مبروك لكم جميعا

ملاحظة مهمة يامزمل وممكن الناس تضيف وتعدل المهم يكون فى عمل وفى جدية ومنتظرين تصريح من رئيس وسكرتير اللجنة

لك التحية ابو اليسر الخبر وصل لكن الجماعة فى اجتماعات ولديه بعض الترتيبات ومن ثم سيتم الاتصال على كل اعضاء اللجنة ولترتيب العمل وبداية الانطلاق ومرة ثانية بنقول مبروك تكوين اللجنة وكنتظرين ضربة البداية سقاياب الدوحة اجتمعوا امس وحددوا مواضيعهم ومخترحاتهم وجاهزين

ما غريبه عليك يا احمد ومشكور وع انو لايشكر الرجل فى اهله .انشاء الله يؤدى الصندوق غرضه ويساعد فى النهضه المنشوده للحله البقت ملطشه

ياود اختى احلق ساهى الراجيك كتير واملنا فيك كبير وتاكد اننا بعيدين فقط بعد جغرافى لكن سوف نكون معاكم بكل تاكيد خطوة بخطوة وشنو شوقتنا للشغل انت اصلك ماوقفته ويحمد لك ذلك كثيرا وياريت تعمل دراسة بلاولويات والاشياء العاجلة حتى يتم علاجها عاجلا كما ارجو ان تعمل دراسة ومقترحات لمهرجان السقاى الثقافى الاجتماعى والرياضى ودى كلها اشياء عاجلة جدا لابد ان تنزلها فى المنتى ودة اعتبروا تكليف من خالك ولك التحية

ود الشرق كفارة وسلامتك قالو متلم شوية يابن عمى بعد الشر عليك الراجيك كتير وعارفنك جاهز وعايزين ناس اللجنة يخلصو ترتيباتهم عشان يطلو علينا بالجديد العاجل وحتى تتشكل لجان القطاعات ويرفعوا لهم تقاريرهم ونحن نعول عليكم بعدالله تعالى كثيرا وراجيين صحتك تعود وتعود معافى حتى تسهم بفاعلية ومابنرضى غيبتك مرة تانية سلامتك وبعد الشر عليك واظنها .....
لك كل التقدير

كان كلامك ده بقولو عليه تنظير وانك بتنظر نظر ونظر ونظر وطولى نظر ده الكلام المحتاجنو فعلا وانا اثنى موضوع القطاعات وهنا شكلنا قطاع الدوحة برئاسة استاذنا حمزة جعفر استجابة فورية وسريعة لمقترحك
لك كامل التقدير وانت بتكتب عن تجارب ناجحة جدا يقتدى بها

كنت على ثقة من انك عضوة فاعلة ونشطة ونضم صوتنا لك فى الدعوة التى دعيتها ختى يتجمع الجميع ويدلو بدلوهم ويتحركوا تحرك حقيقى حتى نبدا العمل فعلا ثانيا نحس بان القربة لم تبدا فى تدفق الماء الى الان ولكننا نخشى من انبعاجها مرة واحدة ويندلق ماعليها مباشرة وليس بالتدريج
احييك على نشاطك وتفاعلك وارجو ان لاتلين عزيمتك وان لا يتسسل الياس اليك واديك العافية

جنابو بشرى اولا السلام عليكم ورحمة الله وبركاته والشوق والتحايا سابقات كل شى زمن طويل جدا لم نلتقى والحمد لله اصبحت لدينا ادوات تواصل فاعلة وسريعة نحييك وننتظر مساهماتك وثق اننا سوف نتعاون فى مركز الحاسوب مع اخواننا بكل ما اوتينا من خبرة ومعرفة وابشرك ان احد الاخوة السودانيين يعمل على محو الامية الالكترونية فى السودان وهو موجود معنا فى الدوحة مساهمتهم تتم للمكتبات القائمة فعلا عن طريق خطابات تاتى من السودان تبرعهم عبارة عن اجهزة حاسوب بالاضافة الى الف كتاب فى شتى ضروب المعرفة واقترح ان يبدا الجميع فى اكمال المركز القائم والعمل فيه الى حين قيام المركز الثانى لك كل التقدير

زي ما قال اخونا ياسر الملقوف نشكركم على الثقة التي أوليتوموها لنا وانشاء الله نكون عند حسن ظنكم بنا ونحن برغم المشغوليات شغالين خلف الكواليس ومنتظرين اجتماعكم واجندتكم ، وزي ما عارفين نحن كل جمعة بنجتمع . ولاننا لا نمثل الغالبية فمنتظرين دوركم انتو والبتبقوا عليهو نحن موافقين لانكم الغالبية .. ولكم التحية والتقدير ...

