أتفضلوا قراصة بى عسل نسيبكم الالمانى !!!!!!!!

بالامس جهزت عجين القراصة من الليل بعد الجولة الاخيرة على المنتديات وكان مزاجى فى الفطور (كان صبحنا حيين) حرفين قراصة الاول بى تقلية ليها كم يوم كل مره آكل منها (جزو جزو) الحرف التانى بى عسل نحل من نسيبنا محمود الالمانى أهداهو لنا عند زيارتنا الاخيرة له وبلامس أتصلت على نهى عبدالله عبدالقادر فى هامبورج (ضواحيها ) لكى أسلم عليهم وأوضح لها أن تلفوننا أتغيير وأديها رقم موبايل خالدة وبالفعل ذكرت لى أنها حاولت ووجدت التلفون مقطوع وطمأتنتى على أحوالها وأسرتها الكريمة وأهلها فى السقاى والان الحمد لله أكلت (حرف التقلية ) وقلت أهضم شوية بى موضوعين تلاته وأعزم معاى البشوفو ولكن أظن فى السقاى الليلة إجازة !!! أها يا ودالطيب الحاج ما تجى معاى والله العجين باقى فيهو كم حرف !!وأقسم بالله عندى عصير (قنقوليس) مسحون جابو لى أخونا أبوبكر من السودان فى رمضان كم كيس جاهز عشان تتذكر تلك الايام الرايعة وتشوف بيرمنجهام وتصلى الجمعة فى مسجد الامانة والخطبة من الرايع محمد الحبر يوسف نورالدايم والدعوة للاخ عبدالرحمن قرمة ويحى المك والناظر والخير الشيخ وكل الاهل (الخفاف فى كل مكان )القراصة راقدة والتقلية والعسل على قفا ماتشيل وإذا جيتو ما بشيل هم بخلى العسل يأكل العسل يا أنتو يا حلوين ياعسل آها يا هيثم بعد الفطور ده عايزين لينا قصيدة كاربة وإنت يا سامى أدينا كم فاصل ونحسبة ليك حفله وداع !!! بس حاسب معانا حمد ود أبوالقاسم (شايل حالنا بالغنا الهابط والمريخ الماظابط !!) أوعك تغنى لينا غنا (هشك بشك!!! زى بتاع سنتر الخرطوم وكدة !!!!!) وكمان ناس السروراب يجيبو ولدنا أديب بخيت الامام عشان أشوف أبوهو يانى البعرفو والله مشبو ساكت !!! (أنتو الامام بخيت ده مشلخ ) على حسب رواية إبن أختى مصعب الزبير خوجلى عندما قررت زيارتهم فى أبوظبى وكان صغير ما بعرفنى وتشابهت علية شلوخ جدو المبارك (السلم ) وأعتقد أنو ولدو بشرى أو خالو بشرى مشلخ !! لكن ما ياهو الامام بخيت صاحب عثمان الهادى الكان معاهو فى صلاح الاشارة فى السبعينات والتمانينات من القرن المنصرم ؟؟ الاخ عبدالرحمن قرمة أو السرورابى أو الكباشى أو الناظر أو بخارى المشغول بالخطوبة أرجو التصحيح ولم ودى يا صاح إنتو .