بشرى مبارك
عدد المساهمات : 7557
تاريخ التسجيل : 19/02/2009
العمر : 65
الموقع : أقيم فى بيريطانيا مدينة بيرمنجهام
 |  موضوع: رائعة ست البيت كلمات ود الرضى الاداء مبارك حسن بركات  الإثنين 12 مارس - 8:53 | |
| كلمات أغنية ست البيت "
ود الرضي
سِتْ البَيتْ بَرِيدَه بَرَاهَا تَرْتَاحْ رُوحِى كُلْ مَا أَطْرَاهَا
قَالَتْ جَارَتَه مِجَاوْرَاهَا تَجى شَايْلَه وتَجِى مِزَاوْرَاهَا
تَلْحَظْ إِحْتِيَاجْنَا بَرَاهَا ونَشْكُرْ سَعْيَهَا بِوَرَاهَا
مِمَّا رَبَّنَا أَنْشَاهَا مَا بَاتْ بَى غَبينَه حَشَاهَا
حَاشَى الرِّيبَة مَابتَغَشَاهَا مَاقَالُوا لَه بِسْ حَاشَاهَا(1)
ربنا بالجَّمَالْ كَافَاهَا لَمَّنْ قَالْ قَوَامَه كَفَاهَا
المَسْرُورَة مِى تَفَّاهَه يَا حَلاَةْ الكَلاَمْ فِى فَاهَا
أَبَدَاً مَا بَرَى لَه طَريدَه كُلَّ الفِى جَوَارَه برِيدَه
هِىَّ الفِى فُؤَادِى فَرِيدَه كَمَانْ العَلَّمَتْنِى أَرِيدَه
لَيهْ مَا أَشَكِّرَه مِطَاوْعَانِى حَافْظَه مُتْعَتِى وحَافْظَانِى
حَاوْيَه مِنْ الانُوثَه مَعَانِى مَهْمَا أَبْقَى مُرْ بَالْعَانِى
مَا بِتَحْسِبْ عَلَىْ كُلِّيَّه وتَكْرِمْ كُلَّ مَنْسُوبْ لَىَّ
أَشْفَقْ مِنْ جَنَاىَ عَلَىَّ وأَطْوَعْ مِنْ بَنَانِى إِلَىَّ
لَوْ كَانْ يُومْ حَبيبْ وَاصَلْ لِى الكَرَمْ العَرِيضْ يَوْصَلْ لِىَّ
مِنْهَا خِلاَفْ فَقَطْ مِا حَصَلْ لِى غَيرْ لاَخْمَانِى بَى قُومْ صَلِّىَ
مِى شَهَّايَه مِى طَمَّاعَه لَى قُولْ قَالُوا مِى سَمَّاعَه
لَوْ كَانْ يُومْ شَكَيتْ يَاجَمَاعَه بَى عَرْض العِيُونْ دَمَّاعَه
إذَا صَابَحْتَهَا ومَاسَيتَه طَاعْمَه ونَاعْمَه إنْ مَسَّيتَه
مَاقَاسَتْنِى مَاقَاسَيتَه تَشْكُرْ فَضْلِى كُلْ مَا كَسَيتَه
حَشِيمَه سَكُوتَه مِنْ مَيلاَدَه مُو سُكَاتَاً تَنُوبَه بَلاَدَه
نُضَافْ ومَنَظَّمِينْ أَوْلاَدَه دَايْمَاً عِنْدِى حِلْوَه جَلاَدَه
تَتْلاَصَفْ سِرُورْ وَجَنَاتَه الرَّفَّايَه الكُتَارْ حَسَنَاتَه
طَيْبَة عُشْرَة مِى غَالاَتَه مَا سَابْتَ الشَّبَابْ لَبَنَاتَه
مِى العَزَّايَه دَايْمَاً سَادَّه مِى الغَبْشَه المَغَبَّرَه حَادَّه
مِى اللَّهْفَانَه بَى وَرَاءَ المَادَّة أَلْ للْبُوخَه دِيمَه مِوَادَّه
مَا قَالَتْ بِقِيتْ حَبُّوبَه وتَرَكَتْ بُوخَتَه المَحَبُوبَه
لَوْ جَاتَكْ مِنْ رِيَاحَه هَبُوبَه تَحْىِ عِرُوقَكْ المَحَبُوبُه
سِتْ البَيتْ تَزِيلْ الغُّمَه نُورْ البَيتْ بَرَاهَا ضُلْمَه
أحْتَرَمَه وكَمَانْ بَالذُّمَه أحْتَرَمْ العَلَيهَا مَسْمَّى | |
|
