بشرى مبارك
عدد المساهمات : 7557
تاريخ التسجيل : 19/02/2009
العمر : 64
الموقع : أقيم فى بيريطانيا مدينة بيرمنجهام
 |  موضوع: عندما أستغرب أمين خزينة الجمعية السودانية بيرمنجهام سؤالى عن مباراة الهلال وهلال كادقلى !!!  الإثنين 31 أكتوبر - 0:04 | |
| عندما أستغرب أمين خزينة الجمعية السودانية بيرمنجهام سؤالى عن مباراة الهلال وهلال كادقلى !!!
كنت اليوم فى المدرسة السودانية بيرمنجهام وسألت الاخ محمد حسن هولى عضو المنتدى ولم أسأل الاخ عباس خطاب الاستاذ بالمدرسة فقد أفاد أنه طلّق الكرة السودانية والهلال طلاق تلاته وترك المنتدى الى غير رجعه!!!المهم كنت أسأل محمد حسن من الوقت الذى تبدأ فيه المباراة وتداخل عبدالسلام عمران فقال مباراة شنو يابشرى ومحمد الحسن فقلنا له الهلال وهلال كادقلى فى كادقلى !!!فقال لنا بالله إنتو ما عديميين شغله!!!تخلو شيلسى وما نشيستر يونايتد وتشجعو فى الهلال وهلال كادقلى !!! فقلنا له والله نحنا الهلال ده مابنبدلو بى 20 مانشيستر يونايتد فهل أنتم كذلك يا أهله ؟؟ فى إنتظار الاجابة والرد على عبدالسلام علماً بأنه هلالابى (ولكنه هلالابى ميييت ) يتابع فقط إنتصارات الهلال وغير ذلك يتغابه فيهو العرفه وقد أكل باسطة محمد حسن هولى التى قدمها بعد إنتصار الهلال على القطن وباسطة خالد على رئيس الجمعية بعد إنتصار الهلال على الرجاء البيضاوى المغربى يعنى فى أكل الباسطة حاضر وغير ذلك جنس التريقة الشايفنها دى آها نقول ليهو شنو يا أبونوسة ويا ميرفت ويا زروق ويا منو ويا منو وكل الهلالاب المولعين نار بالأربعات هذه الايام والله المريخاب عرفوها وأحسن ليهو ينسحبو والله الهلال ده فاير وسمو برررررررررا!!!.
الجدير بالذكر أن المباراة أنتهت بفوز الهلال بأربعة أهداف من توقيع سادومبا وأتوبونج ومهند الطاهر الغزال ونادر الطيب وجاء هدف الهلال كادقلى فى نهاية المباراة من المحترف أولاقو | |
|
