ورفع مازيمبى الكنغولى الكأس فى المقبرة وقالوا سمحة المقدرة !!!

هارد لك للهلال وقد خسر المباراة لان خصمة فريق مرتب ومنظم وفريق بطولة ورجوله وتنظيم وتكتيم وتهشيم وتحطيم للارقام القاسية لان الهزيمة تعتبر أكبر هزيمة للهلال فى أستادة (مقبرة الابطال ) والتى غبر فيها الهلال تماماً عموماً المباراة القادمة سوف تكون تحصيل حاصل وأثبتت التجارب من إنقطاع التيار فى الاستاد لمدة نصف ساعة أننا (لاسد ولا رد بس أنقدينا قد !!!)وكان لاعبين الاهلال عبارة عن جنائز ناقصة الدفن وقراءة الفاتحة .

عدد المساهمات : 40 تاريخ التسجيل : 03/09/2009

ااخى بشرى السلام عليك .... واقول ليك هاكذا حال الكورة بوم غالب ويوم مغلوب .ولكن مبارة الامس كانت مبارة غريب الاطوار ولعب فيها الهلال مباره مابتشبه هلال الابطال وخسره خساره كبيره وغير متوفعه ويرجع هذا الى الاستهتار والغرور الذائد والاعلام الذى يطبل ويمدح ويصف الفرق السودانيه كانها فرق عالميه واللاعبين يمجدهم ويعطهم حق مبالع فيه .... وتصدر فى السودان اكثر من ( 10) صحف رياضيه بدون رياضه .وبالامس اخونا مشجعين فريق الم.....ر....يخخخخخ ماقصروا قلبو العاصمه قلب كانهم هم الغلبونا .............. [[

انتو عارفين انا قبل المبارة بيومين حلمت ببشرى ومعاهو ضياء وحسن محجوب وابو كارم الخمسة الهلالاب جو خاشين علي في البيت ولبسين ثياب سوداء (طقم) رحبت بيهم وشربتهم عصير برتقال (أصفر) كلهم شربو الا ابو كارم قال عايز ليه مويه بيضاء ساااااااااااااااااااااكت وجبت ليه وقلت ليه انشاء الله تروح ليك عطشك، وبعد ما سلمت عليهم قلت ليهم انشاء الله جيتكم دي لي خير شكلكم زي الجايبين معاكم خبر شين، قال اخونا بشرى لا والله جاين بنجمع في تبرعات لي سيد البلد ودعمه في مشواره الافريقي (كااااااااااااااااااااااااس عديل) قمت طلعت من جيبي (خمسة) ريالات قلت ليهم هذه مشاركتي، وقام بشرى قال الحاصل شنو يا ناس المريخ مرينا أحمد عبد العزيز في قطر وبرضو تبرع لينا بخمسة ريالات قطرية، قام ضياء الدين وابو كارم حردو التبرع حقي وقالوا لازم نرجع الخمسة حقت احمد مضاعفة له وانا قمت زعلت منهم زعل شديد........... يا ربي الخمسة ريالات حقتي عندها علاقة بالخمسة بتاعة مقبرة الابطال الدفنوهم فيها يوم السبت..........

مالك يا أستاذ تحلم وتفسر براك السعودية ما فيها وداعيات تديهن (3 ريال ) بدل خمسة لك ودى وحلمة بى حلمه والدورى لحسة كوع وحقو من أسع تحلم بى 6 نقاط فرق !!!!

