مسادير ومناسبات متجدده من هنا وهناك .

مسادير ومناسبات متجدده من هنا وهناك .
بالامس طلب منى أو بالاحرى أرسل لى الاخ على الشاعر برنامج إحتفال مجموعة حلقة التلاوة بأمانة معاذ ( حلقة الدكتور بسطامى محمد خير ) فى إحدى صالات بيرمنجهام وللأسف حرمتنى ظرووف العمل من المشاركة ولكن تابعت معهم بالهاتف واليوم التفاصيل بالهاتف مع الاخ على الشاعر ، وقد أفادنى أنهم أسسوا لقروب على الواتساب سموهو( دوحة النور والايمان ) وبالفعل شاركت وكتبت لهم هذا المسدار كضربة بداية وقلت :

دووحتكم منوّروه وعامره زايد نوووره
ويا رب يا كرييم تجمعنا نبقى حضووره
عامر خيرها ونشوف غداها فطووووره
وفى رمضان كمان قيامه وبرضو سحوره

تواصلت المسادير عبر قروبات الواتساب( قرووب الدفعة 46 ) بمناسبة زواج إبن الدفعة نصر الدين محمد الحسن وإبن عثمان محجوب وبنت الاخ عبدالواحد جابر وقلت للأبناء وعروساتهم والعروسات وأزواجهن هذا المسدار :

عرسان أبناء الدفعة مبروووك بالرفاء وبنييين
ونبشر معاكم .. معاكم وإن شاء الله فرحانيين
أفرش لى شريكتك لى شريكتك طريقة بى يس
وأختم بالصلاة بالدعاء وخلييها التقول آميييييين

مسدار للأخ الضابط الكارب النمر عوض كرنديس بمناسبة توثيقة الرائع عن فترة عمله فى الشرطة التى بدأت من ( النهود أو ما بين النهود والخوى ) ونحن الآن نطوى الزمن نطى لنعرف ما بعد ( جييب معاك دفتر الاحوال وتعال فى الرئاسة ) وغييب وتعال تلقانا نحنا يانا نحنا !!! والان الى المسدار :

يا الرُحت ..... شايل دفترك
ضابط أسد ...... ما أخطرك
غاليات .... غاليات حروفك وأسطرك
رعاك ربك هو الكريييم .... ما حيرك
يسلم ضُراعو داك أبوك ....هو الخدّرك

مسادير الجمعة فى صفحة قرووب الدفعة 46 على الواتساب :

الجمعة التكون بيينا للدعوات
وللمسجد جوارك أسرع الخطوات
اكرم لى ضييوفك وأرفع الدرجات
وأسأل من ذوييك وأجرك يكون صدقات

والمسدار التانى قلت فيه :

ما ترفع لصوتك وتقلل البركات
خلييك زوول حلييم والعفو فى القدرات
واللوم يا الحبييب .......دايماً مع الغفلات
والشيطان دايماً قريييب ......العنه بالراجمات
بسم الله وإستعاذه ..... ويس يس مع الصحوات

في الحقيقة المنظر والزهور تستحق أكثر من مسدار على العموم دخلت قبل شوية ( ومقدد على فوز المريخ بى سيكافا !! والسبب الاخ الزميل حسين وطنى المريخابى ) على العموم ده موضوع طويل والان موضوعنا ( وسط الزهور متصور ) ومسدارنا كييف متطوّور متطوّوور والى المسدار الخاص بإيمان وريان :

زهوركم جد بديعة وإيمان تزيده نضارة
وريان بالسقاية زادت خضار لى خضارة
أبعدن النفايات يزيدكن جمااال وشطااارة
وحاسبن للطريق من العجله والسيارة
ادعو للكريم الكرييم ناجحات دواام بجدارة

في الحقيقة المنظر والزهور تستحق أكثر من مسدار على العموم دخلت قبل شوية ( ومقدد على فوز المريخ بى سيكافا !! والسبب الاخ الزميل حسين وطنى المريخابى ) على العموم ده موضوع طويل والان موضوعنا ( وسط الزهور متصور ) ومسدارنا كييف متطوّور متطوّوور والى المسدار الخاص بإيمان وريان :

زهوركم جد بديعة وإيمان تزيده نضارة
وريان بالسقاية زادت خضار لى خضارة
أبعدن النفايات يزيدكن جمااال وشطااارة
وحاسبن للطريق من العجله والسيارة
ادعو للكريم الكرييم ناجحات دواام بجدارة

