ياسر الطيب الحاج ... غالى والطلب رخيص

طلب منى الاخ ياسر الحاج فى بوست أن أكتب (مسدار ) ووقتها كانت الحمله قد شُنّت على المسادير ولكن قررت أن أسردب وأتحمل وكلها لحظات والحمد لله ظهروا الناس الذين يقفون مع المسادير!!!!!! وأنا فى طريقى الى بون تذكرت طلب ياسر الطيب الحاج (ورغم لونو الاحمر الكاواى وضعتة فى زواية وكتب له هذة القصيدة وليس المسدار أتمنى أن تنال الاعجاب .
كتبتها وأنا فى المواصلات الداخلية فى بون under ground وقلت :

ما بدور فى حته أكتب وفيها ديك كل المحاذير !!!!
بالغرب تقطع مراكب تلقى فيها جنس مسادير
الناظر الكباشى السرورابى وكل زول جايب مقادير
والمك معاهم (وقرمة ) فى فن التفاسير
والمحمّر والمقمّر والعصاير بالصنابير
الهمبريب ضارب عليك .. ويا حلاة قش التناقير
يا ياسر الغالى علىّ .. طلبك رخيص بى كم دنانير
وإنت أصلك سيد مكان وإنت ما ملك التعابير
حجزت فى السروراب مكانك .. مكانك دون ضنابير
بى يراعك بى حضورك إنت حيّرت السناهير
بى ردودك إنت أخجلت أخجلت الازاهير
وبى حنيينك بى حنيينك إنت بكيت المزامير
إنت يا سيد الاصول جيب معاك كل المطامير
إنت ياسيد الاصول جيب معاك كل المطامير

المبدع/ ود المبارك
كلمات معبرة تنم عن ملكة شعرية مقدرة ثقلتها التجربة وخيال واسع وخصب (أوربي صرف)، ونتمنى أن تجد مساديرك الفسحة في منتداها ولا تحتاج إلى مركب عمنا بخيت لكي تعدي البحر والمسدار كان ما كفى أهل البيت يحرم على الجيران، لك التحية وان تفيض علينا وتروينا بمساديرك وروائعك الشعرية.

ياسر المولى حافظو سرورابى جموعى اصيل
فى الكرم فاق الجاك والد الامين ضحى يوم وليل
يابشرى لولا لونه لوجد عندنا التهانى والتبجيل والتهليل
هذا الاحمرنفر الطير والبغال والحمير والجمال وكل زول
ياسر حبك للاحمر الوهاج العوجة فيك وانت زولأ دقرى عديل
المسادير والحكى والقص مانى زولا ولكن بعشق بحر الطويل
وعشت يانيل ..وياليل..ياسروراب شرقها غربها ودائما شادين الحيل

» ترحيب بمن هو اهل له(الشاعر الفحل محمود نور الدائم)
» الاخ ياسر الطيب الحاج أكتب لى تلفونك
» عكاز العرضة الاستاذ ياسر الطيب الحاج (المحامى)
» رئيس المائة والمائة ألف وما فوقهما اليوزباشا*/عوض البلولة حسونة
» الترحيب بالاعضاء الجدد