى منصور علية الرحمة كان يزرع فى أرضة بالجموعية (اُقيم فيها الان المطار الجديد وأهلنا الجموعية قايمين وقاعدين مع الحكومة فى التعويض والحكومة مشغولة مع (اوكامبو ) الله يصرفوا دنيا وآخرة عطل مصالحنا . نرجع لموضوعنا أخوكم ألتقى فى مطار الخرطوم بزميلة العمل (بمؤسسة الاسواق الحرة ) خالدة فرح أبوسنينة (رباطابية ) من جزيرة أرتل ومقيمة بامدرمان وخالها الذى طلبت يدها منه هو المك على أبوسنية وكان وقتها المدير التجارى لمؤسسة الاسواق الحرة ونائب المدير العام خريج اقتصاد جامعة الخرطوم 1975 وحاصل على ماجستير محاسبة من لندن وكان علية رحمة الله من أميز مديرى هذة المؤسسة(توفى فى العام1995) وقد تركت وفاتة أثراً واضحاً على الزوجة خالدة فرح نعانى منه حتى هذة اللحظة وسنظل لانه كان لها (كل شىء) نسأل الله له الرحمه والمغفرة.
الرباطاب معروفين (باللسان) والرد السريع والجاهز والساخر ولذلك تجدنى مع المدام فى منافسة حرة وقد ذكرت لكم أن أهلنا السروراب برضو ماساهلين وأعطيتكم نموذج فى بوست (حدث رياضى طريف) لذلك أصبحت (مابتصاقع) فى الرد النارى والساخر حتى أن الزوجة خالدة تقول لى (والحالة مارباطابى؟؟؟؟؟) فأقول لها زوجتى رباطابية فترد (والله انت الحوار الغلب شيخو)
وللامانة أصبحت فعلاً خطير ولكن فى نطاق البيت فقط لاننى خارج المنزل معروف بالرد الظريف والغير جارح حتى أننى أتحاشى أن أحرج شخص بكلمة وتجدنى أختار الكلمات بعناية ولاأذكر أن جرحت شخص بكلمة وان حدث ذلك فى لحظة غضب أسارع بالاعتزار وتطيب الخاطر . أتمنى أن أكون قد عكست جزء من شخصيتى ويمكنكم أن تتأكدوا من الشخصيات الى يرد ذكرها من اهلنا بالسقاى فى بحرى أو شمبات وأرجو من الاستاذ حسن الامين عبد القادر أن يتأكد لكم من ذلك ورغم أننى لاأعرفة الا من خلال هذا الموقع لكنه أفاد أنه يعرف الكثير من أهلى وكنت أتمنى لو عرفته عن قرب ومن زمان على العموم أعتقد أننى قد اوضحت لكم عن شخصيتى الكثير أليس كذلك ؟ أتمنى ذلك .

الرجوع الى المقدمة

عبدالعال جبريل الخضر

شاركت: 01 اكتوبر 2008
نشرات: 117

ارسل: الجمعة يناير 30, 2009 3:31 pm موضوع الرسالة:

--------------------------------------------------------------------------------

برضك مرات كدى بتكون رباطابى خارج المنزل هاهاهاهاهاهاهاهاهاهاهاهاهاهاهاهاهاها

الرجوع الى المقدمة

حسين عبدالوهاب عبدالكريم

شاركت: 07 ديسمبر 2006
نشرات: 215

ارسل: الاحد فبراير 01, 2009 8:13 am موضوع الرسالة:

--------------------------------------------------------------------------------

ود السقاي.....
ياخي الجموعية ديل اهل الركاب والخيل....
وهم برضو اهلي.... واساتذة تعلمنا منهم نظم الشعر وشفافية الروح.....
من شيوخنا اهل الطريقة السمانية... التي قطفنا من ازاهير رياضها وشربنا منشرب كاسها
ورشفنا من رشفات مدامها... .......

ابقاك الله وادام عليك الصحة والعافية وظلل حياتك وزوجتك بكل سعادة وهناء

الرجوع الى المقدمة

خضر سعيد

شاركت: 28 سبتمبر 2008
نشرات: 434

ارسل: الاحد فبراير 01, 2009 11:19 am موضوع الرسالة:

--------------------------------------------------------------------------------

تسلم يابشري ... ياراجل ياظريف
غايتو مسكتك للمكرفون ... وكتاباتك
ورحلتك للسودان بالعربيه (الماتميته لينه)
وونستك تدل على انك رباطابي كارب ( بالزواج)عفارم عليها
جعلي عرفناه ..جموعي ...عرفناه ...منصوري ده جديدي
المهم تواجدك الدائم يعكس روحك الطيبه وبالمحبه نتواصل

الرجوع الى المقدمة

بشرى مبارك

شاركت: 21 اكتوبر 2008
نشرات: 451

ارسل: الاحد فبراير 01, 2009 12:52 pm موضوع الرسالة:

--------------------------------------------------------------------------------

الرايع خضر سعيد لك الشكر (منصورى) بيت من بيوت الجموعية وليس (قبيلة) داخل قبيلة وقصدت أصل لى (جدى ) منصور وتعويضات المطار الجديد وأكان ناس الحكومة ديل قالوا (سيك ميك ) والله د. على الحاج بقابلوا أظن فى اليوم مرتين أو ثلاثة ولاهاى تبعد مننا 300كيلو فقط .

