بشرى مبارك
عدد المساهمات : 7557 تاريخ التسجيل : 19/02/2009 العمر : 64 الموقع : أقيم فى بيريطانيا مدينة بيرمنجهام
| موضوع: البليلابى سلام ومنو فى البليلاب وماهو معنى بليلابى ؟؟ أو بتلابى ؟؟؟ الثلاثاء 29 مارس - 23:30 | |
| مرحب بيك يا البليلابى بس ما تبقى زى ودبلتنا !!!عمرة وزوغه !!!يا جماعة الواحد ضبحو ليهو خروف طويل عريض وسموهو إسم إسمو مالو ؟؟؟؟؟؟؟؟ والله لو تعرفو المغايس البسوها فينى الاسم المستعار والله أحسن لى الواحد يدينى كف فى الجامع فى عقد بعد صلاه الجمعة فى مسجد السقاى البتلاب وما يدخل لى بى إسم مستعار !!أرحمونا يرحمكم الله ومن برمنجهام سلام . بشرى مبارك إدريس بابكر محمد إدريس أمى الجودلية محمد بابكر محمد إدريس أخواتى منيره مبارك إدريس وراضية مبارك إدريس وأمينه مبارك إدريس أخى صالح مبارك إدريس صاحب حافله فى خط الجيلى . زوجتى خالدة فرح أبوسنينة محمد ما من السقاى رباطابية من الشريك الجزيره أرتل مقيمين فى أمدرمان. أولادى إسراء بشرى مبارك إدريس 18 سنه بتقرأ فى كلية جوزيف شامبرلن فى برمنجهام أحمد بشرى مبارك إدريس 16 سنه بقرأ فى أنترناشونال إسكول بيرمنجهام (والاتنين ممتحنين للجامعة) . إسلام بشرى مبارك إدريس (بنت ) بتقرأ فى المانيا فى الصف الثامن أتسلطت عليها مدرسة أو المشرفه عليهم قالت إلا تفططه سنه وتمشى الصف التاسع رفضنا ورفضت أمها وهى فى بون المانيا ورفضت أنا لكنها أى المدرسة أكلت رأس إسلام وأقنعتها وقالت ليها جربى شهر لو غلبك برجّعك!!جربت ليها إسبوعين وضربت الجرسه قالت بتم الشهر وبرجع !!يا جماعة دى حركات الالمان البايخة الخلتنا نسيب ألمانيا ونجى بريطانيا يعملو ليك فيها أنهم فى صالح إبنك وهم يغتسوا فى حجرو !!عليكم الله الفصل فيهو 30 طالب وطالبه فيهم 18 ألمان ما لقت إلا الاجنبية الما بديت معاهم من الاول وتقول مستواها أعلى من الفصل !! صاح نحنا عارفين أنها ممتازه فى اللغة وفى الرياضيات تراجع معاها أمها بالعربى وهى تترجم بالالمانى ومعاها صاحبته وزميلته أرتريه وماجابت رقم 1 إلا فى الامتحان الاخير فقط زمان كل نتائجها 2!!!. أخر العنقود أيمن بشرى مبارك إدريس فى الصف الثالث فى المدرسة الالمانية الاساس جنب البيت . آها يا البليلابى عرف نفسك بالطريقة دى لأنها (بليلابية!!) ما تقول لى رباطابية خليتك عافية . | |
|