عايزين ترحيب

عدد المساهمات : 2 تاريخ التسجيل : 05/11/2009

الاخوه والاخوات الكرام ، السلام عليكم ورحمة الله تعالى وبركاته مشترك جديد لنج

،

بترحبوا بينا confused

وله نشيل عدتنا ونتخارج Laughing

مرحب بيك كتير وانا كمان جديد كدا بقينا اتنين

الاخ نزار الامين .... سلام وبيك نرحب وهل أنت نزار الامين أحمدالامين أخوك ياسر أشترك معانا (وزاغ) وهل تشارك من الدوحة أم من السقاى ؟؟؟ على العموم الترحيب يصلك هنا أو هناك وإذا كنت أبن الاخ الفاضل الذى يرجعنى للايام الحلوة التى كنت أعمل فيها فى جوازات مطار الخرطوم وأسعد فى قضاء حوائج الناس فالتحية أولاً قبل أن نأتى على تحيتك لوالدك العم والاخ الاكبر الامين أحمد الامين ونترحم عليه ونقول اللهم أغفر له وأرحمة وعافة وأعف عنه وأكرم نزله ووسع مدخله وأجعل البركة فى ذريتة وأوصيكم بالدعاء له . ولوالدتك الفاضلة ولاخوانك وأخواتك وأرسل لك مسدار الترحييب وأتمنى أن نكون نشطاً وتجيب من المواضيع ما تجيب !!!
نرحب بيك وبيك نفرح وبيك نفرح
وأكتب لينا كل تدور كمان وأشرح
خلينا نتوه فى سطور عديل نسرح
ونحنا يمين بيك فرحانين وزينا مين يكون أفرح؟؟؟
أها بعد الترحيب ده من ود خالى خالد ودعبدالحى محمد أبوزيد ومنى (عدتك خبرة شنو ؟؟؟ ) أحسن تخليها لينا أصلى ناوى أتكلم مع مصعب وخالد فى موضوع حلقة تلاوة أمكن تلقى ليك فيها أجر فما رأيك وماردك بعد الترحيب والذى أتمنى أن تكون (زولى القاصدو ) ولك ودى لو كنت زولى أو غيرة .

عدد المساهمات : 2 تاريخ التسجيل : 05/11/2009

بسم الله الرحمن الرحيم

اخونا خالد عبد الحي ، شكرا ليك كتير علي الترحيب

اخونا الكبير (ماعايز اقول عمنا عشان ماتقول لي عما كباسه Laughing

) كلامك في محلو انا ولد عمك الامين احمد الامين عليه رحمة الله ، احتمال مابتتذكرني بس انا بتذكرك كويس مره كنا في اجازه للسودان الكلام ده كان في الثمانينات كان زرته الوالد عليه رحمة الله وكنته سايق الكريسيدا الزرقاء الشهيره Rolling Eyes

وعلي فكره متابع مشاركاتك في منتدى انا سوداني وخصوصا بوست رسايل ارجو ماتحرمنا وتواصل سردك الشيق . بالمناسبه مشترك هناك باسم صياد النجوم ، صراحه اصبت بخيبة امل في الترحيب القيتو في منتديات ابناء السقاي ، المشاركه دي ليها اكثر من 5 يوم مافي غير 2 رحبوا بي confused

، معناها منتداكم ده بالع حبة فاليوم ونايم Sad

، عشان كده حاناخده من قاصره واشيل عدتي وامشي ، ودعناكم الله lol!

أها يانزار وأنت جاى من منتدى أنا سودانى وعارف ما هو منتدى أنا سودانى!!! أنا هنا أحاول أن أتعامل مع منتدى أهلى بطريقة منتدى أنا سودانى أرحب بالناس والداخلين الجداد (هم فى الاسبوع كلو واحد أو أثنين ) أرحب بيهم بمسدار يطلع لى أحدهم ليقول لى كرهتنا المنتدى كلو سويتو لينا (مسادير ) ورضو نفس الشخص ينتقد وبشدة قصة رحلتى بعنوان الرسايل والتى أجمع كل من أطلع عليها فى أنا سودانى وسودانى للابد و8 منتديات أخرى أنها أروع ما تابعة فى حياتة !!! ولكن قالوا (زمار الحى لايطرب ) وطلب من أخى الذى أعتبر القصة (من عوامل تشريد الناس من المنتدى ) أن أرحم الناس وطلبت منه إنزال وإرجاع البوست الذى سحبه ولم أزعل منه والله العظيم وحتى هذه اللحظة أكرر له النداء الرابع ما بينى وبينك ما فى أى شىء أرجع ونحنا عايزين مواضيعك وليس إطلاعك على ما نكتب . آها عدم السلام والتحية ليك دى من عوامل شنو؟؟؟؟؟ لذلك إنت ديل أهلك وأهلى والضفر ما بمرق من اللحم شارك بمواضيع فقط مقارنة بين منتدى أنا سودانى ومنتدى السقاى . وأرجوك الا تجيب سيرة عمك حتى لا أقول لك (عمى كباسة )!!!!! ولكن حتى هذه اللحظة نورك ولى قدام ظهورك وعايزين برضو نورك وماترحل تسيبنا عشان حاضر ندورك !!!!

» تعارف الاعضاء
» الترحيب بالاعضاء الجدد
» جديد لنج
» الى الاخوان ودالقاضى وياسر الطيب الحاج وطارق حسن الشريف عايزين منكم كلمة ورأى وتعليق
» ترحيب