إهداء من الاخ أبوشامة منتدى السروراب الى بشرى مبارك

mabushama
Senior Member تاريخ التسجيل: Jan 2009
المشاركات: 1,356

اهداء للاخ بشرى مبارك

--------------------------------------------------------------------------------

هذا الاهداء لك اخى بشرى مبارك نسبة لتزوقك فن المسدار ونظمك له فأليك هذه القصيدة - ( الصافي دهب الخزانة) وقد نظمتها الشاعرة الحرم عبدالله أبوسن في إبنها عبدالله إبراهيم أبوسن القاضي الشرعي ونائب رئيس البرلمان الأول ورجل السياسة الشهير يرحمه الله . ولقد كان بالفعل -مثلما تمنت له – رجلاً ذا شأن :

الصافي دهب الخزانة
الدولة أم فوت سيد بكانة
بريدو .. ودشيوخ البطانة
*****
شدو ليه البمغي الرسانة
ومرق الما بدورلو إعانة
يقيم الليل بالديانة
ويحل مفصول الضمانة
*****
مرق ود كرسي الحكومة
وقشاش دموع الظلومة
الضايقة بفرج همومها
والواجبة بيعرف لزومها
*****
بريدو ود شيوخ البطانة
شدو ليهو قارحو المقلد
نهم تيلادو المولد
نسف الكيس لينا جرد
وشيشك لي الدمعو برَّد
*****
مرق ود بيت الفضالة
تيتب للهاكعة شاله
عظيم بالحيل ياأب قدارة
متل قريش في الشطارة
*****
مرق ود بيت الدراسة
الطاهر خاتي النجاسة
شدو ليهو أم جراسة
ودخل البرطن نحاسها
*****
مرق أب زينا مكمل
لو مسفوه لو مهمل
درعوا البي الجوخ منمر
ولبسو البي الخوخ مسمر
*****
قاضي أوكاته وفروضه
مرق السابلات عروضه
*****
عوق الآلاف بقودو
وحرسه وصنعة جدودو
عبد اللاه يبلغ قصودو
ومتل حاتم يحكو جودو
*****
عبد اللاه دقر الحرايق
ونافي العيب والنقايق
بالأغراب ما هو عايق
كريم أخلاق ديمة فائق
بريدو ودشيوخ البطانة
*****
دارس سايس الطرايق
وفارس جاب الحقايق
وراسي وفي جلوسو رايق
وبحل المسجون وضايق
*****
شدو ليه القارح جوادو
ووافر للعامة زادو
عبد اللاه يبلغ مراده
علي الهايكوت ظعنو قادو
*****
عبد اللاه الفرسان صميمن
يشلع عيقان زحيمن
جدو البيهات عظيمن
ملك ذاوات مو نديمن
*****
شدو قارحو أب فراية
وسل أب جدلة وسقاية
عبدالله كاب الولاية
جليس ستات السراية
*****
فروخوا نفضت بديدو
وتسمع كورو وجضيضو
قود العوق يا عقيدو
النصر والفوز إنت سيدو
*****
شدو ليهو الصر كوروا
ونقرو نحاسو وطبولو
عوق الآلاف يجولو
وثقاة الناس بشهدولوا
بريدو ود شيوخ البطانة
*****
شدو ليه البنسف سبيبو
ومرق الما بعيق قريبو
أمين الجار يا حسيبو
جليس للبارعين وضيعو
*****
غلق زاد مو مخاده
ومرق الخاتي البلاده
النصر والفال هيلو عاده
وبجبد ناس في الشهادة
*****
غلق زائد مسدر
مرق اللي الروح بودر
ركب حافلو المبدر
جدو بضاري وبحدر
بريدو ود شيوخ البطانة
*****
غلق نيل التسابه
وقائد راس الحرابة
قاطع عاقة القرابة
بكان الموت ما بهابه
بريدو ود شيوخ البطانة
*****
يوم القيلة بنعاين
بالطاقات ما هو باين
تقيل موزون بالقباين
*****
سد أم دور بالعساين
ومنع القش بالبطاين
*****
شدو ليه البعجب رسيسن
وقود الخيل يا عريسن
بنات الطيب إت جليسن
والتاج والنيشان وريثن
*****
حفلن ولبسن لبوسن
وجنو سايقات عروسن
دوام مبسوط من خصوصن
أديب ما بواخد جلوسن
*****
حتلن جلبن طقومن
وجنوا طالبات لزومن
دوام مبسوط من همومن
قدر ما يقولن فهومن
*****
شدو ليهو الكورو صر
مو مسفوه مو مخلي
بدر في الحافلة سلة
والمسجون ليه حل
*****
الفروخ بارياهوا بره
وحنوا ولاقو المسرة
بريدو ود شيوخ البطانة
*****
شدو قارحو البلاوي
وشويم لي بيتو ناوي
عظيم ود عمد المقاوي
وقدر ما أقول يهو ساوي
*****
الصافي دهب الخزانة
الدولة أم فوت سيد بكانة
بريدو .. ود شيوخ البطانة

د.عبد الجليل
Member تاريخ التسجيل: Jul 2009
المشاركات: 82

--------------------------------------------------------------------------------

عفارم عليك يا ود ابوشامه
والله بشرى (اخوى) يستاهل اكتر من كدا
شكرا لمساهماتك الثرة وحضورك الدائم
الله يجازيك.

--------------------------------------------------------------------------------

شكراً لكم أنتم من يعرفون قيمة المشاركات ويردون بالشعر والمباركات أسأل الله لكم رفيع الدرجات يا مدرجين العاطلات ويا أخوان البنيات ويا فاتحين التايات ورافعين الرايات (الرايات بالمعنى الايجابى وليس الاستسلام )وعندكم الجايات أكتر من الرايحات . أتمنى أن أكون عند حسن الظن وأن يطعمنا وأياكم من السلوى والمن فى الدنيا والاخرة آمين آمين آمين

» ماذا أقترح الاخ كباشى فى منتدى السروراب وماذا رد عليه بشرى مبارك
» الدكتور عباس أبوشامة نقلاً من منتدى السروراب(البداية من الاخ منصور عبدالله المفتاح بكندا
» إحصائيات منتدى السروراب غرب تقديم بشرى مبارك
» غلبنى اللابس هدومى
» إهداء الى يحى المك منتدى السروراب