تعالو نردد كلمة خير وقصيدة من بشرى مبارك إدريس

أجتمع نفر كريم من الاخوان السودانيين فى بيرمنجهام وقرروا الاستفاده من تواجد المطرب القومى والوطنى الاخ عمر إحساس لكى يقيم حفل ساهر يجتمع الجميع عليه لكى يبدأ الاخوان فى توحيد الصف فى بيرمنجهام لكى تصبح الجالية السودانية جالية واحده وتتوحد الافكار والروى ، طلب منى الاخوان إعداد قصيدة لهذه المناسبة وكتبت هذه القصيدة أتمنى أن تعجبكم فألآن الى القصيدة :

زى ما غنى أخونا عمر وادانا إحساس الوطن الواحد
الوطن الفى جامعتو لقينا على عثمان مع ود نور عبدالواحد
وفى زمن الخير على دينار كاسى الكعبة القبله والمحفل شاهد
ودار الزمن القدر مشينا خُطانا وجينا أوربا نكد نكد ونجابد
نعاهد على خوه وطناً واحد وفيهو جدونا كيف كانت بتجاهد
وتحمد ربك حمداً زايد أنّك مسلم وتُشهد ربك تقول يا واحد
وتصلى عليهو نبيك محمد وصلو عليهو صلاة العابد
قال من صلى علّى صلاة أصلى عليهو من نارو أباعد
وأشفع ليهو وعندى شفاعة بيها أقوى اليد اليد والساعد
ونحنا نعاهد كل سودانى نقييف فى خيرو معاهو نكابد
حايجمعنا الفرح الكره ويجمعنا الخير وربنا ربنا شاهد
*******************************
بننزل كلنا فى الخرطوم مطارنا الدولى مازاد من قُمنا
واحدين شرقو واحدين غربو واحدين لى سافل واحدين لى صعيد مشينا وحُمنا
على الفرقان على الوديان على الخيران نلاقى خضار ومرات صُمنا
ياهو السودان الوطن الفضّل من القسمة نلم أطرافو وفيهو حُلُمنا
يكون فى مصاف الدول الناهضة ليه حايبقى ظُلُمنا؟؟؟
********************************
نبدأ العدل فى كلمة أهلاً ويكون الرد عليك فى الحال
عليك بنفتش نعرف خبرك وإنّك طييب وفيهو فيهو دلال
العزّ الفيهو من أخوانك وكتير أخوانك ختو ختو سؤال
فى بيرمنجهام حانبدأ الحصة والدرس الجاى يكون راس مال
ويعم الخير المدن الحولنا وعمل الخير ما فيهو مُحال
الدين الخلق وصانا نبينا ونحنا نكمّل خيرو ننال
الدين الخُلق وصانا نبينا ونحنا نكمّل خيرو ننال
وأختم شعرى أقول لى أخواتى أقول لى أخوانى مساء الخير يا أغلى نساء وأغلى رجال
وأختم شعرى أقول لى أخوانى أقول لى أخوانى مساء الخير يا أغلى نساء وأغلى رجال