مجادعات مسدارية بين دكتور شنان وبشرى مبارك نقلا من والى الفيس بووك

تذكير بمساهمة فاتح الموضوع :

أخي بشرى تحية طيبة عساها تجدك موفور الصحة والعافية
وبعد ولعلمي بعشقك لشعر الدوبيت فهذه مسادير جادت بها قريحتي عندما كنت أعبر الميدان الأحمر فرأيت سرب من ظباء الرباط يتضاحكن وقد دفقن بقايا السندوتشات والعصائر بالميدان في ذات الموقع الذي كنا نأخذ به الـ(عشرة دقيقة صفا) ... فكتبت :
مسادير
ميــدان الـرجــولة الـزرعو قــط مــا بــار
كــم خــرَّج كـَلَسْ .. يحــمي الوطن .. نتّار
فــي شان الوطن لي الأمــن وإستـــقرار
قــدّم ناس (أمين) و( الديب) و (جبر الدار)
**************
دخـلوهو التلوب وإتقمّحـوبو عَمـَـار
كان أغبش ... دميهم صبّحنّوا حَمـــَار
مــيدان الرجولة الأرضو حـمرا ونـار
كــم أهــدى الوطن أمناً جـناهو ثــمار
**************
ميدان الرجولة الـ للوطن عـــمّار
كم خرّج رجال من (تُجمُلا) و(مسمار)
صناديداً قلوبهم صارمة زي بتّار
كان فسحة وقاية من شتات ودمار
**************
يـاما جـاب رجــالاً يـــهــدوا لـي من حـار
شال " أوشال " عرقْهُم الكابي دافق حار
عــــرق تدريب يسيل في أرضو ليل ونهار
شــــان أمـــن الوطن وســلامو مــا ينهار
**************

كــــم قــــدّم رجــــالاً للوطن دا ذخـــيرة
جـــايين من برام أو شندي فوق أو ريرة
دخـــلوا مفرقين في مشيتم زي (ســـيرة)
طلعوا موحدين خطوات نشيــطة قصيرة
**************
طلعوا موحدين خطوات نشيــطة قصيرة
عـــجنوهـــم رجال مـن الشـــمال والتــيرا
بـي فهـــماً سليم مدروس دراســة بصيرة
نــاس سِلــمى وضرار ودقنّة والبــاتــيرا
**************
حليل زمنوا اللي كان في الدولة حاجة خطيرة
مـــا بقدّم هــوان .. مابعوسلو خبزة فــطيرة
لــــي أمن الوطن خــيراتو ديمــة مـــطيــــرة
كــم قـــدّم رجـــال أفذاذ وســـيرة عــطيــرة
**************
حليل زمنوا اللي كان في الدولة حاجة خطيرة
مابيشــــقوا (إسكــــيرتي) و ( بلوزة) قصيرة
بنــوت (تــايتــنك) الــواحــــدة مــتل الــــِصــيرة
(تبصق) في اللبانة وتَكُب في باقي عصيرا !!!
**************
الموجوع / شنان محمد الخليل
— with Omer Osman and 19 others.
Like · · 4 hours ago ·
7 people like this.

بشرى مبارك مبارك إدريس
شنان ود الخليل والله زفرة مثيره ، واصل ما تقييف مطر الخرييف ودميرة، أنت يا يا شنان لك شأن كبير فى أمر الشعر والدوبييب فأدخل لكى نملا هذا الفضاء الواسع ونحرك البقية إن شاء الله فلا تبخل ، فإمكانياتك مهوله وتستحق المتابعة وسوف تجد الكثير من المعجبين ( والمعجبات ) من غير بلوزات قصيرة طبعاً !!!!

الخير فالك إت وابوك حاج الطاهر
نسيبك عبدالعزيز فى ميوينخ علماً ظاهر
سلّم لى عليهو.... فى الخير هميم ومساهر
شمبات العزيزة الحبيبة ...... أولاده خيرم باهر

كتب الدكتور والراوى صاحب رواية البوشيرت الاخ النقيب شرطة معاش الطيب بشير مسدار مادحاً البروف عباس أبوشامة الذى كان يبحث عن إسم الطيب بشير وتجربته فى أمريكا وكلفنى بتوصيل سؤاله عنه واليوم الخميس شارك الاخ الطيب بشير بعد غياب طويل فى بوست مسخن فكتب له أن البروف الفريق شرطة عباس أبوشامة يسأل منه فلم يتمالك نفسه من الفرح وكتب على التو مسدار رديت عليه بهذا المسدار وقلت :

