مجموعة قصائد عن مجلس الامن ومجلس أوكامبو (بشرى مبارك إدريس )

--------------------------------------------------------------------------------

فى يوم 18 أغسطس 2006 بعد صدور القرار 1706 سىء الذكر كتبت هذه القصيدة
نداء المقاومة
ننضمّ للرئيس...... ومعاهو بنقاوم
وفى وصية جدودنا ماعايزين نساوم
الوطن العزيز ...... الفيهو بنداوم
ما عايزين بديلو ..... ماهبت نسايم
ننضم للرئيس ... ومعاهو بنقاوم
وفى وصية جدودنا ماعايزين نساوم
*****************
إستعمار حديث إكتملت.... فصولو
مجلس أمنو جاهز يلعب فيهو دورو
يصدر فى قرارو ظالم خاطى قولو
أنهضى ياشعوب وقاومى الخططولو
رئيسنا حلف يمين يدحر كل فلولو
ورئيسنا حلف يمين وحلفو فى إصولو
ننضم للرئيس ..... ومعاهو بنقاوم
وفى وصية جدودنا ماعايزين نساوم
*****************
قرار فى القضاء والشرطة تدخّل
وقضانا معروف أصيل ماهو قيود مكبل
والشرطة الامينة تحدّ الجريمة وتردع من تدخل
قرار مليان سموم وشعوبنا مابتغفل
ننضم للرئيس ....... ومعاهو بنقاوم
وفى وصية جدودنا .. ماعايزين نساوم
****************
الشجب والادانة ومسيرات الغضب ماهو عمل كفاية
إستعمارنا الحديث رتب لى إمورو وكثّف للدعاية
وصمم يجيز قرارو.... وتتم الوصاية
ولابد من وقفة صلبة ... نقاوم للنهاية
ننضم للرئيس ومعاهو .... بنقاوم
وفى وصية جدودنا ماعايزين نساوم
*****************
جيشنا فى كل بقاع حافظ للوصية
مابفرط فى وطنو مابدى هدية
من أعلى القيادة ... إستعدادو مية
وفى جنود فرض السلام ما بندفع لدية
ننضمّ للرئيس ومعاهو ..... بنقاوم
وفى وصية جدودنا ما عايزين نساوم

الرجوع الى المقدمة

--------------------------------------------------------------------------------

والآن الى القصيدة :
أوكامبو الغشيم قول لى جدادك كر
وبى إذن الكريم مايصيب بلادنا الشر
رئيسنا حلف يمين توصل سفينتو البر
وراهو الصابرين والفى الصفوف كبّر
ورئيسنا مابجاف ورئيسنا دابى الكر
ومابسلّم سودانى يديهو لى ناس جر
*****************
شوف كيف البلاد بتروله إتفجّر
وكمان فيها المصانع والقصب سكّر
وفيها كتير مزارع السمسم البنّجر
خيرنا يمين كتير حارسنو بالعسكر
مانفرط فى شبرو لى أحفاد ملوك قيصر
السودان جموع الموية بالتنكر
*****************
كهربة من سدود فى الريف ذى البندر
وحرمنا الخمور وحرمنا للميسر
تانى بلدنا ترجع وشبابنا يتحسّر ؟؟؟؟؟
قدامنا العراق (وبريمر ) ..... إتحكّر
وأعلن إحتلال بى سلاحو كيف أبحر
فى السودان محال علينا يتكرّر
وأسال ناس (على والمهدى ) كم قرّر
نديك الدليل ودلينا ناس بربر
وفى دارفور هناك زار الرئيس عبّر
لو تحسب حشودو تحسب عديل تفترّ
شوف كل السودان دان القرار وانكرّ
شوف كل السودان دان القرار وأنكر
وحدنا القرار ... وحدنا القرار وخلانا نتفشّر
وحدنا القرار ... وحدنا القرار وخلانا نتفشّر

--------------------------------------------------------------------------------

عندما ذهبنا الى بروكسل للمشاركة فى المسيرة والمهرجان الخطابى أخذت معى مجموعة من القصائد لكى أقرأها للاخوان فى الطريق وعندما قرأت اكثر من قصيدة سألنى الباشمهندس محمد مكى رئيس الجالية هل كتبت عن سفر الرئيس للدوحة لحضور المؤتمر الاخير للقمة العربية ؟؟؟ فقلت له لا .....ولكن ناوى أن أكتب وقبل أن ندخل بروكسل قرأت لهم هذه القصيدة وأتمنى أن تنال أعجابكم البشير فى دوحة قطر

--------------------------------------------------------------------------------

عندما ذهبنا الى بروكسل للمشاركة فى المسيرة والمهرجان الخطابى أخذت معى مجموعة من القصائد لكى أقرأها للاخوان فى الطريق وعندما قرأت اكثر من قصيدة سألنى الباشمهندس محمد مكى رئيس الجالية هل كتبت عن سفر الرئيس للدوحة لحضور المؤتمر الاخير للقمة العربية ؟؟؟ فقلت له لا .....ولكن ناوى أن أكتب وقبل أن ندخل بروكسل قرأت لهم هذه القصيدة وأتمنى أن تنال أعجابكم البشير فى دوحة قطر

فى دوحة قطر... شرّف رئيسنا وزار
ويا أوكامبو صرّح وشبعت فيهو العار
بلّها وأشربة ......رئيسنا ياكل النار
الاعلام جد فرح ورتب عديل لى مسار
بى وجود البشير أفراحنا ليل ونهار
فى بروكسل حانرفع فى العلن وأسرار
وفى (لاهاى ) رفعنا وقط ما يصيبنا خوار
ويا أوكامبو أصبح كل يوم يجيك بوار
وما ظن ينخزل الشعبو بقو ثوار
وما ظن ينخزل الشعبو بقو ثوار

