الهلال زى ده أصلو ما معقول(كلمات بشرى مبارك إدريس )

بعد الانتصار الباهر الذى حققة الهلال على الموردة بحصيلة بلغت 6 أهداف جعلت الهلال يقف على الصدارة وبجدارة كتبت هذه الابيات وهى سوف تكون بإذن الله إمتداد للافراح ما بعد الاحد أمام الاتحاد الليبى والآن الى القصيدة والتى تقول :

الهلال زى ده أصلو أصلو ما ما معقول
يلا قوم يا وصيف يلا جيب جيب بندول
هدفو كيف مضمون بالله شوف يا زوول
فى لمحه هزّ شباك هدافو خاتى القول
أمتعنا بى فنونو الرايعة طول طول الحول
ما فيهو أصلو كلام ذكرنا ذكرنا ود منزول
دايماً سريع الحل يعرف يجييب لى حلول
خلى الفرح أفراح عند الهلال مامول
وغنى لى فرفور يا قائد قائد الاسطول
يا سيدا يا رايع كيف إنت كيف مسؤول
جيب الفرح عود بي خلى الفرح مشتول
في كل ديار عاشق فيهو الهلال مكتول
وأشفى كل سقيم كل عليل حتى لو منزول
قرّب سفرنا الطال خلى الشباك مبهول
الدورى هدافو كاريكا كاريكا أروع موول
وسادومبا ماشى ورا لى كل دفاع حايصول
زرع الفرح أطنان أداهو لى كل زووووول
زرع الفرح أطنان أداهو لى كل زووووول

خلى الفرح أفراح عند الهلال مامول
وغنى لى فرفور يا قائد قائد الاسطول
يا سيدا يا رايع كيف إنت كيف مسؤول


هذه مقاطع من قصيدة رايت ان يتغنى بها المطرب جمال فرفور وعندما يأتى الى مقطع
وغنى لى فرفور يا قائد الاسطول
يدخل فى مقطع جديد يا قائد الاسطول
ياسيدا قوم قول قول
خلى الهلال فى الصول
ياسيدا شوف منزووول
كان فى الهلال رائع وكان هو أحسن زووول
رجع هلالنا زمان رجعنا لى كم حول
زمن الهلال كالبدر وكيف وكييف كان هجومو يصول

وعلى لحن ياقائد الاسطول