بشرى مبارك
عدد المساهمات : 7557
تاريخ التسجيل : 19/02/2009
العمر : 64
الموقع : أقيم فى بيريطانيا مدينة بيرمنجهام
 |  موضوع: الوالد مبارك إدريس بابكر ورغم هلاليته يبارك للمريخ الفوز بكأس السودان وعودة الوالى لرئاسة المريخ  السبت 27 نوفمبر - 7:36 | |
| الاستاذ زين العابدين الشيخ الطيب مدير مدرسة السقاى البتلاب أساس الاسبق ورجل الاعمال فى سوق بحرى منذ 1990م من ظرفاء القرية والمدينة الان حيث أنه أصبح من سكان الحلفاية قبل عام .
فى مناسبة قبل يوميين فى السقاى البتلاب حسب ما ذكر لى شقيقى صالح فى هاتف اليوم أن زين العابدين نادى على الوالد يا حاج المبارك ما باركت لينا كأس السودان !!! رد عليه الوالد والله أنا هلالابى وبرضو ببارك ليكم لكن الشىء الاهم من كأس السودان الذى أود أن أباركه لكم هو عوده جمال الوالى ليكم رئيس النادى فمبروووك ليكم عوده جمال الوالى وبدون جمال الوالى مريخكم شبر مابمشى !!!(هذا كلام الوالد) وقبل أن يندهش الجميع وبما فيهم إبنه بشرى مبارك والذى أعلمه حتى هجرتى ومنذ أن عرفت الدنيا وكبرت عرفت أن الوالد يكره كره القدم كراهة التحريم وكم حرمنى من تمارين الخميس والجمعه فى الحله ومن مباريات لاعباً أو مشجعاً وشغلنى بإمور وأشياء لاعلاقه لها بكرة القدم وعلى الرغم من ظهور أخوانه فى ميادين كره القدم حتى العم عبدالله إدريس عليه الرحمة وهو يكبر الوالد إلا أننى لم أسجل للوالد حتى مغادرتى السودان فى 1992 م حضور لميدان السقاى البتلاب فى مباراة لكرة قدم !!!.
الاخ أبوالقاسم العوض صالح عضو نادى المريخ وعضو أتحاد الخرطوم المحلى ورئيس لجنه التسجيلات ببحرى تفاجأ بمعلومات الوالد (الخطيرة جداً والتى أكدها أبوالقاسم نفسه بحكم قربه من الوالى ) فسأل صالح أبوك والله مثقف رياضياً جاب المعلومات من ويين ؟؟ صالح قال ليهو أبوى ليه سنيين كل يوم بجيب ليهو أكثر من تلاته جرائد رياضية وسياسية يقعد عليها اليوم التانى يقراها كلها وعندو رادى طوالى يسمع فى الاخبار وأى خبر بعرفو سياسى كان رياضى ويعلق ليك عليهو بفهم عالى جداً!!!!!! وبصراحة أندهشت أولاً أن يكون والدى هلالابى يشجع سيد البلد وسيدا وأن تكون روحه رياضية يبارك للمريخ الفوز وأن يعرف أخر وأهم وأخطر الاخبار الرياضية (يبدو لى أننى أستمديت الروح الرياضية العالية والمباركة للمريخاب من الوالد والمثل بقول الفى والدك بقالدك وهذا الشبل من ذاك الاسد )
تخريمة : ناس منتدى البركل المريخاب آها كلام أبوى ده عن الوالى ما بحلنى من صيام التلاته أيام ؟؟؟؟!!!؟؟؟والله زارنى زره الترزى يوم الوقفه !! والله الواحد تانى يعمل حسابو من المريخاب متلقين الحجج ديل ناس ودالرفاعى وجماعتو وتحياتى لكم والله الحديث معاكم كلو متعه . | |
|
