من بون وبدون مسدار أرحب بأبناء الاستاذ أبوالقاسم حمد والاخت أمينة مبارك

أتواجد هذه الايام فى إجازة لمدة إسبوع فى بون ومن بون أحىّ الابناء حمد أبوالقاسم حمد (رغم أنه تأخر 9 شهور من الاشتراك ) ولكن أن تأتى متأخراّ وتشارك مبكراً ومكثراً خير من أن لاتأتى !! كما أرحب بمروة أبوالقاسم وعقبال أسرة العم عبدالعزيز على بابكر وأحمدبشرى مبارك غايتو لو حمد أشترك بمستوى مشاركاتة فى منتدى أنا سودانى سوف أتحول الى منتديات أخى ومافى داعى للمنافسة بين الولد وخالو!!!!!لكن سوف أقنعة أى حمد لأقناع صديقة أحمد بشرى مبارك بالدخول وأتمنى أن يتم ذلك وإذا تم هذا الامر سوف أضمن لكم إن شاء الله نشاط مكثف فى هذا المنتدى يوازى نشاط أنا سودانى .أخر كبسوله ياحمدأنا أستقبلت معظم الاخوان والمشتركين الجدد بمسادير (منجورة ) ولكن عده النجر تركتها فى بيرمنجهام ولاحظت الاجواء الانجليزية أحسن من الالمانية فى النجر!!!!!! فإذا عايز ليك (مسدار نخيل بديك ليهو فى بون ومسئول منو أبو كارم) وأكان صبرت على الاسبوع الجاى بنجر ليك واحد من بيرمنجهام والجو تمام !!!والله بون فيها جنس مطرة وبرد !!!! وشىء مناسبات زى السودان والله أنا من مستشفى للاخرى نسأل الله الشفاء للاخوان ومبروك المولود الجديد (محمود ) حفيد اللواء شرطة معاش محمودمحمد صالح (الحلفاية ومعنا فى بون ) وبكرة زواج الاخت آلاء عادل الصوفى (غداء فى مسجد المهاجرين بون ) ياجماعة ما تصلوا معانا أقصد أقصد أتغدوا معانا . وداعاً رياضنا الغنا

يا مروة سلمى على أمّك وأبوك وأخوانك وخلى المتاوقة وردى على الاقل على خالك؟؟ وخلى محمد برضو يشترك ؟؟ أنا من بون أحييكم وأنا من أكثر الناس (مصاقرة هذة الايام لهذا المنتدى ) على العموم نرغب فى مشاركة قوية وكمان من أسرة العم عبد العزيز على بابكر .

عدد المساهمات : 10 تاريخ التسجيل : 15/10/2009

انتا تأمر ياخالي بس والله ماحتصدق انو دي أول مرة اشارك في منتدى بس انا سعيده انها كانت في منتدى حلتي وبين اهلي
وعشان كدا خطاي بطيئة نوعا" ما بس ان شاءالله تسرع مع الوقت وبالمناسبة خنساء وأحمد كم مرة حكو لي عن محاولتم المشاركة في المنتدى بس فشلت و ان شاءالله الأيام الجاية يكون في تواصل وتقبل مروري

الابنة مروة بنفس الطريقة التى دخلتى بها ممكن تشرحيها لاخواتك أما الاخ أحمد عبدالعزيز فهو سيد الشرح !!!!لكم ودى وتقديرى .

يامروة وحمد شرفتو جد بى حضوركم
يا أهل الجروف...... والنتر بابوركم
أدونا الجديد ....واقفين على طابوركم
وحمدنا المولى ليكم الفكّ داك ساجوركم

من خالكم بشرى مبارك إدريس من بيرمنجهام وتحياتى للاخ أبوالقاسم حمد والاخت أمينة مبارك وفى إنتظار أن يشترك محمد ومروان . ويامروة يامهندسة إنت هندسة كمبيوتر وبرمجة وتقولى لى دكتورة خنساء حاولت الدخول وفشلت !!! قولى ليها والله أهلك غرب وشرق والمنتديات المابعرف واوسى من السقاى زعلانيييييييييييين قالوا الطبيبة دى بخيلة كدى الشىء الرد ده ما نلقاهو منها والحقن والدربات ودواء الملاريا والارانيك الطبية والكشف حا تقول لينا فيهن شنو ؟؟؟ ؟؟؟؟

» مبرووك مروة أبوالقاسم حمد مروة أمينة مبارك إدريس التخرج وعقبال الدكتوراة
» تكوين لجنة الحاسوب والانترنت بالسقاى البتلاب
» مسدار طلب للعريس عمر أحمد أبوالقاسم وعروسته
» رئيس لجنة التسجيلات بإتحاد الخرطوم المحلى الاستاذ أبوالقاسم العوض صالح
» رئيس لجنة التسجيلات بإتحاد الخرطوم المحلى الاستاذ أبوالقاسم العوض صالح