رحله بين طيات السحاب !!!!!! وحدنا ومين زينا !!هلال الهنا

للامانة وللتأريخ كانت مباراة الرد للهلال مع مازيمبى خارج دائرة إهتماماتى والسبب العرض الهزيل والهزيمة من العيار الثقيل التى منى بها الهلال (5.2 !!!) والسبب الثانى أننى كنت أتواجد فى بون والتى أعلم أن أهلها غير مهتمين بأمر الكورة وكانت الاأية آر تى عندى وأنتهى العقد أو الكرت ولم أجددة لسفرى الى بيرمنجهام . وعندما وصلت بون كنت طوال الاسبوع مشغول بالمكاتب الحكومية والهجرة وموضوع أجراءات الزوجة والابناء . وفى السبت والاحد كانت هناك زيارات لمرضى بالمستشفيات منهم من قدم من السودان قبل فترة (الاخ عمر كمبال شفاة الله ) والاخ محمد عبدالرحمن(عمدة بون السودانى وقد قدم الى بون فى العام 1963م) وكان أيضاً عقد قران آلاء عادل الصوفى على الطالب الجامعى حذيفة فى مسجد المهاجرين بون وكانت مناسبة طيبة قابلت فيها كل أوجل الاخوان السودانيين فى بون وما حولها لذلك كان الاهتمام بالمباراة ضعيف جداً ولكن كنت أتطلع للتعادل حتى نكون أحسن من الوصيف الذى أنهزم من الصفاقصى رايح ماشى والاربعة والخمسة بنات أعم !!!!.
حاولت أن أتابع وكنت خارج المنزل وعلمت أن الهلال متقدم فى الشوط الاول 2,صفر وهنا يادوب رجعت ورجع كل (سودانى عندو وطنية ) لحساب المباراة الاولى والذى كان لصالح مازيمبى وعلمت أن المباراة أنتهت بفوز الهلال 2.صفر وعدت للمنزل وتابعت الاخبار السودانية وبتركيز وإنتظار وكنت وقتها قرأت تعليق الاخ حسن محجوب الذى أكيد قد تابع المباراة وذكر أن الهلال أضاع مهرجان أهداف . وبالفعل شاهدت اللقطات والاهداف (الهدفين ) والتى بذل فيها كاريكا مجهوداً جباراً ليحرز سادومبا هدفين وتضيع مثلها من علاء الدين يوسف وكاريكا نفسة وأقسم بالله فرصة علاء الدين يوسف وكاريكا لو وجدها عماد خيرالله أو وهبى أو عبدالوهاب ميرغنى أو عبدالقادر الخضر أو عبدالعظيم عباس أو عبدالرحمن (قرمة ) أو عبدالعظيم حقار لكان الهلال يحتفل الآن بوصوله المباراه النهائية بالفوز 4.صفر ويدخل موسوعة (جيينيز العالمية ولكن!!!!) ولكن الموهبة قسمة ونصيب وحُرم منها علاء الدين يوسف وأستعاض عنها الحماس والرجوله والقوة فى الاداء وهى أشياء مطلوبة ولكن درهم موهبة ولاقنطار قوة !!!!. على العموم قدّر الله لجماهير الهلال أن تتجرع الحسرة مرتين الاولى بسبب الهزيمة وفى المقبرة وبعدد وافر من الاهداف والثانية مباراة الرد وبفرص كافية وضايعة كانت سوف تجعل الهلال أشهر فريق فى العالم !! وسيظل يتذكرة جمهور لوممباشى لمدة 30 سنة لى قدام !!! وحتى يتوقف أشرف الذى شرفنا بالحضور وطلق لنا الغالى والبخور أقدم هذه القصيدة هدية لصغيرنا وكبير الهلالاب حسن محجوب حسن سانكية والذى يذود عن معشوقة الهلال بطريقة تجعلنى لا أتردد فى تقديم هذه القصيدة وقصائد أخرى أرها تلوح فى الدورى الممتاز وكأس السودان . تخريمة للاخ أشرف أرجو أن تعطينا مصادر قصائد المريخ لاننا سوف نمنع القصائد العابرة للقارات مثل قصائد د. عمر محمود خالد ونريد القصيدة من المريخاب الفى المنتدى وأنا متأكد أنو هيثم لونو لون أبوهو لكن قول ليهو مرحب بيك وبى الاسرة الكريمة والان الى القصيدة :
فى لقطات سريعة شفت سريع هدفين
والضايعات كتير والحسرة تانىagain
هلالنا العظيم سديتو لينا الدين
ويا كاريكا رايع جرّب هدف قدمين
ويا أخوان معز مبروك مليتو العين
وقولو للوصيف حاتزوغ تقبّل وين ؟؟؟؟؟؟؟؟
والفارق ديمة سته وحايظل ونملا الهين
وفى أخر لقاء تلاتة تلاتة للحلوين
ما أصلو الوصيف ما ظن يسد الدين
ونرجع للتوالى ما أصلو فيها سنين
ولو فى غفله شيلتوهو ... يا زينيين
عشان نعمل توازن ما نبقى مغروريين
ونحطّم للرقم وحايكون فراق البين
ما أصلو الوصيف دايما طباعو ضنين
أحجزوا ليهو مقعد ورانا يا سامعين
والوالى الرئيس تلقاهو ديمة أمين
مع الارباب عديلو شمينا كم ياسمين
مع الارباب عديلو شمينا كم ياسمين

قال فرص ضايعة قال يابشرى يادووووب اقتنعت انو ماعندكم كورة ؟
والله لو الاعبين المن السقاى الذكرتهم ديل كانو فى الهلال يمين بالله
كان شلتو كأس افريقيا والقارات المجاورة ليها
وبرضو (ســـــــــــا سا سا سا )

الاخ أشرف أنا مقتنع ده حال الكرة فى السودان وحال لاعبيين الهلال !!!البقنعك إنت وأصحابك المريخاب أنكم ورانا وطيش مجموعات الابطال الافريقية منو ؟؟؟؟؟ والمشكلة أنكم فى الممتاز ورانا وفى كأس السودان حانشوف يوم نتلاقى وأنتو والله التلاتة دى سوف تظل عقبة أمامكم لوقت طويل وأبقو فى هزيمة مازيمبى !!لكن ما بتحلكم والممتاز قربّ والجقلبه بتحصل .

» هلال من دون نكهه
» هلال ياعسل 00هوت وصل
» يا مريخااااااب
» قلوبنا معلقة غدا مع هلال السودان
» [b][i][b]هلال عظيم ...[/b][/i][/b]