هلّ علينا العيد وهلالنا أصلو بهلّ (قبل مباراة الهلال بساعات مع دجوليبا المالى اليوم)

رأيت ونحن نحتفل بعيد الفطر وهلال شوال أن نحتفل بهلال أخر أسعدنا وظهر علينا قبل وأثناء وبعدالشهر الكريم ونتمنى اليوم أن يقدّم العرض الرايع ويتقدّم على دجوليبا المالى لكى يكمل التسعة نقاط ويتصدر فكتبت هذه القصيدة والتى تقول :

هلّ علينا العيد وهلالنا برضو بهلّ
طمّنا بى عروضك ما أصلو ما بنمّل
وأفرحنا بى فنونك إنت يا أبو الهّل
كمّل لكل نقاط كمّل وليك ليك نجلّ
يحفظ جميع التييم وليهو قط ما يشلّ
دجوليبا يا مالى حاتشوف عروض فى محلّ
فى إستادنا روعة يبين لمّن نجومنا تطلّ
العيد يكون عيدين وهجومنا قط ما يكلّ
دفاعنا يا بارى وحارسنا حارسنا عزو يفلّ
زى الحديد ثابت وهجومو أحسن خلّ
*********************
غزالنا يا مهنّد وسيدا سيدا ملك الباص
سادومبا يا صاروخ هزّ الدفاع كيف ماص
ورينا ياهداف هاتريك بسيطة بسيطة خلاص
ونفرح صغير وكبير وأخواتنا ناس إخلاص
ما أصلو نحنا نحنا حلولنا أصلو ما أنصاص
لى كم هدف ناويين حانبُص مع البصاص
بُص شوف شوف جناحنا كيف قصاص
وكاريكا يارايع يا إنت كيف كيف قناص
والله من فنو فنو ذكرنى بس بس بلاص