مسدار حكومة الدفعة 46 من بشرى مبارك

حكومتنا الرشيدة والرشيقة والشريفة ما فيها زوول بتحلل
وما بجيينا أب دقن يكبّر ..........وسط الصفوف يتسلل
نعصر للبياكل البيسرق ....... نامن فى هدووومو بتبلل
ونرجّع لى جنيهنا ............. عهدو الزمان والاوّوول
ويرجع فيها سودانا .............. وتانى ما بتدوووول

حليل الاحمر الغير الحمرة مافى الشوفة
يمينو النيل داك الازرق وخضرة جروفه
ايااام وكم ساوينا دييك الحزية كل صفوفة
ودارت دورة الايام وما عادت زى زمااان مالوفه

رداً على تعليق الاخ الشاعر سيد على حسن إسحق بأنى قرييب الكل أقول له ولاشك أتوقع رده بمسدار أقول له :

حقيقة إنتو لى قُراب وأقرب من صرير الباب
دى عشرة قديمة يا أحباب شعاره التحية وكاب
ولييك يا عطبرة الحلوة وعندنا فيها كم أنساب
ولييك يالجيلى يا بحرى ويا السروراب شعر وركاب

بعد الترحيب بالاخ والصديق الدفعة عكرمة ، وبمناسبة مداخلة الاخ بشرى قريب الكل : بشرى مبارك البشرى ، قريب الكل ، اريج الفل ، رجل ماب يخلو من فكرة ، كريم اجواد سليل أجداد عليهم خالت الشكرة ، وصفي قليل دة طبعو نبيل ، معانا على الدوام نطرا .فتى السقاي هدي ورضاي ، تختو على الجرح يبرا . وآسف للتقصير .

هذا رد الاخ القمندان على حسن اسحق ويبدو أنه أختار لغة السجع رداً على مسدارى ، بارك الله فيك أخى على حسن إسحق وأتمنى أن أكون قدر ما قلت من كلام رصين قد لا أكون أحمله ولكن أسعى إن شاء الله .

مسدار العودة والطله لسعادة القمندان عثمان حسين داؤود :

الرهييف خلوهو للطله بمزاجو
ما بيبعد ولا بدور يرفع زجاجو
الظرووف باعداهو من وطنو وعجاجو
وشايل الوطن الكبير جوه قلبو ولابسو عاجو

» مسدار ورد من بشرى مبارك
» مسدار لكمبيوتر بشرى مبارك المعطل
» مسدار للدكتور عبدالحى يوسف وقد أصبح قصيدة تأليف بشرى مبارك إدريس
» مسدار صورة برتبة رائد شرطة بشرى مبارك إدريس
» توقيع بشرى مبارك ...... مسدار بعنوان سلام سلام مطبوق