مادار بينى وبين الاخ يحى المك مؤسس منتدى السروراب من الرياض السعودية

From: alsororab City (alsororab@gmail.com)
Sent: Wednesday, September 30, 2009 12:49:00 PM
To: bushra mubark (mubark59@hotmail.com)

مرحب بيك الاخ الكريم رائد م . بشري مبارك إدريس فى منتداك وبين اهلك السروراب عاوزين نعرف اسم المستخدم المشترك به لكي نقوم بتفعيل حسابك
مع فائق تحياتي ،،،
اخوكم / يحيى المك

بتاريخ 30 سبتمبر, 2009 09:58 ص، جاء من bushra mubark <mubark59@hotmail.com>:

بسم الله الرحمن الرحيم

الاهل الكرام الاخوان الاعزاء المشرفين على منتدى السروراب تحية طيبة وبعد ، أحييكم من بيرمنجهام رائد شرطة معاش بشرى مبارك إدريس

من أهلكم ناس السقاى البتلاب( ودبلتنا بى أبوى وودالعجمية بى أمى ) بعرف ناس ورموز من أهلنا بالسروراب على رأسهم رئيسى السابق الفريق شرطة دكتور عباس أبوشامة (وزير الداخلية الاسبق ) ولى معه ذكريات وزيارات عندما كان فى الكويت ويعرفنى جيداً والقائمة طويلة لايسع المجال لذكرها الان ، أرسلت قبل أربعة أيام بيانات الاشتراك وظهر إسمى فى الترحيب بالاعضاء الجدد وكتبت قصيدتى (عربون بداية للمنتدى ولسع أتلفت!!! ) الحكاية شنو تفعلوا الاشتراك أم أفعّل الشكوى وأبداها بوزير الداخلية ثم اللواء جلال الشيخ الطيب الاحمر ثم اللواء تاج السر عثمان الذى خلف جلال فى السفارة وعملت معاهو فى بحرى وكوبر هو رائد وأنا نقيب وهو قدامنا بدفعة وتحياتى له وهو من أميز ضابط الشرطة قبل أن يلتحق بالامن ، والله كنا عايزين نخطب بت أسامة مكى (الزريقة دى مابتكون شينة لان أسامة ماشين بس أزرق!!!! وتحياتى له وكان ورانا فى الجيلى الثانوية وأخر مرة قابلتو عام 1990م فى بيت ناس بخارى الصادق صديقى العزيز أيام عملى بجوازات مطارالخرطوم

--------------------------------------------------------------------------------
See all the ways you can stay connected to friends and family