عندما كررها أخوان بركة وعملها أحمد سعد !!!!!

ذكرت لكم أخوانى المريخاب فى أكثر من موضوع فى هذا المنتدى ومنتديات أخرى ولكل عموم المريخاب أننى أشجع المريخ وأكتب فيه قصائد عندما يلعب بإسم السودان فى أى منافسه ولكن داخلياً أتمنى أن يهزمه الشمالى عطبرة !!!! والحمد لله البارح أخوان بركه وأحمد سعد ما قصروا وأنتزعوا النقطة الغالية من المريخ والله تعادل حى العرب فرحت ليهو أكتر من إنتصار الهلال بديل أننى كتبت قصيدة فى التعادل ولم أكتب للهلال لاننى أعلم أن كل الفرق فى السودان بما فيها المريخ (طيش الممتاز وبجدارة وهذ عنوان الموضوع القادم ) طيش الممتاز ذاتو ما سائلين فيهو وسوف يأخذ التلاته زى الترتيب إن شاء الله والان الى القصيدة وشماتة جد !!! ومهداه الى كل الهلالاب وعلى رأسهم إبناءنا حسن محجوب وأبوكارم ومصعب الزبير خوجلى والبقية .:
حى العرب العنيد .....حققت لىّ مناىّ
وخليت المريخ ودّع ودّع وقال باى باى
لانفع المدرب المدرب ....ولانفع دفاىّ
والوالى الرئيس.... كمل عليهو الرآىّ
قال : والله المريخ بحبو فوق لى جناىّ
ودايماً ليهو دافع .. ودايماً أنا السواىّ
لكن النتائج النتائج ! قربت أكون بكاىّ
واللاعبين يحيروا ...جيبم تقيل ما لاىّ
العربية جاهزة موديل جديد .. ضواىّ
وكل الاشرطة .. سراى .. مع آسفاىّ
وإلاعلام (يطبّل) مزمّل مزمّل الشكاىّ
(الفشلت ) إمورو شربوها زى الشاى
المريخ يمين فارقت . فارقت ما عطاىّ
جمهورك حزين .. يفتّش يفتّش الداوىّ
ما خلاّ الكجور... وما خلاّ ليهو محاىّ
وما خلاّ الثمار...... جاب حتى للباباىّ
وكلو طلع فشوش ....دفنوه فى السقاىّ
وكلو طلع فشوش ... دفنوه فى السقاىّ

رد: قصيدة الى كل الهلالاب فى المنتدى معتز سيد وبقيه العقد الفريد

--------------------------------------------------------------------------------

أقف احتراماً لأستاذنا الجليل بشرى مبارك

ووالله يعجز اللسان عن وصف سعادتنا وتشريفنا بتواجدك المهم والأهم بيننا

ربنا يحفظك ويديم علينا تواصلك معنا وهذا القلم السيف المسلول في وجه الوصيفاب

كلمات أكثر من رائعة ووصفت حال الوصيف الدائم بأبسط العبارات
وذكرت كل صغيرة وكبيرة في المريخ ... ولا أملك سوى أن أردد العبارة الدائمة (وفيت وكفيت)

تحية عسكرية ليك (سعاتَّك)

وهاردلك لأحبابنا الوصيفاب ... السنة دي براكم اتوصفتو قبل تجونا ...
وصَّفَّوكم الأمل عطبرة وهلال كادوقلي وأهلي مدني وحي العرب بورتسودان

» عندما فرحت بعودة أحمد عبدالعزيز القاضى وكتبت شعراً
» الهلال فاقد الآمال يخسر فى عقر دارة بهدف أخوان الدربال
» مسدار للمريخاب بعنوان بركة المرقتو من الجحور !!!!!
» الطيب مصطفى من الانتباهة ... يا أخوان مصر لاتحسبوه شراً لكم
» الاحتفال شعراً بشرى مبارك إدريس يبدأ على بركة الله