لاشكر على تكليف نتمنى التعاون والتجاوب السريع مع اللجنة والعمل وانا شايف انو الناس ماجادة وبكرر الناس ماخدة الموضوع ونسة وضحك وعدم الجدية ده سبب المشاكل الموجودة فى القرية وانا اقترح على القائمين على امر المنتدى اذا شعروا بتواصل عدم الجدية اقترح انهم يسحبوا كل المقترحات المتعلقة بالقرية ويخلوه للنكات والدعبات رغم ذلك املنا فى الاعضاء كبير وينتظر منهم الكثير بس بالجدية والوضوح

شكرا طارق ويلا ياشباب نكون عمليين واقترح ان نبداء بدعم الرابطة الرياضية التى من خلالها يمكن جمع الشباب وتوجيههم نحو العمل العام ان اميز الفترات التى مرت بها القرية ايام الرابطة الرياضية سابقا تلك الفترة شهدت وكثيرين شاهد عيان عليها تطورا فى كل المجالات ثم بنداء باكمال غرفة الوضوع بالمركز الصحى وهى تحتاج الى مواد التعقيم وتحتاج الى ترتيب عنبر الولادة ساهل ان ناتى باخصائية للوضوع ومن خلاله ممكن نحقق مكاسب عديدة اولا متابعة الحمل من المركز الوضوع بالمركز باسعار اقل وممكن من خلالها تحقيق الدعم يعنى نزيد فى الرسوم كما كان مخخطا سابقا ايام افتتاح التامين الصحى ونصطحب مع العمل بالمركز تجهيز مركز الحاسوب يعنى باتقريب غرفة الوضوع تحتاج الى 4000جنيه سودانى هذا المبلغ يمكن ان يحقق اضعافه فى اقل من سته اشهر اننى الاخوة والاخوات الافاضل اتحدث عن تجربة وعن دراسة تم وضعها ايام عملنا بصيانة المركز وتاهيله حتى نضمه تحت لواء مظلة التامين الصحى التى اراحت اهلنا كثيرا وساعدتهم فى العلاج لناشد الجميع الجميع حتى يهبوا وبقلب رجل واحد وبيد واحدة حتى ننجز هذا الامر ومنه سوف نحقق مدخولا كان محسوب فى تلك الفترة بمليون جنيه شهريا تخيلو معى لو كنا نجحنا فى هذا العمل منذ تلك الفترة بالمناسبة كنا قد اتينا بااخصائى نساء وتوليد وكانت الاسعار رمزية جدا مساعدة لاهلنا وكنا على معرفة به ممكن ان تتكرر هذه التجربة ومامضى ناخذ منه العبر ولانتحسر عليه نصحح من خلاله المسيرة والله ليس مننا اى فائدة ان لم نساعد اهلنما وبالمتاح باراى بالمادة بالعمل اليدوى والله والله هنالك نساء حلفن بان يحملن قدح المونة نسبة لحوجتهن للتامين فى تلك الفترة وهنالك امرتاة كانت تضبح فى كل مرة للذين يعملون وهنالك الخيرين والله كل اهلنا عندما يشعروا بالجدية يقفون وقفة رجل واحد لذا استحلفكم بالله واناشدكم ونفسى بان نهتم ونبدا ونجتهد حتى عملنا يرى النور وهذا العمل سوف تجدون سوابه قدام وخيركم خيرهم لاهله ولتسر القافلة واتمنى ان لايتساقط الناس منها لانها سائرة بنا جميعا باذنه تعالى كما بدات اختم ياهالنا وياشبابنا القرية تنادينا هل من مجيب نعم كلنا مجيبون وربنا يوفق الجميع لما فيه خير اهلنا والفينا مشهودة
وتابى الرماح اذا اجمعن تكسرا واذا افترقنا تكسرت احادا وننتظر اراءكم ومشاركاتكم العملية ولكم جميعا الشكر

والله يا احمد ويا ابو عمار الموضوع ده الحديث فيهو كتر والناس مش عارف !!! عايزه شخص يمشي ليهم واحد واحد ويبدأ فى جمع الفلوس (الاشتراكات) وبعد ان يتم جمعها الناس ممكن تنطلق وتبدأ ب فى تفيذ المشاريع التي تهدف لخدمة المنطقة ... والموضوع ده اتفتح فى اكثر من بوست وفى اكثر من صفحة فالتركيز مهم وركزوا وخلونا نبدأ خطوة عملية وخطوة جادة شوية زي ما قال يس وزي ما قال مزمل وزي ما قال طارق وزي ما قال فلان وفلان ودعوة نوال لشراب الشاي !!!! يعني والله ما عايز................ وخلونا نبدا فى جمع الاشتراكات وانا يا ياسر بقول ليك ابدأ انت لان الثقل موجود عندكم وزي ما قلت قبل كده نحن كل جمعة بنجتمع يعني جاهزين وما محتاجين لتنظيم صفوف وناس الدوحة برضو قليلين شديد وكل يوم بتقابلوا ... وما تشتتو الافكار وتكترو من الاقتراحات يا ابو تهاني واحده واحده علشان تنجح وتدي الناس دفعه للتانية والتالته والرابعة ولا رايكم شنو ؟؟؟؟ اقول ليكم ما عايز راي ... الاشتراكات وبس الرطوبة عالية يا ياسر