قدم الاخ والدفعة نصرالدين محمد الحسن صاحب فكرة قرووب الدفعة 46 على الواتساب قدم الدعوة للزملاء للعشاء بمنزله بحى الازهرى بالخرطوم فطلب منى الاخ والزميل حافظ الامين كرم الله ( تاكسى نيويورك ) أن أقدم مسدار للأخ الكارب والكريم نصرالدين محمد الحسن فقلت :
نصر الدين ود محمد ود الحسن ود طه
فى أمر المكارم ...عندو خييير وسماحة
فى الواتساب جمعنا ...وادانا فيهو مساحة
يارب يا رب وسع عليهو وزيدو صحة نصاحة
عطاى ما بخييل وأداى للتقيل وعطاهو ماهو لعاعة

نواصل فى المسادير وهذا المسدار للاخ اللواء شرطة الدفعة عمر الامين مدير شرطة المعادن وقد قدمت المسدار بناءا على طلب الاخ حافظ الامين كرم الله وقد قلت فى عمر الامين :

عمر الامين الصافى أصلو معادن
فى خدمو 46 تلقاهو دايما سادن
يا حافظ أخوى بى سطورى بقعد أهادن
ويا فضل الشفيف فى جروفى بدرى بكادن
بحضور عمر الامين يطربنا من غير شادن

مسدار للنقيب رحمة زايد ( رحمة صابون ) معلم الاجيال وقد قام الاخ المقدم شرطة معاش من الدفعة 46 النور محمد النور وهو جاره بزيارته وأخذ له لقطات نشرها الاخ عباس محمد فضل المولى وأنا بدورى أقدم له هذا المسدار وقلت له :

عمّ رحمة زايد نعم المعلم والمربى وقايد
فى الميدان نضييف وحضورو دايماً فايد
بى قلبو الرحيم وصوتو الرخيم ما كنا ليهو نعاند
ليك مليون تحية من كل فريق ونقيب وملازم ورايد
من أرض الترك من بيرمنجهام أدييك سلام يلقاك عافية شدايد

مواصله فى المسادير الداعمة لقضايا الشرطة ومناسباتها أكتب اليوم هذا المسدار كضربة بداية لرفع الروح المعنوية والوقوف مع زميلنا وإبننا الملازم حامد بعد الحكم الذى صدر فى قضية عوضيا عجبنا عليها الرحمة والذى جاء قاسياً وكان الاعدام ( قصاصاً ) ولاشك أ، هناك درجات أخرى للتقاضى هى الاستئناف والمحكمة العليا نتمنى ونعشم فى إنصافها للزميل الملازم شرطة حامد وقد كتبت هذا المسدار وأرجو من الاخوان الطيب بشير ودكتور شنان وغيرهم من أصحاب المسادير من ضباط الشرطة ومن المتعاطفين مع قضيتنا العادله أن يدلو بدلوههم المساديرى وأتمنى أ، يكون الاخ عمر عثمان حلقه وصل بيننا وبين الاخ الملازم حامد ويعكس له كل هذا الاندياح والتعاطف لكى يرفع الروح المعنوية له ولغيره وللذين يقومون بعمل الشرطة اليومى حتى لا يتقاعسوا من أداء واجباتهم المنوط بها قانوناً والان الى المسدار :

يا حامد سلام واقفين معاك رجال
ساندين لى قفاك أقوال مع أفعال
أسأل للكريم ما تخوض براك أوحال
كل ضابط زميل يفديك رووح أو مال

*******************
الشرطة الرسالة ما تقييف جليل أعماله
لو حكمت ظروف واتبدلت اتبدلت أحواله
ما بنسيب زمليينا ونخوض جمييع اوحاله
ما بندس سلاحنا وبنتم النقص بى رجاله

مواصله فى المسادير الداعمة لقضايا الشرطة ومناسباتها أكتب اليوم هذا المسدار كضربة بداية لرفع الروح المعنوية والوقوف مع زميلنا وإبننا الملازم حامد بعد الحكم الذى صدر فى قضية عوضيا عجبنا عليها الرحمة والذى جاء قاسياً وكان الاعدام ( قصاصاً ) ولاشك أ، هناك درجات أخرى للتقاضى هى الاستئناف والمحكمة العليا نتمنى ونعشم فى إنصافها للزميل الملازم شرطة حامد وقد كتبت هذا المسدار وأرجو من الاخوان الطيب بشير ودكتور شنان وغيرهم من أصحاب المسادير من ضباط الشرطة ومن المتعاطفين مع قضيتنا العادله أن يدلو بدلوههم المساديرى وأتمنى أ، يكون الاخ عمر عثمان حلقه وصل بيننا وبين الاخ الملازم حامد ويعكس له كل هذا الاندياح والتعاطف لكى يرفع الروح المعنوية له ولغيره وللذين يقومون بعمل الشرطة اليومى حتى لا يتقاعسوا من أداء واجباتهم المنوط بها قانوناً والان الى المسدار :