عدد المساهمات : 739 تاريخ التسجيل : 07/03/2009

حبيبنا ياسر مازال بعض من اهل الهلال ونوع غريب من مشجعيه فقط يفرحهم الفوز على المريخ وهذا يؤكد عظمته وعلؤ كعبه لاحظت اليوم فى منتدى الرياضة احد مشجعى الهلال فاتح بوست وجايب اليوتب من مباراة هلال مريخ الرياضى العادى والعادى جدا يعرف ان فرصة المريخ امام الهلال كانت فقط بالفوز عليه لذا لم يهتم مدرب المريخ لعدد الاهداف التى تلج مرماه لذلك اندفع للهجوم ولكن اهمال الدفاع وطرد الباشا الغير مبرر من الحكم تسبب فى انهزام المريخ ورغم مريخيتى كنت اتمنى فوز الهلال لان فرصته اقوى واضمن ربما لو فاز المريخ لخرجوا سويا من المنافسة وهذا الراى بنيته من وطنيتى وعدم التعصب الاعمى وكم كنت اتمنى ان يفوز الهلال امس ولكن لماذا انهزم الهلال هذه الهزيمة الكبيرة دعونا نبحث عن اسباب الهزيمة سوف نجدها هى نفس الاسباب التى ساهمت فى هزائم المريخ لقد جاءت للمريخ فى وقت بدرى وتاخرت عند لحظات الحسم والقرب من التتويج عند الهلال وكل مايحلم الهلالاب بكاس يتبخر الحلم ونحنا اصحاب الكاسات المحمولة جوا حتى وان كانت كاسات صفائح او كاسات مجاعة كما يسميها اعلام الهلال جيبوا غتاية كفتيرة بس من برة خلونا من المحلية المفرطة ان الدورى السودانى لايطور كرة القدم السودانية ولايطور الالاعب السودانى اضف الى ذلك ادارات الاندية وجهل الاعبين وعدم الوعى والثقافة لديهم اسباب كثيرة غير مرئية ساهمت فى هزيمة الهلال والمقبرة يجب ان يقبر فيها كل مستهتر لم اقراء الصحف ولكنها اكيد ذهبت تبرر الهزيمة مازيمبى قد هزمه المريخ بنفس هؤلاء النجوم الذين احرزوا اهدافا كعدد اصابع اليد ولو استمر الزمن قليلا لحدث مالايحمد عقباه اننى حزين حقيقة لهذا الانكسار المفاجى ولكننى متفائل ربما فعلها الهلال وتاهل للمباراة النهائية كما كان يدعى رئيسه بان نتيجة المباراة مضمونه وفى جيبه الخلفى اصبح هذا الجيب مثقل بخمسة اهداف صعبت المهمة على فريقه الممثل الوحيد للكرة السودانية قاريا ولكنه مثل بسمعة الكرة السودانية الحديث طويل اتمنى ان لايحلم ياسر باكثر من الخمسة ريالات فى المباراة القادمة وان يترك محبى الهلال النظرة الضيقة للتشجيع وان كان هم الهلالاب الفوز على المريخ سوف ننهزم فى كل مباراة نتقابل فيها حتى تعم الافراح ويرفع محمد صديق العزاء يعنى يعجل البرود والى الملتقى لكم التحية وخمسة اقوان كتيرة نعدها قون قون

شكراً أخى ودالقاضى والله (ردك برد بطنى شوية من المغايس !!!) ووالله العظيم ردودك مكانة صحف الخرطوم التى تتطبل للنجوم قليلى الامكانيات والمهارات الفردية والله طلعنا لانعرف فى التخطيط ولا فى التنطيط (زى تنطيط حارس مازيمبى ) الذى يدخل فى قائمة الاستفزاز الشديد المفاجىء ونحنا حراسنا (ناجين فى الضرب بدون كرة والكروت الحمراء والحكم كان رحيماً على المعز محجوب حينما أعتدى على مهاجم مازيمبى متعمداً بعد أن أستلم كرته !!!)
* كررت كثيراً أننى مع المريخ وغيرة أفريقياً وعربياً وقصائدى تشهد على ذلك حتى أن مره قرأت بالهاتف لمجموعة كبيرة فى البتلاب من الهلالاب والمريخاب فزعل بهاء الدين مضوى منى (جد جد ) والسبب قال لى قصيدتك بتاعت المريخ أخلصت فيها أكثر من قصيدة الهلال أظنّك قلبت ؟؟؟؟؟!!!!