الغربة غربتين!!!!!!!!

رسالة خاصة للناس المغتربين نحن في الحلة شبعنا كجار ولحدي اسي مافي بادرة امل تلم الناس مع بعض وتصفي النفوس وما تكوين اللجنة الشعبية عنكم ببعيد يا خي خلو الناس تتلاقي في المنتدي دة بالخوة لانو انا قاعد افاخر اصحابنا الغربا بانو عندنا منتدي فارجو انو ماتشرو الغسيل وتبقي غربتكم غربتين واللا شنو؟
.

الاخ الكريم عبدالباقى عبدالله لك الود والتحايا وأسأل الله أن تتصافى النفوس فى المنتدى وعلى الطبيعة فى القرية . أفيدك أن الغربة فى أروبا ثلاثة غربات وأنا بصفة خاصة عندى غربة رابعة حيث أن أسرتى موزعة بين ألمانيا وبيريطانيا ولكن بحمد الله هانت وكلها شهرين ويتلم شملنا . من جانبى نعدكم بترك الكجار أنا صراحة زول كتابة وأكتب فى أى موضوع الزول إما يعلق على موضوعى سلباً أم أيجاباً ولكن المواضيع الانصرافية وحكاية مواضيعك كتيرة ومسيخة أو أنا مابحب المواضيع الفلانية جنس الكلام ده ما فى ليهو داعى بعدين إحترام الكبير واجب ومهم وأنا الوحيد من 50 سنة وما فوق الذى يطل يومياً على المنتدى ب25 موضوع وما فوق . ختاماً رغم ذلك أعد بعدم الرد إن شاء الله .(على الاشياء الفارغة ومقدودة )