ى دوحة قطر... شرّف رئيسنا وزار
ويا أوكامبو صرّح وشبعت فيهو العار
بلّها وأشربة ......رئيسنا ياكل النار
الاعلام جد فرح ورتب عديل لى مسار
بى وجود البشير أفراحنا ليل ونهار
فى بروكسل حانرفع فى العلن وأسرار
وفى (لاهاى ) رفعنا وقط ما يصيبنا خوار
ويا أوكامبو أصبح كل يوم يجيك بوار
وما ظن ينخزل الشعبو بقو ثوار
وما ظن ينخزل الشعبو بقو ثوار

الرجوع الى المقدمة

[b]

--------------------------------------------------------------------------------

مناسبة القصيدة : اتصل على الاخ بهاء الدين من مدينة (فوبرتال ) وكان ضمن من حضروا مهرجان بروكسل الاخير وعلى الرغم من أنه ليس عضواً معنا فى الجالية إلا أنه يشارك فى كل هذه المناسبات . من المتحمسين فى دعم الرئيس ضد قرار أوكامبو ومن نقاشى معه وجدته مطلع على تحركات وتأريخ وماضى وحاضر ومستقبل أوكامبو وذكر لى أن أوكامبو أسس مع يهودى شركة أمنية مهمتها فقط القبض على الرئيس البشير وقد جمع له اليهود 25 مليون دولار حافز له عند تنفيذ أمر القبض وكتبت هذه القصيدة :

أوكامبو الرخيص

أوكامبو الرخيص أدوك ملاييين كم ؟؟؟؟؟؟؟
ويارب ياكريم ......... تعيش حياتك هم
ويارب يا كريم ........ يجيك مرض الدم
وينزف دم لسانك وينزف معاهو .... الفم
وكل ما تشوف صباح ..... يزيد عليك الغم
وتحلف بى لسانك .... تحلف تقول حرّم
زوّرت الحقائق ... وجبت ناس عم شمّ
لى قبض البشير........ القالو فيهو النّم
وخابت كل جهودك ....... شبعت فيهو الذمّ
وكيف تبسط عدالتك .... وبوش هناك منّجمّ ؟؟؟؟؟؟؟؟؟
وينه إصول عدالتك ...... الاصلو مابتتلم
كشفوك الشعوب ...... وشمو عفنك شمّ
كشفوك الشعوب ..... وشمو عفنك شمّ

القصيدة كتبتها بعد إفتتاح الرئيس عمر حسن أحمد البشبر لمصنع وقود (الايثانول الحيوى ) بشركة مصنع سكر كنانة فإلى القصيدة:
كل يوم مصنع جديد فى ريرة أو فى صفيّة
شوف كيف عمر البشير لى أوكامبو خلف الكيّة
وأصبح حالو شين ....شين زى لديغ الحيّة
وما طاق المطايب والشطوط والشيّة
وأصبح بطنو طامة .. عايز مرارة ونيّة
ويبكو جنبو ناس بوش يقولو ووب وأحيّة
وكم شفنا البشير فى قطر وظبيّة
****************************** *****
سفيرنا عبدالحليم أتحداهو قال كذّاب
بى إعلام معاهو لبد عديل فى الباب
حاول بعتدى لكن سفيرنا جناب
لاك المُرّة ضاقه وسفيرنا ضاقو كباب
وكيفن ينهزم شعباً جدودو ارباب
ونارو ديمه توقد قرآن مع التقاب
****************************** ***
يا أوكامبو قرّ الجوله شاله بشيرنا
لاسلّم سودانى لاسلّم معاهو وزيرنا
ولا أصغر هو عامل حتى ولو هو خفيرنا
لو سلينا سيفنا ما ظن يعود لى جفيرنا
نقطع رأس عدونا نرميهو فوق فى حفيرنا
وراجيّنك هناك ما شفتو ضربو سفيرنا؟؟؟

هذة القصيدة وجدتها بين مجموعة من الاوراق القديمة وصراحة ما أدونه من شعر مقارنة مع المكتوب وغير مدون أظن النصف تماماً غير مدون والبركة فى المنتديات والان الى القصيدة:
يلا أطردوا كل عميل
ما تخلو شبر أو هو ميل
دارفور تكون متروسة كيل
أوكامبو أيامك حليل !!!
شوف الرئيس دافر كسيل
شوف الدواب كيف شايلة شيل؟؟؟
شابلة السيوف وشادة حيل
والله هى الكانت دليل
على الوفاء والصمود الماذليل
يلا غنى فى طرب ياشرحيل
ويلا أبشرى أم سهيل
وبرضو أفرحى فى أمبليل
سودانا ودّع ظلمة ليل
سودانا ماشى على العديل
وسودانا ماشى على العديل

مازال مسلسل الخزى يتوالى على أوكامبو فى مسيرات سودانية من كل الدول الاوربية الى مقر محكمة الجنايات الدولية

ما وقف الحقير وكل يوم يجدد وعدو
لكن ماظنيتو كمل فرحتو ويوم سعدو
الليلة البشير فى الدوحة نسمع رعدو
كاتل فى الحروب وفى السلم معاهم قعدو

» شعار زين الجديد (سمحة المهله ) وحلمنتيش بشرى مبارك مبارك إدريس
» نقلاً من منتدى ودبهاى والاخ مبارك أبراهيم الامين عن بشرى مبارك إدريس
» بوصيييكم على .... من بشرى مبارك إدريس الى كل الاخوان بالمنتديات
» عاجل الى وزير الداخلية ومدير عام الشرطة ونائبة ومدير المباحث الجنائية المركزية
» مسادير الوصيفاب من بشرى مبارك إدريس