بشرى مبارك
عدد المساهمات : 7557 تاريخ التسجيل : 19/02/2009 العمر : 64 الموقع : أقيم فى بيريطانيا مدينة بيرمنجهام
| موضوع: يا سلاااام يا هانم خالد عبدالرحمن شاى بالمستكة .. نشكرك الثلاثاء 28 نوفمبر - 7:13 | |
| الاحباب الكرام فى اجازتى الاخير بالسودان فى سبتمبر الماضى وبعد العيد باسبوع ذهبت ومعى ابن اختى راضية مبارك محمد السر المهدى عبدالمتعال النقيب بقوات الشعب المسلحة للعزاء فى وفاة الحاجه علويه ارمله جدنا عوض عبدالرحمن صغير عليهم جميعا رحمة الله وعلى جمييع موتانا ذهبنا لمنزل الاسرة بود اورو ولم نجد احد من الاسرة لسفرهم بعد العزاء لمواقع اقامتهم فى امريكا والامارات وغيرها . راينا ان نمر على بيت جدنا بشرى عبدالرحمن صغير نعزى العم عبدالحميد بشرى واسرته ونسلم عليهم وبالفعل سلمنا وعزينا واخدنا وقتنا وقررنا ان نودعهم عائدين ، ولكن اصرت العمه ( ما عايزين نكبره ) هانم خالد عبدالرحمن صغير ان نشرب الشاى وقد جهزته حسب ما افادت فرجعنا ، فأتت به تحمله ولكن ماشاى ، شاى بالمستكة والكبابى مبخره يفتحوها وطوالى يكبوا الشاى والله العظيم اربعين سنة ما ضقت شاى بهذا الطعم يا سلام ، والله كدنا ان نقول كبى ليينا تانى ، اول ما ركبنا العربية محمد علق قال لى والله لكن يا خال هانم الشاى عندها يا اخى شاى يضبط المزاج وفعلاً خطير شاى بالمستكه والله لى زمن ما شربتو ، وشاطرته الرأى ، واليوم اكتب عن الشاى ومازلت ( اتكرف طعمه الرهيب ) وادعو ليها وقلت والله نديها مع الشاى مسدار رباعى : الشاى المبخر بى ايده جابتو هانم شاى مضبوط تمام عديل يصحى النايم لى زمناً طويييل من شاى يضبط التاااايم شكرأ للعزوومة ويا ريتى لو كان صااااايم التحية للاسرة الكريمة ولجمييع الاهل واسأل الله ان تتواصل الزيارات فى الافراح لنشرب وناكل ونقضى مع اهلنا اجمل اللحظات ومن بيرمنجهام سلام .
| |
|