يا حامد سلام واقفين معاك رجال
ساندين لى قفاك أقوال مع أفعال
أسأل للكريم ما تخوض براك أوحال
كل ضابط زميل يفديك رووح أو مال

*******************
الشرطة الرسالة ما تقييف جليل أعماله
لو حكمت ظروف واتبدلت اتبدلت أحواله
ما بنسيب زمييلنا ونخوض جمييع اوحاله
ما بندس سلاحنا وبنتم النقص بى رجاله

نواصل فى المسادير والاشعار بعد ظهور مدير المباحث السابق سعادة اللواء شرطة معاش عابدين الطاهر حاج الصديق بقصيدة عصماء شرح وكفى ووفى فأضيف له وأقول :

عابدين المدير عابدين القديرشرح الامور فى رسالة
يا الشرطة ورجاله البكرى وعبدالعزيزحسين ترباله
امشو وفد كبيير لى ناس عجبنا لى الديم وكل رجاله
رتبوا للحديث واجبروا للخواطر وإيدام فى إستقباله

ما كان بالمراد ....الحكم بالاعدام
وحامد يا هو اخوانا ما بندى للهدام
واقفين فى الصفوف وبنرمى لى قدام
وفى التوثيق برفع كل يوم سطوور وتمام
سلام لى كل ضابط ولييك يا سمير ضرغام

عمر الخوّه ما بتقييق وما بتعرف تعب وتئن
وعشره كابنا متواصله رغم الكبر الكبر والسن
ونرجع تانى زى أول ولى صفا وإنتباه بنحن
وللجرية وللطابور وللمامور جرسنا جرسنا يرن

وفى موضوع أخر مسدار مع الدكتور شنان رديت وقلت :

ما بشيله ود شنان ويمرق كورتو
وكيفن هو الشباب يعلن بداية بورتو
خلوهو اليكمّل فهمو يعدل شورتو
معرووف للحسان قبال يشوفن صورتو

كتبت للصحفية هاجر سليمان من صحيفة السودانى والتى انفرت بلقاء الاخ والزميل الدفعة اللواء شرطة معاش دكتور الطيب عبدالجليل حسين محمود بعد قرار المحكمة الدستورية فى قضية النقيب ابوزيد عبدالله مصطفى وحكمت ببطلان الاجراءات وقلت لها :

هاجر بت سليمان واصلى النجاح سباقة
فى أمر الصحافة ...فاهمة ومعاها لباقة
تبحث فى الحقيقة ... وتجيبه من أطباقة
وفى أمر اللغة ... ست الجناس وطباقة

وأيضاً كتبت لمجموعة المحاميين وضباط الشرطة الذين سوف يتولوا المرافعة أمام محكمة الاستئناف فى قضية الملازم أول حامد محمد حامد وقلت :

أهل الشرطة ناس قانون وعارفيين دربو
وقول لى ممثل إتهامنا أتحزمو وانكربو
نحنا دفاعنا زى المانيا بس ما بيعلن حربو
نخت ( البينات موزوونة ) نامن الخصوم ينطربو

على حسب طلب الاخ على التاج بنجر مسدار غير قابل للسواتر للأخ عباس فأقول :

يا ريتنى لو كت مدرس زى حسين خيرالله سامى
ويا رييت لو كت محاسب وعدادى دايماً رامى
شوف ضباط زمان ..........وفتش لكل أسامى
ما فيهم صغير ........ودايما يكون هو عصامى

» ماشاء الله تبارك الله الساعة الثانية صباحاً بتوقيت السودان وهناك 5 مشاهدين فى منتدى السقاى
» حكم وتأملات من هنا وهناك (منتدى العيلفون )
» أقدّم لكم عنوان منتدى الجالية السودانية المانيا الاتحادية بون وهناك صور للاطلاع
» مسادير رمضانيية
» مسادير ودوباى من ودبهاى