بشرى مبارك
عدد المساهمات : 7557
تاريخ التسجيل : 19/02/2009
العمر : 64
الموقع : أقيم فى بيريطانيا مدينة بيرمنجهام
 |  موضوع: حليل الانقلاب الفيهو الإلوف تتأتم ...!!!وقصيدة  الأحد 25 نوفمبر - 6:21 | |
| فى بادى الامر عندما قرأت عن الانقلاب الاخير فى موقع سودانيز أون لاين والله العظيم أعتبرته (سبق أسفيرى من إبداعات الاخوان بسودانيز أولان لاين) حتى أستعمت بالصوت والصورة للمؤتمر الصحفى (الهزيل ) لوزير الاعلام الدكتور أحمد بلال !!فسألنى أحد الاخوان عن رأى فى المحاولة الانقلابية فقلت له والله (لعب وكلام فارغ وتوقيت غير مناسب وماذا نجنى من الانقلابات التى أخرت السودان أكثر من 45 سنه من حكم أهل الجيش والقوات المسلحة المخلوط بالاحزاب وبعض حارقى البخور إلا من رحم ربى !!!) فطلب منى أن أكتب بوست فى سودانيز أون لاين فقلت له حتى هذه اللحظة لا أرى أن الانقلابات يستحق سطر من التعليق ولكن ربما فكرت فى قصيدة هجاء للإنقلاب الباهت ولتصريح وزير الاعلام !!!وبالفعل كتبت هذه القصيدة والتى أتمنى أن تنال الرضا وقبلها نترحم على كل شهدائنا من الانقلابيين فى العهود السابقة لأن لكل إنقلابى (قضية فى نظرة ) نجح الانقلاب أم فشل !!!.
والان الى القصيدة :
حليل الانقلاب الفيهو الإلووف الإلووف تتّأم
حتى الانقلاب أصبح مسيخ غرييب ومسجّم
ود كرار وصحبو الفى رمضان أجلهم حتّم
كانوا يمين رجال لو داسو الصخور تتحطّم
وفى أخر الزمن نشوف نشوف الانقلاب يتبسّم
حليلك حليلك يا النميرى فى زمنك كتير إتعشّم
يداوسك ينازلك إنقلاب ناس حسين ناس برشم
كانوا زى الإسود لو وادى وادى الحمار إتكلّم
يشهد دون كذب بالشهداء الشهداء بيهم أقسم
************************
وزير إعلام بيانو هزيل هزيل وما هو مرتب
لاعرفناهو إنقلاب وما نقول عديل قال كضّب
ويين الإتهام والمتهم المنو العرق العرق يتصبب
وييين ساعة الصفر الصفر الفيها يكون المكسب
ما دايرين ما دايرين إنقلاب وبلدنا حاله مكركب
لا أحزاب قديمة .... جربناها حالنا حالنا اتشقلب
عايزين ناس أمينة قوية ما فيها أصلو أصلو مجرّب
من كل قاراته دنيا ومن كل أخر ومن كل أخر كوكب
يحكموا لى بلادنا وخيرنا الوفير الوفير الكتيير بالأردب
يحكموا لى بلادنا وخيرنا الوفير الوفير الكتيير بالأردب | |
|