الرجوع الى المقدمة

بشرى مبارك

شاركت: 21 اكتوبر 2008
نشرات: 451

ارسل: الاحد فبراير 01, 2009 1:18 pm موضوع الرسالة:

--------------------------------------------------------------------------------

الظريف حسين عبد الوهاب عبدالكريم أشكرك على التعليق على كتاباتى فى أكثر من بوست وصراحة وجدت نفسى مع أهلى وأخوانى فى منتدى النيمة أتمنى أن اكون عند حسن ظنكم وأن لا أتأخر فى الكتابة عندما تنتهى الاجازة .

الرجوع الى المقدمة

خضر سعيد

شاركت: 28 سبتمبر 2008
نشرات: 434

ارسل: الاحد فبراير 01, 2009 1:30 pm موضوع الرسالة:

--------------------------------------------------------------------------------

بشري ... مسؤول من الخير انته اجازتك دي قدر شنو
الشي من عيد الضحيي انته مأجز ... مالك ...
اسمع ... زمان كنا لمن نسافر للبلد الاهل يسالوك
نعل اجازتك مو قصيري ... واحد اخونا الله يطراه بالخير
قال بعد الشهر الاول بقه يقولولو نعل ماقربته تسافر
وفي الشهر التاني انت مسافر متين
وفي الشهر التالت سمعن يقوله انته ود ابراهيم ده يكون
رفده ... وفيهم القال رفده عديل ... المهم اجازه سعيده

وبالمحبه نتواصل

الرجوع الى المقدمة

بشرى مبارك

شاركت: 21 اكتوبر 2008
نشرات: 451

ارسل: الثلاثاء فبراير 03, 2009 12:36 pm موضوع الرسالة:

--------------------------------------------------------------------------------

الرايع خضر سعيد الله يخدر ضراعك والله الاجازة عندنا فى المانيا اكان شغال ام عاطل المعادلة واحدة وانا كنت شغال (عمل خاص) منذ 2005) ولقيت الحكاية فى محلها ولم أغادر محطة (قنب) لذلك قررت أن أغير نوع العمل وأهو كل أسبوع وأنا مع شركة والقاها ما مخارجة وربما طالت الاجازة ومااديتك فرصة (فى اى توالى) لكن بتنازل ليك من توالى شيخ الترابى أكان مرق من بورسودان طيب إلى اللقاء

الرجوع الى المقدمة

جنابو ود ادريس
عندما استعرض لك أي موضوع تجدني مفتح عني ومربع أدي وصام خشمي وكاتم نفسي والأضنين ذي أضنين الأرنب يتحركو يمين شمال وهذا كله حتى لا تفوت علي كلمة من كلماتك لأنو كل كلمة لها مدلول ومغزى عميق، وهذا ان دل انما يدل على سعة افقك وروعت سردك ومعلوماتك التاريخية الدقيقة التي تعطي فيها كل واحد في سردك للموضوع حقه بالكامل، وحقيقة بقيت اخاف من الاطلاع على مواضيعك لأنها بتحتاج الى واحد حساس جداً يقوس في اعماق كلماتك ومعانيك، وتشكر الرباطبية (ام العيال) على التواضع الذي ابدته لك حينما قالت (الحوار القلب شيخه) وانت الشيخ وانت الساس وانت الراس، وصدقة الوالدة حين انشدت فيك هذه الابيات :الأيام الحلوة قضاها معاية ولي أخواتو عندو عناية حقق لي كــــل منــايـه عافيه منو سيــد الرايه.
واتمنى ان تقبلني حوار في زريبتك العامرة بكل ابداعاتك واشراقاتك.

والله ياود الطيب الحاج أنا ماعارف أقول ليك شنو وأنا أشارك فى المنتديات من العام 2007 م وعندى أكثر من 1500 موضوع (من الشعر والنثر والخواطر والقصص الواقيعة المسلسلة عن حياتنا فى المانيا ورحلتى براً من المانيا حتى وادى حلفا ) وكل هذة الاعمال سوف تنزل فى محطتها الاصلية (منتدى أبناء السقاى ) ناس المنتديات التانية ما يقرو الكلام ده وعلى العموم أنا أسعد الناس بطلتك البهية وتعليقاتك والتى تجعلنى (اسد خدمة قدام منتدى السقاى فلك من الشكر أجزلة والحديث أطولة والشوق لك أوصله)

» الحوار الغلب شيخو الدكتور عبدالجليل يرحب ببشرى مبارك
» الحوار يسأل عن شيخو ؟؟؟؟؟؟؟؟؟ نقلا عن منتدى السروراب
» بدء الحوار مع قطاع الشمال و«عرمان» كبير مفاوضي الحركة
» ندوة تجديد الخطاب الاسلامى فى الغرب من أجل تعزيز الحوار والعيش المشترك