المتل بروف عباس أخير لى بره فى الجوه حصادو ندامة
وما بشبه الخذلونا..... خذلو الامة بلعو الذمة قادو لجامة
ضاقو الراحة كتر المال غرفوا ... زى التقووول جمامة
خلو بلادنا تسد النيّة .....راقدة ستيّه بس ناقصه الكمامة

فتح الاخ والزميل وأول دفعتنا المقدم شرطة معاش محمد الحسن حمدنالله بوست يسأل عن سعادة اللواء شرطة معاش أحمد المرتضى البكرى ابوحراز ، فقد طال غياب سعادته وواجبنا أن نسأل عنه ونطمئن عن صحته وعافيته ورأيت أن يكون سؤالى مثلما فقد رسول الله صلى الله عليه وسلم جلبيباً ، أن أسأل عنه مسداراً فقلت :

نعم .... طال الغياب وكل يوم فى رجاك
سائلين الكريم .... الكرييم العافية تتحراك
التوثييق واقف علييك ... لاجديد لا حراك
أدينا وزييد ... وزييد كل الحضور يطراك

نواصل بعد أن عرفنا أن سعادة اللواء أبوحراز بخير والحمد لله :

اطمّنا علييك ... عليك يا (ود حراز) وفرحنا
إن شاء الله نشوف حضورك إن حيينا صبحنا
كايسن السمح ...... السمح وياك إنت سمحنا
لينا زى الشراب ...... وزى الاكل لى قمحنا

وصل الظرييف محمد سوكندى متأخراً ومتحسراً على أن الكعة فاتتو فى موضوع مطروح للرآى والرآى الاخر ورأيت أن أجعل ( مديدتو فى إيدو تحرقو براهو !!!!) وحرك فينى الاخ خالد كوامن المسادير الجعليه فقلت له :

الكعّة أنتهت يا سكوندى وشوفه عند الغافل
وجييت شايل المديدة ......من ديار السافل
ما بنكتب كعب ...وما بنعرف دنى أو سافل
وراكزييين ما بنفووت ..وما فى زوولاً جافل

بمناسبة ظهور سعادة اللواء شرطة معاش أحمد المرتضى البكرى أبوحراز بعد غيبة قصيرة مع تمنياتنا له بكامل الصحة والعافية فقلت لا بد من مسدار إستقبال ، وفى فترة الغياب يا سعادتك كتبت أكثر من مسدار لكن ما لقييت ضباط يرموا معاى لذا وقف الامر فى مسدارين فقط !! وييين يا عبدالله عبدالسخى ودكتور شنان ودكتور الطيب بشير !! الطيب بشير قال عذرو لعلنا نسمع من الغايبين!!!!! والان الى المسدار وقلت :

ظهر وجه السعادة وزادت معاهو البسمة
أديينا النجييض .. وصلّح جمال الرسمة
زى نغم الحقييبة.. القال هناك ( منقسمة )
ما دام سيده حاضر ما بنشوف لجوطه ولخمة

زار الاخوان الكرام محمد سونكدى وخالد عبدالباقى سعادة الفريق شرطة عوض وداعة الله حسين فى منزله وأكرم وفادتهم بشاى بى لبن مقنن مع الزلابية وقد تم توثيق الزيارة كتابه ، وكان لسعادة المقدم شرطة طيار معاش عثمان حسين داؤود رآى أخر وأن الوقت والاجواء أجواء أسماك ومشاوى وكبد ولكن رأينا أن نعطى هذه الاكرامية حقها المسدارى من باب أن المسادير قد حظييب بإهتمام خاص وحديث فى هذا الجلسية العامرة والتى نعشم أن نكررها عند قدومنا الى السودان فى أى وقت !! يا سيد على عبدالله رسل لى صاحبك شوالين تلاته دقيق من سيقا أو ويتا !!!!!ونسأل الله أن يسقينا من حوضه الشريق شربة لا نظمأ بعدها أبداً والآن الى المسدار وأكييد خالد عبدالباقى بياخد ليهو تبه تبتين والى المسدار :

زلابية سيد عوض ما سائله فى الاسماك
والشاى المقنن ......والله والله ما أحلاك
تشرب ما تقييف ...... ومافى ما أدهاك
لو نادك حبييب..ما تقولو قرّب قرّب هاك
من طعم المقنن ..... الزايد عًلا فى عُلاك

» لائحة صفحة التوثيق للشرطة السودانية على الفيس بووك
» حوار شعرى بين جعفر بدرى الامين وبشرى مبارك إدريس
» مسدار اللايك سمح لكن ردودك أسمح وبشرى مبارك
» بين مصطفى محمد جماع من منتدى العيلفون وبشرى مبارك ومسادير ثنائية
» تلاته ساعات مع حلقة التلاوه فى بيرمنجهام من كل سبت وبشرى مبارك